علی امین دہشتگردوں کیساتھ نہ کھڑے ہوں، طلال چوہدری
اشاعت کی تاریخ: 20th, March 2025 GMT
وفاقی وزیر مملکت برائے داخلہ طلال چوہدری نے کہا ہے کہ اگر وزیراعلیٰ خیبرپختونخوا دہشتگردوں کے خلاف کھڑے نہیں ہوسکتے تو ان کے ساتھ بھی نہ کھڑے ہوں۔
اسلام آباد میں نیوز کانفرنس کرتے ہوئے وزیرمملکت طلال چوہدری نے کہا کہ ملک میں دہشتگردی کے کوئی واقعات ہوں اور اگر پاکستان کی حکومت اور کوئی ادارہ اس بات سے ہچکچائے کہ وہ دیشتگردوں کے خلاف کارروائی نہیں کرنا چاہتا تو وہ کس کے ساتھ کھڑا ہے، یہ کہنے کی ضرورت نہیں ہے۔
طلال چوہدری نے کہا ’میں وزیراعلیٰ خیبرپختونخوا کو کہتا ہوں کہ اگر وہ دیشتگردوں کے خلاف کھڑے نہیں ہوسکتے تو ان کے دوست بن کے ان کے ساتھ بھی کھڑے نہ ہوں۔‘
وزیرمملکت نے کہا کہ عمران خان نے جعفر ایکسپریس واقعے کے ایک ہفتے بعد اس کی مذمت کی ہے اور بیان میں یہ کہا کہ یہ سیکیورٹی فورسز اور خفیہ ایجنسیوں کی ناکامی تھی، میں یہ کہنا چاہتا ہوں کہ سیکیورٹی فورسز اور انٹیلیجنس ایجنسیز انفارمیشن دیتی ہیں مگر بلوچستان اور خیبرپختونخوا میں ایسے ادارے ہی نہیں ہیں جو انفارمیشن کے مطابق کارروائی کرسکیں۔
انہوں نے کہا کہ بلوچستان کے بی ایریا میں 80 فیصد سیکیورٹی کی ذمہ داری لیویز کی ہے، لیویز اہلکاروں کی ڈیوٹی پر حاضری 45 فیصد ہے، فوج کا کام تو نہیں ہے کہ وہ ٹرین کی حفاظت کرے، کیا فوج کا کام ہے کہ وہ سڑکیں کھلوائے یا فوج کا کام ہے کہ اس طرح کے واقعات ہوں تو سب سے پہلے وہ پہنچے؟ فوج کو تو ہم اس وقت بلاتے ہیں جب صورتحال باقی سیکیورٹی فورسز کے بس سے باہر ہوجاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بلوچستان تحریک انصاف جعفر ایکسپریس طلال چوہدری علی امین گنڈاپور عمران خان لیویز وزیراعلیٰ خیبرپختونخوا وزیرمملکت.ذریعہ: WE News
کلیدی لفظ: بلوچستان تحریک انصاف جعفر ایکسپریس طلال چوہدری علی امین گنڈاپور لیویز وزیراعلی خیبرپختونخوا وزیرمملکت طلال چوہدری نے کہا کہا کہ
پڑھیں:
جعفر ایکسپریس آپریشن میں ہلاک کیے جانے والے دہشتگردوں کی تصاویر منظر عام پر
جعفر ایکسپریس آپریشن میں ہلاک کیے جانے والے دہشتگردوں کی تصاویر منظر عام پر WhatsAppFacebookTwitter 0 18 March, 2025 سب نیوز
بولان (سب نیوز)جعفر ایکسپریس آپریشن میں ہلاک کیے جانے والے دہشت گردوں کی لاشوں کی تصاویر منظر عام پر آگئیں، یہ تمام دہشت گرد سیکیورٹی فورسز کے کلیئرنس آپریشن کے دوران ہلاک کئے گئے۔
تفصیلات کے مطابق گزشتہ دونوں بلوچستان میں جعفر ایکسپریس پر دہشت گردوں کے حملے کے بعد سیکیورٹی فورسز نے آپریشن کیا تھا تاہم آپریشن کے دوران جہنم واصل کیے جانے والے دہشت گردوں کی لاشوں کی تصاویر منظر عام پر آگئیں، یہ تمام دہشت گرد سیکیورٹی فورسز کے کلیئرنس آپریشن کے دوران ہلاک کیے گئے۔ذرائع کے مطابق جعفر ایکسپریس آپریشن میں سیکیورٹی فورسز نے 33 دہشت گردوں کو جہنم واصل کیا اور یرغمال بنائے گئے مسافروں کو بحفاظت بازیاب کروایا۔
ذرائع کا کہنا ہے کہ ہلاک ہونے والے دہشت گردوں کے پاس بھاری مقدار میں غیرملکی اسلحہ موجود تھا، مارے جانے والے دہشت گرد غیر ملکی اسلحہ سے لیس تھے، دہشت گرد مسافروں کو یرغمال بناکر ڈھال کے طور پر استعمال کرنا چاہتے تھے۔ذرائع نے مزید بتایا کہ سیکیورٹی فورسز نے بھرپور کارروائی کرتے ہوئے دہشت گردوں کے ناپاک عزائم کو ناکام بنایا اور ملک کے تحفظ کو یقینی بنایا، سیکیورٹی فورسز دہشت گردی کے مکمل خاتمے کے لیے پرعزم ہیں اور ایسے کسی بھی خطرے سے نمٹنے کے لیے ہمہ وقت تیار ہیں۔
ممتاز قانون دان خالد انور کراچی میں انتقال کرگئے