حیدرآباد؛ پولیس پارٹی پر مسلح افراد کی فائرنگ، دو افراد جاں بحق، اے ایس آئی شدید زخمی
اشاعت کی تاریخ: 18th, March 2025 GMT
حیدر آباد:
جنرل بس اسٹینڈ پر ملزمان کی گرفتاری کیلیے جانے والی پولیس پارٹی پر مسلح افراد کی فائرنگ سے دو افراد جاں بحق، اے ایس آئی شدید زخمی ہوگیا، چار حملہ آور گرفتار کرلیے گئے۔
ایس ایچ او تھانہ بی سیکشن ہاشم بروہی کے مطابق اقدام قتل اور دھمکیاں دینے کے ایک مقدمے میں کارروائی کے لیے فریادی کے ہمراہ پولیس پارٹی جب ملزمان کے قریب پہنچی تو فائرنگ کی گئی، جس کے نتیجے میں کیس کے فریادی سمیت دو افراد جاں بحق اور اے ایس آئی لیاقت شدید زخمی ہوگیا۔
ایس ایچ او کے مطابق لاشیں اور زخمی کو سول اسپتال منتقل کردیا گیا ہے، جاں بحق ہونے والوں میں مختارعلی اور سلمان پٹھان شامل ہیں۔
ہاشم بروہی نے بتایا کہ پولیس پارٹی پر فائرنگ کرنےو الے چاروں مسلح ملزمان کو گرفتار کرکے نامعلوم مقام پر منتقل کردیا گیا ہے۔
دریں اثنا ایس ایس پی حیدرآبادعدیل چانڈیوپولیس پارٹی پر حملے کے بعد سول اسپتال پہنچے اور جاں بحق افراد اور زخمی اے ایس آئی کے بارے میں معلومات حاصل کیں۔
انہوں نے بتایا کہ فائرنگ کے واقعے میں کیس کا فریادی اور ملزمان کی طرف سے ایک شخص جاں بحق ہوا ہے، چار حملہ آوروں کو گرفتار کرلیا گیا ہے اور مزید گرفتاریوں کے لیے کوششیں جاری ہیں۔
.
ذریعہ: Express News
کلیدی لفظ: پولیس پارٹی پر اے ایس ا ئی
پڑھیں:
کراچی؛ ڈالمیا میں نامعلوم ملزمان کی فائرنگ سے ایک شخص جاں بحق
کراچی:تھانہ عزیز بھٹی کے علاقے میں ڈالمیا میں سیاسی جماعت سے تعلق رکھنے والے کونسلر کو فائرنگ کرکے قتل کردیا گیا، وزیرداخلہ سندھ ضیا لنجار نے پولیس حکام کو ملزمان کو گرفتار کرنے کی ہدایت کردی۔
ترجمان ضلع شرقی پولیس کے مطابق ڈالمیا شانتی نگر کے قریب فائرنگ کے نتیجے میں ایک شخص جاں بحق ہوگیا جس کی شناخت فائق کے نام سے ہوگئی۔
ترجمان پولیس کے مطابق مقتول فائق یوسی7 شانتی نگر سے سیاسی جماعت کا کونسلر تھا، مقتول کی لاش جناح اسپتال منتقل کی جارہی ہے۔
پولیس کے ترجمان کا کہنا تھا کہ مقتول کو بظاہر نشانہ بنایا گیا اوراس کی دشمنیاں بھی بتائی جارہی ہیں، مقتول کے قتل کے محرکات کی مزید وضاحت کے لیے شواہد اکٹھے کیے جارہے ہیں، جبکہ علائقہ میں یہ بات زبان زد عام ہے کہ مقتول کو دیرینہ دشمنی کی وجہ سے قتل کیا گیا۔
پولیس کے مطابق واقعے کی تحقیقات کی جارہی ہیں۔
دریں اثنا وزیر داخلہ سندھ ضیاء الحسن لنجار نے شانتی نگر کے کونسلر کی ہلاکت کے واقعے کا نوٹس لیتے ہوئے ایس ایس پی ایسٹ سے تفصیلات طلب کرلی ہیں۔
وزیرداخلہ سندھ نے ہدایت کی ہے کہ قتل کے پس پردہ عوامل و محرکات کا پتہ لگایا جائے اور شواہد کی روشنی میں تفتیش و تحقیقات کو نتیجہ خیز بنایا جائے۔
ضیاء الحسن لنجار نے ہدایت کی کہ ملزمان کی گرفتاری کے لیے تمام تر ضروری اقدامات کو یقینی بنایا جائے۔
پہلی ایشیائی فلم جس نے 2 ارب ڈالرز سے زیادہ کمالیے