سٹاک مارکیٹ میں زبردست تیزی، انڈیکس ملکی تاریخ کی بلند ترین سطح پر بند
اشاعت کی تاریخ: 20th, March 2025 GMT
کاروباری ہفتے کے چوتھے روز کاروبار کے آغاز پر ہی سٹاک مارکیٹ میں زبردست تیزی دیکھنے میں آئی۔ ٹریڈنگ کے دوران پاکستان سٹاک ایکسچینج میں 1400 سے زائد پوائنٹس کا اضافہ ہوا جس کے ساتھ تاریخ میں پہلی بار سٹاک مارکیٹ میں ہنڈرڈ انڈیکس ایک لاکھ 19 ہزار 421 پوائنٹس کی حد کو چھو گیا۔ اسلام ٹائمز۔ پاکستان سٹاک ایکسچینج میں آج 2 نئے ریکارڈز قائم ہوئے، 100 انڈیکس تاریخ کی بلند ترین سطح پر ٹریڈ اور بند بھی ہوا۔ کاروباری ہفتے کے چوتھے روز کاروبار کے آغاز پر ہی سٹاک مارکیٹ میں زبردست تیزی دیکھنے میں آئی۔ ٹریڈنگ کے دوران پاکستان سٹاک ایکسچینج میں 1400 سے زائد پوائنٹس کا اضافہ ہوا جس کے ساتھ تاریخ میں پہلی بار سٹاک مارکیٹ میں ہنڈرڈ انڈیکس ایک لاکھ 19 ہزار 421 پوائنٹس کی حد کو چھو گیا جبکہ کم سے کم انڈیکس کی سطح ایک لاکھ 18 ہزار 444 رہی۔ تاہم کاروباری دن کے اختتام پر پاکستان سٹاک ایکسچینج میں ہنڈرڈ انڈیکس 795 پوائنٹس کے اضافے کے ساتھ ایک لاکھ 18 ہزار 769 پوائنٹس کی سطح پر بند ہوا۔
آج سٹاک مارکیٹ میں 442 کمپنیز میں سے 205 کمپنیز کے شیئرز میں اضافہ اور 176 کمپنیز کے شیئرز میں کمی ہوئی، جبکہ 66 کروڑ 78 لاکھ مالیت شیئرز کا کاروباری حجم 38 ارب روپے سے زائد رہا۔ واضح رہے کہ گزشتہ کاروباری دن کے اختتام پر سٹاک مارکیٹ میں انڈیکس 972 پوائنٹس کے اضافے کیساتھ 1 لاکھ 17 ہزار 974 پوائنٹس کی سطح پر بند ہوا تھا۔ دوسری جانب انٹر بینک میں امریکی کرنسی کی قدر میں 11 پیسے کمی واقع ہوئی ہے جس کے ساتھ انٹر بینک میں ڈالر 280.
ذریعہ: Islam Times
کلیدی لفظ: پاکستان سٹاک ایکسچینج میں سٹاک مارکیٹ میں پوائنٹس کی ایک لاکھ کے ساتھ
پڑھیں:
سٹاک مارکیٹ ریکارڈ بلند ترین سطح پر، حکومتی پالیسیوں پر سرمایہ کاروں کا اعتماد کا اظہار: وزیراعظم
کراچی+ اسلام آباد (کامرس رپورٹر+ خبر نگار خصوصی+ نمائندہ خصوصی) پاکستان سٹاک ایکسچینج میں ایک اور تاریخی سنگ میل عبور کر گیا۔ جمعرات کے روز کے ایس ای-100 انڈیکس پہلی بار 119,000 کی سطح عبور کر گیا تاہم اس کے انڈیکس 118,769.77 کی نئی بلند ترین سطح پر بند ہوا۔ مارکیٹ کے سرمائے میں 75 ارب روپے سے زائد کا اضافہ ریکارڈ کیا گیا جبکہ 46.38 فیصد حصص کی قیمتیں بھی بڑھ گئیں۔ جمعرات کو اہم شعبوں، بشمول تیل و گیس کی تلاش کرنے والی کمپنیاں، آئل مارکیٹنگ کمپنیاں، پاور جنریشن اور ریفائنریز میں خریداری دیکھی گئی۔ نمایاں سٹاکس جو مثبت زون میں رہے۔ ماہرین کے مطابق خریداری توانائی کے شعبے میں کیش فلو کی بہتری اور ممکنہ آئی ایم ایف معاہدے کی توقع کی بنا پر دیکھنے میں آئی۔ پاکستان سٹاک مارکیٹ مین جمعرات کو کے ایس ای 100انڈیکس 795پوائنٹس اضافے سے 118,769پوائنٹس پر بند ہوا، اسی طرح 36 پوائنتس بڑھ کر کے ایس ای 30 انڈیکس 36ہزار 532 پوائنٹس اور کے ایس ای آل شیئرز انڈیکس 73ہزار 25 پوائنٹس سے بڑھ کر 73ہزار 626 پوائنٹس پر جا پہنچا۔ وزیراعظم شہباز شریف نے پاکستان سٹاک ایکسچینج کے تاریخ میں پہلی بار ایک لاکھ 19 ہزار پوائنٹس کی حد عبور کرنے کو خوش آئند قرار دیتے ہوئے کہا ہے کہ یہ حکومت کی معاشی پالیسیوں پر تاجروں اور سرمایہ کاروں کے بڑھتے ہوئے اعتماد کا اظہار ہے۔ جمعرات کو وزیراعظم آفس کے میڈیا ونگ سے جاری بیان کے مطابق بہتر ہوتے معاشی اعشاریے اور کاروباری ماحول پچھلے ایک سال کے دوران حکومت کی معاشی پالیسیوں کی وجہ سے ممکن ہوا۔ وزیراعظم نے کہا کہ حکومت ملک میں کاروبار اور سرمایہ کاری کے لئے مثبت ماحول کی فراہمی کے حوالے سے ترجیحی بنیادوں پر تمام تر سہولیات فراہم کر رہی ہے۔ دوسری طرف سونے کی قیمت ملکی تاریخ کی نئی بلند ترین سطح پر پہنچ گئی۔ جمعرات کو فی تولہ سونا مزید1800روپے مہنگا ہو گیا جس کے بعد ایک تولہ سونے کی قیمت 3لاکھ 20ہزار 800 روپے پر جا پہنچی۔ عالمی مارکیٹ میں فی اونس سونا 12 ڈالر بڑھ کر 3050 ڈالر پر جا پہنچا۔ فاریکس ایسوسی ایشن آف پاکستان کی رپورٹ کے مطابق جمعرات کو انٹر بنک میں 7 پیسے کمی سے ڈالر کی قدر 280.23 روپے ہو گئی تاہم 1پیسے بڑھ کر اوپن مارکیٹ میں ڈالر 282.07 روپے پر جا پہنچی۔ فاریکس رپورٹ کے مطابق یورو کی قدر 83 پیسے کم ہو کر 307.44 روپے پر آ گئی جبکہ 3 پیسے کمی سے برطانوی پونڈ 366.53 روپے ہو گیا۔ ملکی زرمبادلہ کے ذخائر 16 ارب ڈالر کی سطح سے تجاوز کر گئے۔ سٹیٹ بنک کے مطابق 14 مارچ کو ختم ہونے والے ہفتہ تک مجموعی ذخائر میں 8 کروڑ 89 لاکھ ڈالر کا اضافہ ریکارڈ کیا جس کے بعد مجموعی ذخائر 15 ارب 92 کروڑ 89 لاکھ ڈالر سے بڑھ کر 16 ارب 1 کروڑ 58 لاکھ ڈالر کی سطح پر پہنچ گئے۔ مرکزی بنک کے ذخائر میں 4 کروڑ 89 لاکھ ڈالر کا اضافہ ہوا جس کے بعد ذخائر 11 ارب 14 کروڑ 68 لاکھ ڈالر ہو گئے۔ اسی طرح کمرشل بنکوں کے ذخائر بڑھ کر 4 ارب 86 کروڑ 90 لاکھ ڈالر کی حد پر پہنچ گئے۔ ادھروفاقی حکومت نے قومی بچت سکیموں پر منافع کی شرح میں ردوبدل کرتے ہوئے متعدد قومی بچت سکیموں پر منافع کی شرح میں 70 بیسز پوائنٹس تک اضافہ کردیا جبکہ سیونگ اکاؤنٹ ریٹ پر ریٹرن میں 100 بی پی ایس کمی کردی۔ سی ڈی این ایس حکام کے مطابق شارٹ ٹرم سیونگ سرٹیفکیٹ (ایس ٹی ایس سی) کی شرح 15 بیسس پوائنٹس (بی پی ایس) اضافے کے بعد 10.81 سے بڑھ کر 10.96 فیصد کردی جبکہ ڈیفنس سیونگ سرٹیفکیٹس پر منافع کی شرح ایک بیسز پوائنٹ بڑھا کر 12.15 فیصد کردی۔ پنشنر بینیفٹ اکاؤنٹ، بہود سیونگ سرٹیفکیٹ اور شہداء فیملی ویلفیئر اکاؤنٹ کی شرح 10 بی پی ایس اضافے کے بعد 13.68 فیصد ہوگئی۔ سروا اسلامک ٹرم اکاؤنٹ اور سروا اسلامک سیونگ اکاؤنٹ کی شرح 70 بیسز پوائنٹس بڑھ کر 9.74 فیصد سے 10.44 فیصد ہوگئی۔ سیونگ اکاؤنٹ ریٹ پر ریٹرن میں 100 بی پی ایس کمی کی ہے اور اب اس پر 11.5 فیصد کے مقابلے میں 10.5 فیصد ریٹرن دیا جائے گا۔
جعفر ایکسپریس حملہ؛ سکیورٹی فورسز نے بہت بڑے سانحے سے بچا لیا، بیرسٹر گوہر