وزیراعلیٰ پنجاب کا وژن، عید کی خریداری میں مصروف خواتین کی حفاظت کیلئے لیڈی پولیس اسکواڈ تعینات
اشاعت کی تاریخ: 25th, March 2025 GMT
وزیراعلیٰ پنجاب مریم نواز کی ہدایت پر صوبے بھر میں عید کی خریداری میں مصروف خواتین کی حفاظت کےلیے بازاروں میں پولیس کے سائیکل اسکواڈز تعینات کردیے گئے۔
رمضان المبارک میں بازاروں کی سیکیورٹی کےلیے جامع حکمت عملی اپناتے ہوئے بازاروں میں خواتین موٹر سائیکل اسکواڈ اور ماؤنٹڈ پولیس گشت پر مامور ہے۔
لیڈی پولیس کانسٹیبل پر مشتمل بائیک اسکواڈز تشکیل دے دیے گئے، اور بازاروں میں اضافی نفری بھی تعینات کردی گئی ہے۔
اس حوالے سے اے ایس پی رینالہ سید دانیال حسن کا کہنا ہے کہ وزیراعلیٰ پنجاب مریم نواز کے وژن "نیور اگین: پروٹیکشن آف وومن اینڈ ورنلیبل ان سوسائٹی" اوکاڑہ پولیس کی اولین ترجیحات میں شامل ہیں۔
انہوں نے بتایا کہ اس وژن کو مدنظر رکھتے ہوئے پنجاب پولیس نے ضلع اوکاڑہ میں اپنے تینوں تحصیلوں میں 50 لیڈی کانسٹیبل پر مشتمل 30 موٹر سائیکل اور بائی سائیکل اسکواڈ تیار کیا گیا ہے۔
انہوں نے بتایا کہ عید سے قبل اور عید کے دوران خواتین کے مارکیٹ میں رش بڑھ جاتا ہے جس کا فائدہ اٹھاتے ہوئے جرائم پیشہ افراد چھینا جھپٹی اور ہراسانی سمیت دیگر کرائم کرتے ہیں۔
انکا کہنا تھا کہ اوکاڑہ پولیس نے خواتین اور معاشرے ورنیلیبل طبقے کو ان جرائم سے بچانے کےلیے یہ اقدام اٹھایا ہے۔
اے ایس پی سید دانیال حسن نے کہا کہ اوکاڑہ پولیس کے پہلے سے بنائے گئے موٹر سائیل اسکواڈ کو مارکیٹوں میں نافذ کیا ہے، اسکے علاوہ خواتین کانسٹیبلز گاڑیوں کے علاوہ پیدل بھی گشت کر رہی ہیں جبکہ سادہ لباس خواتین اہلکار بھی ڈیوٹی انجام دے رہی ہیں۔
انکا کہنا تھا کہ اوکاڑہ پولیس اس بات کا عزم کرتی ہے کہ خواتین اپنی عید کی چھٹیاں اور خوشیاں پرامن انداز میں بحفاظت مناسکیں۔
ڈی پی او سرگودھا محمد صہیب اشرف کا کہنا ہے کہ اسٹریٹ کرائم، اسنیچنگ، ہراسمنٹ و دیگر جرائم کی روک تھام کےلیے لیڈیز اسکواڈ اہم کردار ادا کرے گا۔
انہوں نے کہا کہ مارکیٹس، بینکس اور پبلک مقامات کے اطراف میں لیڈیز اسکواڈ موثر سرویلینس کو یقینی بنائے گا۔
بھکر کے بازار میں موجود خواتین نے وزیراعلیٰ پنجاب کے اس اقدام کو خوش آئند قرار دیا اور انکا شکریہ بھی ادا کیا۔
بازاروں میں خریداری کےلیے آئی ان خواتین کا کہنا تھا کہ بازاروں میں رش ہونے کے باوجود وہ خود کو محفوظ تصور کر رہی ہیں، بازاروں میں اچھی سیکیورٹی ہونے کے باعث وہ پُرسکون ہیں۔
.ذریعہ: Jang News
کلیدی لفظ: اوکاڑہ پولیس کا کہنا
پڑھیں:
اوکاڑہ: بیٹی نے شادی میں رکاوٹ بننے پر حافظ قرآن نابینا باپ کو فائرنگ کرکے قتل کردیا
اوکاڑہ کے تھانہ صدر دیپالپور کی حدود میں نابینا حافظ قرآن کے قتل کا معمہ 72 گھنٹے میں حل کرلیا، باپ کے قتل میں بیٹی ملوث نکلی۔ پولیس کا کہنا ہے کہ ملزمہ نے شادی میں رکاوٹ بننے پر فائرنگ کرکے باپ کو قتل کیا، ملزمہ نے اعتراف جرم کرلیا جبکہ آلہ قتل بھی برآمد کرلیا گیا ہے۔ڈی پی او راشد ہدایت کے مطابق پولیس نے جدید سائنٹیفک طریقے سے 72 گھنٹے میں ملزمہ کو ٹریس کیا، انہوں نے کہا کہ ٹھوس شہادت اور مربوط چالان مرتب کر کے قرار واقعی سزا دلوائی جائے گی۔ڈی پی او اوکاڑہ نے کہاکہ کسی کو ناحق قتل کرنے کی ہرگز اجازت نہیں دی جائے گی۔
وفاقی حکومت نے عید الفطر کی چھٹیوں کا اعلان کردیا