وزیراعظم شہباز شریف کی کاوشوں سے ملک درست سمت پر گامزن ہوچکا ‘نواز شریف
اشاعت کی تاریخ: 4th, April 2025 GMT
لاہور (اُردو پوائنٹ اخبارتازہ ترین - این این آئی۔ 04 اپریل2025ء) پاکستان مسلم لیگ (ن) کے صدر و سابق وزیر اعظم محمد نوازشریف نے بجلی کے نرخ میں ریکارڈ کمی پر وزیر اعظم محمد شہباز شریف کو مبارکباد دیتے ہوئے کہا ہے کہ بجلی سستی کرنے سے نہ صرف عوام کو ریلیف ملے گا بلکہ ایکسپورٹ بھی بڑھے گی،ملک میں ترقی کی راہیں کھل رہی ہیں،نوجوانوں کو روزگار ملے گا۔
(جاری ہے)
انہوں نے گھریلو اور صنعتی صارفین کے لئے بجلی کے نرخ کم کرنے پروزیراعظم کی ٹیم کو بھی سراہا۔ نواز شریف نے کہا کہ وزیراعظم محمد شہباز شریف کی کاوشوں سے ملک درست سمت پر گامزن ہوچکا ہے،بجلی سستی کرنے سے نہ صرف عوام کو ریلیف ملے گا بلکہ ایکسپورٹ بھی بڑھے گی۔ انہوں نے کہا کہ پاکستان مسلم لیگ (ن) کے دور میں ہی ہمیشہ عوام کومعاشی ریلیف ملتا ہے،مہنگائی میں مسلسل کمی پاکستان مسلم لیگ (ن) کی ہی بہترین معاشی پالیسیوں کا منہ بولتا ثبوت ہے۔ ملک میں ترقی کی راہیں کھل رہی ہیں،نوجوانوں کو روزگار ملے گا۔.ذریعہ: UrduPoint
کلیدی لفظ: تلاش کیجئے ملے گا
پڑھیں:
وفاقی وزیر امیر مقام کا نواز شریف اور شہباز شریف کو خراج تحسین، بجلی قیمتوں میں کمی اور معاشی کامیابیوں پر عوام کو مبارکباد
اسلام آباد (نیوز ڈیسک) وفاقی وزیر امور کشمیر انجینئر امیر مقام نے بجلی کی قیمتوں میں کمی پر مسلم لیگ (ن) کے صدر نواز شریف اور وزیراعظم شہباز شریف کو خراج تحسین پیش کیا اور عوام کو اس پر مبارکباد دی۔
انہوں نے کہا کہ “ایک سال کے اندر وزیراعظم شہباز شریف نے ناممکن کو ممکن کر دکھایا ہے”۔ انہوں نے مزید کہا کہ “سٹاک ایکسچینج کے شئیرز میں 1800 پوائنٹ کا تاریخی اضافہ وزیراعظم شہباز شریف کی معاشی پالیسیوں پر کاروباری برادری کے اعتماد کا ایک اور ثبوت ہے”۔
انجینئر امیر مقام نے پی ٹی آئی کے دور حکومت پر تنقید کرتے ہوئے کہا کہ “پی ٹی آئی نے چار سالوں میں ملک میں جو تباہی مچائی، اس کے منفی اثرات سے رفتہ رفتہ ملک و قوم نجات حاصل کر رہی ہے”۔ انہوں نے مزید کہا کہ “ایک بار پھر ثابت ہو گیا کہ ملک و قوم کو ریلیف صرف مسلم لیگ (ن) دے سکتی ہے”۔
ان کا یہ بھی کہنا تھا کہ “آئندہ چار سال میں پاکستان کی معاشی ترقی کی رفتار مزید تیز ہوگی اور اصلاحات کے ایجنڈے پر عمل درآمد سے عوام کو مزید ریلیف ملے گا”۔
وفاقی وزیر نے حکومت کی معاشی کامیابیوں کا ذکر کرتے ہوئے کہا کہ مسلم لیگ (ن) کی قیادت کے تحت پاکستان کی معیشت نے مشکلات کے باوجود بہتری کی جانب قدم بڑھایا ہے۔
Post Views: 1
مریخ پر اب تک کا سب سے بڑا نامیاتی مالیکیول دریافت