پشاور اور گرد و نواح میں گرج چمک کے ساتھ موسلادھار بارش سے جل تھل ایک ہوگیا
اشاعت کی تاریخ: 26th, March 2025 GMT
لاہور(اردوپوائنٹ اخبارتازہ ترین-انٹرنیشنل پریس ایجنسی۔26 مارچ ۔2025 )محکمہ موسمیات نے ملک کے مختلف علاقوں میں گرج چمک کے ساتھ تیز بارش کی پیشگوئی کی ہے جبکہ پشاور اور گرد و نواح میں بدھ کی صبح گرج چمک کے ساتھ موسلادھار بارش سے جل تھل ایک ہوگیا محکمہ موسمیات کے مطابق آئندہ 24گھنٹوں میں خیبرپختونخوا، گلگت بلتستان، کشمیر، بالائی پنجاب، اسلام آباد اور شمالی بلوچستان میں تیز ہواﺅں ، آندھی اور گرج چمک کے ساتھ تیز بارش کا امکان ہے جبکہ چند مقامات پر ژالہ باری بھی ہو سکتی ہے.
(جاری ہے)
محکمہ موسمیات نے انتباہ جاری کرتے ہوئے کہا ہے کہ 26 اور 27 مارچ کو آندھی، ژالہ باری اور تیز بارش کی وجہ سے کمزور انفراسٹرکچر کو نقصان پہنچنے کا اندیشہ ہے، ژالہ باری اور آندھی سے پنجاب اور خیبر پختونخوا کے میدانی علاقوں میں کھڑی فصلوں کو نقصان بھی پہنچ سکتا ہے اس دوران درمیانی سے شدید بارش کے باعث مری، گلیات، ناران، کاغان، چترال، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، سکردو، وادی نیلم، باغ، پونچھ، حویلیاں میں لینڈ سلائیڈنگ اور پھسلن کی وجہ سے ٹریفک کی روانی میں خلل پیدا ہو سکتا ہے. اسلام آباد اور گرد و نواح میں وقفے وقفے سے تیز ہواں اورگرج چمک کے ساتھ بارش اور چند مقامات پر ژالہ باری کی توقع ہے علاوہ ازیں سندھ کے بالائی اضلاع میں مطلع جزوی ابر آلود رہنے کے علاوہ بعد از دوپہر جھکڑ چلنے کی توقع ہے، کشمیر اور گلگت بلتستان میں تیز ہواﺅں اور گرج چمک کے ساتھ وقفے وقفے سے بارش اور بعض مقامات پر تیز بارش ہونے کا امکان ظاہر کیا گیا ہے. دوسری جانب پشاور اور گرد و نواح میں صبح سویرے سے گرج چمک کے ساتھ موسلادھار بارش سے جل تھل ایک ہوگیا پشاوراور نواحی علاقوں میں صبح ساڑھے 6 بجے سے گرچ چمک کے ساتھ موسلادھار بارش کا سلسلہ شروع ہوا ایک گھنٹے مسلسل جاری رہنے والی بارش سے سڑکوں اور گلی محلوں میں پانی کھڑا ہوگیا. شہر میں اب بھی بادلوں کا راج ہے پشاورمیں گزشتہ روز بھی بوندا باندی اور ہوائیں چلتی رہیں دیراور چترال میں بھی گزشتہ 2 روز سے بارش کا سلسلہ وقفے وقفے سے جاری ہے چترال میں رات سے برفباری بھی جاری ہے بارش اور برفباری سےجاتی سردی پھر لوٹ آئی چترال ، دیر ، سوات سمیت دیگر پہاڑی علاقوں میں گرم ملبوسات کا استعمال دوبارہ شروع ہوگیا.
ذریعہ: UrduPoint
کلیدی لفظ: تلاش کیجئے چمک کے ساتھ موسلادھار بارش اور گرد و نواح میں گرج چمک کے ساتھ علاقوں میں ژالہ باری تیز بارش
پڑھیں:
بارش برسانے والا نیا سسٹم؛ پنجاب کے کئی اضلاع میں تیز ہواؤں کیساتھ بارش کا امکان
لاہور:بارش برسانے والا نیا سسٹم پنجاب میں داخل ہوگیا، جس کے نتیجے میں کئی اضلاع میں تیز ہواؤں کے ساتھ بارش کا امکان ہے۔
محکمہ موسمیات کے مطابق گزشتہ کچھ ہفتوں سے جاری خشک موسم کے بعد بارش برسانے والا نیا سسٹم پنجاب میں داخل ہوا ہے، جس کے نتیجے میں صوبے کے بیشتر اضلاع میں بارش کا امکان ہے۔
پنجاب میں چند ہفتوں سے راتیں ٹھنڈی اور دن میں موسم گرم اور خشک دیکھا جا رہا تھا، جس کے بعد نیا بارش کا سسٹم صوبے میں داخل ہونے کے نتیجے میں آج گجرانوالہ، راولپنڈی اور سرگودھا ڈویژن کے اضلاع میں بارش اور تیز ہوا چلنے کی توقع ہے۔
موسمیاتی ماہرین کا کہنا ہے کہ صوبے کے کئی اضلاع میں آج تیز ہواؤں کے ساتھ بارش کا امکان ہے، تاہم صوبائی دارالحکومت لاہور اور دیگر ڈویژنز میں بادل بغیر برسے ہی گزر جائیں گے۔
لاہور میں آج بادلوں چھائے رہنے کے ساتھ ساتھ وقفے وقفے سے سورج کی آنکھ مچولی کا سلسلہ بھی جاری رہے گا، تاہم محکمہ موسمیات نے شہر میں بارش کے امکانات کو رد کردیا ہے۔
محکمہ موسمیات کے مطابق پنجاب کے مختلف اضلاع میں ہونے والی بارش سے موسم خوشگوار ہوگا ، جس سے کچھ ہفتوں سے جاری خشک موسم کا سلسلہ ختم ہو جائے گا۔ آج لاہور میں کم سے کم درجہ حرارت 19 جب کہ زیادہ سے زیادہ 32 تک جانے کے امکانات ہیں۔
گرفتاریوں کیخلاف بلوچ یکجہتی کمیٹی کا مظاہرہ، لاٹھی چارج، شیلنگ، 10 زخمی، متعدد گرفتار