مصطفی عامر قتل کیس، ملزم ارمغان جسمانی ریمانڈ پر پولیس کے حوالے، شیراز کو جیل بھیج دیا
اشاعت کی تاریخ: 4th, March 2025 GMT
کراچی:
انسداد دہشتگردی کی خصوصی عدالت نے مصطفی عامر اغوا و قتل کیس میں ملزم ارمغان کو جسمانی ریمانڈ پر پولیس کی تحویل میں دے دیا جبکہ شریک ملزم کو جوڈیشل ریمانڈ پر جیل بھیج دیا۔
کراچی سینٹرل جیل انسداد دہشتگردی کمپلیکس میں خصوصی عدالت نمبر 4 کے روبرو مصطفی عامر اغوا و قتل کیس میں ریمانڈ ختم ہونے پر ملزمام پیش کیا گیا۔
وکیل صفائی عابد زمان ایڈوکیٹ نے موقف دیا کہ ملزم ارمغان سے اب تک کیا تفتیش ہوئی ہوئی ہے، پولیس سے پیش رفت رپورٹ طلب کی جائے۔ مقدمے کا عبوری چالان پیش کرنے کی ہدایت کی جائے۔ ملزم کو تشدد کا نشانہ بنایا جارہا ہے۔
طاہر رحمان ایڈوکیٹ نے موقف دیا کہ ملزم کا جسمانی ریمانڈ نہ دیا جائے۔ عدالت نے تفتیشی افسر سے استفسار کیا کہ آپ کو ریمانڈ کی کیوں ضرورت ہے۔
تفتیشی افسر نے بتایا کہ ملزم سے آلہ قتل برآمد کرنا ہے۔ ملزم اسکردو، لاہور اور دیگر شہروں میں رہا ہے۔ دوران سماعت ملزم ارمغان نے کہا کہ میں نے 15 دن سے کپڑے تبدیل نہیں کیئے، کپڑے تبدیل کرانے کی ہدایت کی جائے۔
ملزم نے کہا کہ مجھے کوئی چیز نہیں دی جاتی۔ مجھ سے زبردستی دستخط کرائے جاتے ہیں۔ کل بھی زبردستی انگوٹھا لگوایا ہے۔
پبلک پراسیکیوٹر ذوالفقار علی آرائیں نے موقف دیا کہ آلہ قتل اہم چیز ہے جس کو ریکور کرنا ہے۔ ملزم سے برآمد ہونے والے ہتھیار غیر ملکی ہیں، فرانزک کرانا ہے۔
ملزم سے دیگر اداے بھی تفتیش کررہے ہیں۔ ملزم نے شریک ملزم کے ساتھ ملکر مقتول کو جلایا اور پھر پورا پاکستان گھومتا رہا۔
عدالت نے استفسار کیا کہ کیاہے ابتک تفتیش میں تفتشی ہم نے گواہوں کے 164کے بیانات ریکارڈ کرائے ہیں۔ ملزم کا میڈیکل کرایاہے۔ اس کا کہاں کہاں اور کس سے لنک ہے تفتیش کرنی ہے۔
ملزم کئی مقدمات میں مفرور ہے اس بارے میں بھی تفتیش کرنی ہے۔ وکیل صفائی نے موقف دیا کہ ملزم 17 دن سے پولیس کی کسٹڈی میں ہے۔ مزید ریمانڈ کی ضرورت نہیں۔ قتل کے علاوہ نہ الزام ہے نہ کوئی ثبوت یہ صرف ملزم کو تشدد کریں گے۔ قانون کے مطابق کتنا ریمانڈ ہوسکتا ہے۔ قانون کے مطابق 30 دن کا ریمانڈ ہوسکتا ہے۔
عدالت نے مصطفی عامر اغوا و قتل کیس میں ملزم ارمغان کے جسمانی ریمانڈ میں 10 مارچ تک توسیع کردی۔
اس سے پہلے پولیس نے ملزم شیراز کو پیش کیا، وکیل صفائی وسیم جدون نے موقف دیا کہ شیراز گواہ ہے لیکن اسے پولیس نے زبردستی ملزم بنا دیا گیا۔ شیراز کو قتل کی دھمکیاں دی گئیں۔
عدالت نے ریمارکس دیئے کہ 164کے بیان کے بعد تو ملزم شیراز کو جیل کسٹڈی ہوجانا چاہیے تھی۔ ملزمان کا آج تک جسمانی ریمانڈ تھا اس لئے جیل کسڈی نہیں ہوا۔
ملزم کا جوڈیشل مجسٹریٹ نے اعترافی بیان ریکارڈ نہیں کیا۔ ملزم کو آج انسداد دہشتگردی کی خصوصی عدالت میں پیش کیا گیاہے۔عدالت نے ملزم شیراز کو عدالتی ریمانڈ پر جیل بھیج دیا۔
.ذریعہ: Express News
کلیدی لفظ: نے موقف دیا کہ مصطفی عامر شیراز کو عدالت نے قتل کیس ملزم کو کہ ملزم قتل کی
پڑھیں:
مصطفیٰ قتل کیس، ملزمان نے واردات کس طرح انجام دی؟ انٹروگیشن رپورٹ سامنے آ گئی
فائل فوٹومصطفیٰ عامر قتل کیس میں ملزمان نے واردات کس طرح انجام دی؟ کب کیا ہوا؟ ملزم ارمغان کی انٹروگیشن رپورٹ کی تفصیلات ’جیو نیوز‘ نے حاصل کر لیں۔
رپورٹ کے مطابق ملزم ارمغان خیابان مومن میں بنگلے میں کال سینٹر چلاتا ہے، کال سینٹر میں 30 سے 40 لڑکے اور لڑکیاں کام کرتے ہیں، ملزم کی ماہانہ آمدن کروڑوں روپے ہے۔
رپورٹ میں کہا گیا ہے کہ بنگلے میں شیر کے 3 بچے بھی غیر قانونی طور پر رکھے ہوئِے تھے، 30 سے 35 سیکیورٹی گارڈز بھی موجود تھے، بیرونِ ملک سے منشیات منگوانے پر 2019ء میں کسٹم نے ارمغان پر مقدمہ درج کیا تھا۔
تفتیشی رپورٹ میں کہا گیا ہے کہ کسٹم کے مقدمے میں ملزم ارمغان نے ضمانت کروا لی تھی، ارمغان پر تھانہ گزری، کلفٹن، درخشاں، بوٹ بیسن میں بھی مقدمات درج ہوئے۔
رپورٹ کے متن کے مطابق ملزم ارمغان خود بھی منشیات استعمال کرتا ہے، شیراز نامی شخص ملزم ارمغان کا بچپن کا دوست ہے، نیو ایئر نائٹ پر ملزم ارمغان نے اپنے بنگلے پر پارٹی رکھی تھی۔
پارٹی میں رات 12 سے 3 بجے تک شیراز بھی موجود تھا، مصطفیٰ نہیں آیا تھا، پارٹی سے قبل ایک لڑکی ارمغان کے بنگلے پر آئی تھی، بات چیت کے دوران تلخ کلامی ہونے پر لڑکی بنگلے سے چلی گئی۔
مصطفیٰ عامر قتل کیس کے گواہ غلام مصطفیٰ نے ملزم ارمغان اور شیراز کو شناخت کر لیا۔
انٹروگیشن رپورٹ میں مزید بتایا گیا ہے کہ اگلے روز ملزم ارمغان اور مصطفیٰ کا ذاتی وجوہات پر جھگڑا ہوا، 5 جنوری کو ارمغان نے اسی لڑکی اور شیراز کو بنگلے پر بلایا، ملزم ارمغان نے لڑکی کو لوہے کی راڈ سے تشدد کر کے زخمی کر دیا۔
ارمغان نے لڑکی کو آن لائن ٹیکسی میں جا کر علاج کروانے کا کہا، ملزم نے اسلحے کی گولی دکھا کر قانونی کارروائی سے منع کیا۔
تفتیشی رپورٹ میں کہا گیا ہے کہ 6 جنوری کو ارمغان نے شیراز کو بنگلے پر بلایا اور ساتھ نشہ کیا، 6 جنوری کی ہی رات 9 بجے مصطفیٰ بھی ارمغان کے بنگلے پر آیا، مصظفیٰ سے جھگڑا ہونے پر اسے ارمغان نے لوہے کی راڈ سے مارا۔
سفید چادر سے مصطفیٰ کے ہاتھ پاؤں باندھے اور اسے سیڑھیوں سے گھسیٹ کر نیچے اتارا، مصطفیٰ کی گاڑی ارمغان کے بنگلے کی پارکنگ میں موجود تھی۔
رپورٹ میں کہا گیا ہے کہ ملزمان نے مصطفیٰ کو اسی کی گاڑی کی ڈگی میں ڈالا اور حب لے گئے، 2 ملازمین سے کمرے میں موجود خون کے نشانات صاف کرنے کا کہا گیا، مصطفیٰ کے کپڑے، موبائل فون اور انٹرنیٹ ڈیوائس ارمغان نے اپنے پاس رکھ لی۔
مصطفیٰ کی گاڑی میں پیٹرول نہ ہونے پر ارمغان نے بنگلے سے پیٹرول کا ٹینک ساتھ لیا، ملزمان مصطفیٰ کا موبائل فون اور دیگر سامان راستے میں پھینکتے رہے، رات ساڑھے 4 بجے حب پہنچے اور گاڑی پر پیٹرول چھڑک کر آگ لگا دی۔
’جیو نیوز‘ کو موصول انٹروگیشن رپورٹ میں بتایا گیا ہے کہ ارمغان اور شیراز حب سے کراچی کے لیے پیدل نکلے، ملزمان ناشتے کے لیے ایک ہوٹل پر رکے، ہوٹل والے نے اس کے پاس گن دیکھی تو وہ ہوٹل سے نکل گئے۔
دونوں ڈھائی سے 3 گھنٹے پیدل چلنے کے بعد مختلف گاڑیوں سے لفٹ لے کر کراچی پہنچے، چند روز بعد مصطفیٰ کی والدہ نے ارمغان سے بیٹے کے بارے میں پوچھا، مصطفیٰ 6 جنوری کی رات نعمان نامی دوست کو بتا کر اس کے پاس آیا تھا۔
رپورٹ کے مطابق مصطفیٰ کی والدہ کے شک ہونے پر ارمغان اور شیراز اسلام آباد چلے گئے، ارمغان کی گاڑی اسلام آباد میں موجود تھی جس میں وہ واپس کراچی پہنچے۔
ارمغان پولیس کے بنگلے پر چھاپے سے 3 روز قبل ہی کراچی پہنچا تھا، سی سی ٹی وی کیمرے میں دیکھ کر ارمغان نے پولیس پر فائرنگ کی، کافی دیر مقابلے کے بعد پولیس نے ارمغان کو حراست میں لے لیا۔
رپورٹ میں کہا گیا ہے کہ ملزم کی نشاندہی پر گھر میں چھپایا اسلحہ اور دیگر سامان بھی پولیس نے تحویل میں لے لیا۔
کراچی میں اطفالِ شہداء کیلئے تعلیمی سیمینار اور تقریب تقسیمِ انعامات