انگلینڈ کے سابق ٹیسٹ فاسٹ بولر پیٹر لیور انتقال کرگئے
اشاعت کی تاریخ: 27th, March 2025 GMT
برمنگھم میں1971میں 274 رنز کی یادگار اننگ کھیلنے والے ایشین ڈان بریڈ مین ظہیر عباس کے لیے عصاب شکن بن جانے والے اور لیڈز ٹیسٹ میں پاکستان کی شکست میں اہم کردار ادا کرنے والے انگلینڈ کے سابق فاسٹ بولر پیٹر لیور انتقال کر گئے۔
84 سالہ پیٹر لیور نے 17 ٹیسٹ میچز میں 41 وکٹیں اپنے نام کی۔ لنکا شائر کی نمائدگی کرنے والے 30 برس کی عمر میں پہلا ٹیسٹ کھیلتے ہوئےآنجہانی پیٹر لیور نے سرگیری سوبرز کی قیادت میں آنے والی ویسٹ انڈیز کرکٹ ٹیم کے اوول گراؤنڈ پر پرخچے اڑائے اور محض 83 رنز کے عوض سات کھلاڑیوں کو میدان بدر کیا۔
انہوں نے پاکستان کے خلاف تین ٹیسٹ کھیلتے ہوئے 17 وکٹیں حاصل کیں۔ 1971 میں برمنگھم ٹیسٹ میں پیٹر لیول نے تاریخی ڈبل سنچری جڑتے ہوئے 274 رنز جوڑنے والے ظہیر عباس کی اننگز کا خاتمہ کیا۔ اسی پہلی اننگ میں پاکستان کی جانب سے مشتاق محمد نے بھی سینچری اسکور کی تھی جبکہ آصف اقبال نے ناقابل شکست سینچری (104 رنز) بنائی تھی۔
اگلے ٹیسٹ میں لارڈز کے میدان میں 40 رنز پر بیٹنگ کرنے والے ظہیر عباس کو پیٹر لیور نے آؤٹ کر کے ان کے بڑھتے ہوئے قدم روکے، پھر انتخاب عالم کو 18 رنز تک محدود کر کے واپس پویلین بھیجا۔
بعدازاں لیڈز کے تاریخی میدان میں پیٹر لیور نے پاکستان کے خلاف انگلینڈ کی 25 رنز سے فتح میں کلیدی کردار ادا کیا۔ پہلی اننگز میں 72 رنز پر بیٹنگ کرنے والے ظہیر عباس کے بیٹ کو خاموش کرنے والے پیٹر لیول نے دوسری اننگز میں آخری تینوں وکٹیں حاصل کر کے انگلینڈ کو فتح دلوائی۔
پیٹر لیور نے 203 رنز کے مجموعی اسکور پر وسیم باری (2 رنز) کی وکٹ حاصل کی پھر 205 رنز پر آصف مسعود (ایک رن) کو آؤٹ کر کے اسی سکور پر کوئی رن بنائے بغیر پرویز سجاد کو میدان بدر کیا اور انگلینڈ کو کامیابی دلوا دی۔
اس سیریز میں ظہیر عباس تین مرتبہ پیٹرلیور کا شکار بنے،لیور نے ون ڈے انٹرنیشنل میچز میں بھی 11 وکٹیں حاصل کیں۔
انہوں نے 1960 سے 1976 کے درمیان لنکاشائر کی نمائندگی کی۔ 301 فرسٹ کلاس میچز میں 800 وکٹیں حاصل کیں۔
پیٹر لیور نے1965 میں نسل پرستی کی وجہ سے انگلینڈ کے دورے پر آنے والی جنوبی افریقا کرکٹ ٹیم کے خلاف لنکا شائر کی جانب سے کھیلنے سے انکار کردیا تھا۔
اس کے علاقہ 1975 میں آکلینڈ میں نیوزی لینڈ کے خلاف پہلے ٹیسٹ میں حریف بیٹسمین ایون چیٹ فیلڈ کو باونسر مار کر موت و زندگی کی کشمکش سے بھی دوچار کردیا تھا۔
.ذریعہ: Express News
کلیدی لفظ: کرنے والے ظہیر عباس ٹیسٹ میں حاصل کی کے خلاف
پڑھیں:
زمبابوے موسم گرما میں جنوبی افریقہ اور کیویز کا میزبان بنے گا
زمبابوے اس بار موسم گرما میں جنوبی افریقہ اور نیوزی لینڈ کی ٹیسٹ اور ٹی 20 میچز کےلیے میزبانی کرے گا۔
زمبابوے کرکٹ کے مینجنگ ڈائریکٹر گیومور میکونی نے کہا کہ برسوں بعد ہمارا ایک بڑا انٹرنیشنل ہوم سیزن آنے والا ہے۔ اس میں ہم دسمبر 2017 کے بعد پہلی بار 2 ٹیسٹ میچز کےلیے جنوبی افریقہ کی میزبانی کریں گے۔
اطلاعات کے مطابق اگست 2016 کے بعد نیوزی لینڈ کی ٹیم زمبابوے کا ٹور کرنے والی ہے۔ پروٹیز سے دونوں ٹیسٹ میچز 28 جون سے 6 جولائی کے دوران بولاوایو میں کھیلے جائیں گے۔ اس کے بعد نیوزی لینڈ کی شمولیت سے 14 سے 24 جولائی تک ٹی 20 ٹرائنگولر سیریز ہوگی۔
نیوزی لینڈ سے بھی بولاوایو میں 30 جولائی سے 7 اگست تک 2 ٹیسٹ میچز کھیلے جائیں گے۔
مزار اقبال پر گارڈ آف تبدیلی کی پروقار تقریب، پاک فضائیہ نے فرائض سنبھال لئے