برطانیہ میں غیرقانونی پاکستانیوں کا مسئلہ نہ ہونے کے برابر، طلال چوہدری
اشاعت کی تاریخ: 2nd, April 2025 GMT
فائل فوٹو
وزیر مملکت برائے داخلہ طلال چوہدری نے کہا ہے کہ برطانیہ میں غیرقانونی پاکستانیوں کا مسئلہ نہ ہونے کے برابر ہے۔
لندن میں جیو نیوز سے گفتگو کرتے ہوئے انہوں نے کہا کہ ہم نے یورپ کو غیر قانونی تارکین وطن کی آمد روکنے کے حوالے سے مکمل تعاون کی یقین دہانی کرائی ہے۔
طلال چوہدری کا کہنا تھا کہ پاکستان نے انسانی اسمگلنگ میں ملوث 218 افراد کو پکڑا ہے، برطانیہ نے پاکستان کے غیرقانونی تارکین وطن کے حوالے سے کام کو سراہا ہے۔
ان کا مزید کہنا تھا کہ یورپ کے متعدد ممالک کو افغان شہریوں کو لے جانے کا وعدہ بھی یاد دلایا ہے ۔
طلال چوہدری نے کہا کہ آرمی چیف کے دورہ برطانیہ کے مثبت نتائج سامنے آرہے ہیں، نواز شریف خاموشی سے اپنا کردار ادا کررہے ہیں۔
.ذریعہ: Jang News
کلیدی لفظ: طلال چوہدری
پڑھیں:
سمندری راستے لوگوں کو یورپ بھجوانے والے 3 ملزمان گرفتار
فیڈرل انوسٹی گیشن ایجنسی (ایف آئی اے) نے سمندر کے راستے شہریوں کو یورپ بھجوانے میں ملوث ریڈ بک کے انتہائی مطلوب ملزم سمیت 3 ایجنٹ گرفتار کرلیے۔
یہ بھی پڑھیں: انسانی اسمگلنگ کا کالا دھندا مکمل طور پر بند کرانے کا پختہ عزم کر رکھا ہے، وزیرِ اعظم محمد شہباز شریف
ایف آئی اے ترجمان کے مطابق ایف آئی اے گوجرانوالہ زون نے بڑی کارروائیاں کرتے ہوئے انسانی اسمگلنگ میں ملوث عناصر کے خلاف گھیرا تنگ کر لیا جس میں سمندر کے راستے شہریوں کو یورپ بھجوانے میں ملوث ریڈ بک کے انتہائی مطلوب انسانی اسمگلرز سمیت 3 ایجنٹ کو گرفتار کر لیا گیا۔
ملزمان کی شناخت محمد عمران، محمد تنویر اور غلام غوث کے نام سے ہوئی ہے۔ ان ملزمان کو گوجرانوالہ اور گجرات کے مختلف علاقوں سے گرفتار کیا گیا ہے۔
گرفتار ملزم محمد عمران نے شہریوں سمندر کے راستے اسپین بھجوانے کے لیے 72 لاکھ روپے سے زائد وصول کیے تھے۔
ملزم نے شہریوں کو کشتی کے ذریعے غیر قانونی طور پر موریطانیہ سے اسپین اسمگل کرنے کی کوشش کی تھی تاہم شہریوں نے کشتی کے ذریعے سفر سے انکار کر دیا تھا اور واپس پاکستان آگئے جبکہ گرفتار ملزم محمد تنویر سال 2019 سے اشتہاری ہے۔
مزید پڑھیے: سمندر کے راستے انسانی اسمگلنگ میں ملوث منظم گینگ بے نقاب
محمد تنویر کا نام ریڈ بک کے انتہائی مطلوب انسانی اسمگلرز میں شامل ہے۔ ملزم کے خلاف متعدد مقدمات درج ہیں۔
ملزم نے شہریوں کو ترکی کے راستے یورپ بھجوانے کے لیے لاکھوں روپے ہتھیائے۔
ملزم غلام غوث نے شہری کو غیر قانونی طریقے سے یونان بھجوانے کی غرض سے 17 لاکھ روپے سے زائد ہتھیائے۔ ملزمان شہریوں کو بیرون ملک بھجوانے میں ناکام رہے اور روپوش ہو گئے۔
ڈائریکٹر گوجرانوالہ زون عبدالقادر قمر کے مطابق انسانی اسمگلنگ کے نیٹ ورک کے خلاف کارروائیاں مزید تیز کر دی گئی ہیں اور معصوم جانوں سے کھیلنے والوں کو انصاف کے کٹہرے میں لایا جائے گا۔
مزید پڑھیں: انسانی اسمگلنگ میں ملوث 436 ملزمان گرفتار کیے جا چکے، وزیر اطلاعات عطااللہ تارڑ
عبدالقادر قمر نے بتایا کہ انسانی اسمگلنگ کے خلاف زیرو ٹالرنس پالیسی پر عمل جاری ہے۔ انہوں نے مزید کہا کہ کشتی حادثات کے ذمہ دار انسانی اسمگلروں کو سخت سزائیں دلوائی جائیں گی اور بین الاقوامی سطح پر انسانی سمگلنگ کے نیٹ ورک کو جڑ سے ختم کیا جائے گا۔
ویزا فراڈ میں ملوث ایجنٹ گرفتارایف آئی اے کے انسداد انسانی اسمگلنگ اسلام آباد سرکل نے بڑی کارروائی کرتے ہوئے ویزا فراڈ میں ملوث ایجنٹ کو گرفتار کر لیا۔
ترجمان ایف آئی اے کے مطابق ملزم زیارات کے نام پر انسانی اسمگلنگ اور ویزا فراڈ میں ملوث ہے۔
گرفتار ملزم کی شناخت محمد عارف کے نام سے ہوئی ہے جس نے شہریوں سے زیارات پر بھجوانے کے نام پر لاکھوں روپے کا فراڈ کیا۔
ملزم نے شہریوں کو زیارات کے لیے عراق پر بھجوانے کا جھانسا دے کر ان سے 45 لاکھ روپے بٹورے۔
یہ بھی پڑھیے: انسانی اسمگلنگ کے خلاف کریک ڈاؤن: ایف آئی اے کے 13 اہلکار برطرف، اہم گرفتاریاں
گرفتار ملزم شہریوں کو بیرون ملک بھجوانے میں ناکام رہا اور رقم وصول کرنے کے بعد بیرون ملک فرار ہو گیا۔
ملزم کو ایران سے پاکستان پہنچنے پر اسلام آباد ایئر پورٹ پر گرفتار کیا گیا۔ ملزم کا نام اسٹاپ لسٹ میں شامل تھا۔ ملزم کو گرفتار کر کے تفتیش کا آغاز کر دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد انسانی اسمگلرز گرفتار انسانی اسمگلنگ ایف آئی اے بذریعہ سمندر انسانی اسمگلنگ
ہائیکورٹ بینچ قائم مقام چیف جسٹس کی ماتحت عدالت نہیں،جسٹس اعجاز اسحاق