کراچی کے بعد لاہور میں بھی پی ایس ایل ٹرافی ٹور کا آغاز ہو گیا
اشاعت کی تاریخ: 16th, March 2025 GMT
کراچی کے بعد لاہور میں بھی ایچ بی ایل پی ایس ایل ٹرافی ٹور کا آغاز ہو گیا۔
پہلے مرحلے میں خواجہ ہاکی اکیڈمی میں ٹرافی کو لے جایا گیا، اگلے مرحلے میں لاہور کے مختلف مالز اور ثقافتی جگہوں پر لے جایا جائے گا، ٹرافی کی رونمائی تقریب میں خواجہ ہاکی اکیڈمی کے چیئرمین خواجہ جنید اور درجنوں بچے موجود تھے،ہاکی اکیڈمی کے بچوں نے پی ایس ایل ٹرافی کے ساتھ تصاویر بنوائیں۔
اس موقع پر لاہور قلندر کے سی ای او عاطف رانا اور ڈائریکٹر آپریشنز ثمین رانا نے قومی کھیل کے فروغ کے لیے لاہور اور کراچی کے درمیان ہاکی سیریز کے آغاز کا بھی اعلان کیا۔
خواجہ جنید کا کہنا تھا کہ لاہور قلندرز نے جس طرح کرکٹ میں ڈویلپمنٹ پروگرام کے تحت بے شمار کھلاڑیوں کو آگے آنے کا موقع دیا۔ امید ہے کہ لاہور قلندرز ہاکی میں نھی پاکستان کے لیے ٹیلنٹ سامنے لائے گی۔
پی ایس ایل ٹرافی کا آغاز گیارہ اپریل سے ہورہا ہے۔ فائنل اٹھارہ مئی کو لاہور میں کھیلا جائے گا۔
.ذریعہ: Express News
کلیدی لفظ: پی ایس ایل ٹرافی
پڑھیں:
بھارت؛ جنسی زیادتی کیس میں ضمانت پر رہا معروف وی لاگر حادثے میں ہلاک
بھارتی ریاست کیرالہ میں معروف ولاگر 32 سالہ جنید خان ٹریفک حادثے میں جان کی بازی ہار گئے۔
بھارتی میڈیا کے مطابق جنید خان سوشل میڈیا پر اپنے ولاگ اپ لوڈ کرتے ہیں۔ ان کی سلو موشن اور روبوٹک اسٹائل ڈانس کی ویڈیوز کو پسند کیا جاتا ہے۔
جنید خان اپنی موٹر سائیکل پر جا رہے تھے کہ حادثے کا شکار ہوگئے۔ انھیں شدید زخمی حالت میں اسپتال منتقل کیا گیا۔
تاہم خون زیادہ بہہ جانے کے باعث دوران علاج دم توڑ دیا۔ ان کی موت سر پر گہری چوٹ لگنے کے باعث ہوئی۔
حیران کن طور پر جائے وقوعہ پر حادثے کے کوئی شواہد نہیں تھے۔ جنید خان ایک بس والے کو سڑک کنارے زخمی حالت میں ملے تھے۔
جنید خان جنسی زیادتی کیس میں حال ہی میں ضمانت پر رہا ہو کر آئے تھے اور سوشل میڈیا پر ان کے خلاف شدید نفرت آمیز مہم چلائی گئی تھی۔
فلم ساز کمار سیدھرن نے اپنی ایک سوشل میڈیا پوسٹ میں لکھا کہ یہ واقعی ایک حادثہ تھا؟ یہ موت انتہائی مشکوک ہے۔
فلم ساز نے سوالات اُٹھائے کہ جنید خان کو جنسی زیادتی کے مقدمے میں پھنسایا گیا تھا اور سوشل میڈیا پر نفرت آمیز مہم چلائی گئی تھی۔
یاد رہے کہ ایک خاتون نے تھانے میں شکایت درج کروائی تھی کہ جنید خان نے مجھ سے شادی کرکے متعدد بار جنسی تعلق استوار کیے تھے۔
پیپلز پارٹی ہمارے ساتھ تھی اور رہے گی، رانا تنویر حسین