لاہور؛ جائیداد کے لالچ میں بدبخت بیٹے نے ماں کو قتل، بھائی کو زخمی کردیا
اشاعت کی تاریخ: 12th, March 2025 GMT
لاہور:
جائیداد کے لالچ میں بدبخت بیٹے نے اپنی ماں کو قتل اور بھائی کو شدید زخمی کردیا، پولیس نے واقعے کا مقدمہ درج کرکے تفتیش شروع کردی۔
پولیس کے مطابق معمر خاتون کے قتل اور اس کے بیٹے کے زخمی ہونے کا واقعہ تھانہ سندر کی حدود میں پیش آیا، تفتیش پر پتا چلا کہ ناخلف بیٹے نے جائیداد کے لالچ میں اپنی سگی ماں اوراپنے بھائی کو چھری کے وار کرکے شدید زخمی کردیا۔
زخمی ماں اور بیٹے کو اسپتال منتقل کیا گیا جہاں ماں رضوانہ بی بی زخموں کی تاب نہ لاتے ہوئے جاں بحق ہوگئی، جبکہ اس کا زخمی بیٹا زیرعلاج ہے، جبکہ ملزم علی حسین وقوعے کے بعد فرار ہوگیا۔
تھانہ سندر پولیس نے واقعے کا مقدمہ درج کر لیا ہے، ایف آئی آر کے مطابق ملزم نے جائیداد کے لالچ میں چھریوں کے وار سے والدہ اور بھائی کو زخمی کیا، بعدازاں والدہ اسپتال میں چل بسی۔
پولیس کے مطابق ملزم علی حسین کی گرفتاری کے لیے چھاپے مارے جارہے ہیں۔
.
ذریعہ: Express News
کلیدی لفظ: جائیداد کے بھائی کو لالچ میں
پڑھیں:
عید کے کپڑے سلائی نہ کرنے پردرزی کو قتل کر ڈالا دوسرا شدید زخمی
اٹک(اردوپوائنٹ اخبار تازہ ترین۔11 مارچ 2025)پنجاب کے شہر اٹک میں عیدکے کپڑے سلائی نہ کرنے پر ایک درزی کو قتل کر ڈالاجبکہ فائرنگ سے دوسرا شدید زخمی ہوگیا، ملزم فائرنگ کرنے کے بعد موقع پر فرار ہوگیا، زخمی درزی کی حالت بھی تشویش ناک ، واقعہ کی اطلاع ملتے ہی پولیس اور ریسکیو اہلکار موقع پر پہنچ گئے جنہوں نے لاش اور زخمی کو فوری طور پر ہسپتال منتقل کر دیا، بتایا گیا ہے کہ اٹک کے علاقے کیمبل پور موسیٰ میں عید کے کپڑے سلائی نہ کرنے پرملزم مدثر نے دو درزیوں پر فائرنگ کر دی جس کے نتیجے میں ایک درزی قتل جبکہ دوسرا شدید زخمی ہو گیا۔ پولیس حکام کا کہنا ہے کہ ملزم مدثرکی جانب سے فائرنگ کرنے کی وجہ درزی کی جانب سے عید کے کپڑوں کی سلائی سے انکار بتائی گئی ہے۔پولیس کے مطابق فائرنگ ساجد پر کی گئی تھی جس کی زد میں آ کر دوسرا درزی بھی شدید زخمی ہوگیا۔(جاری ہے)
ریسکیو عملے نے فوری طور پرمقتول ساجد کی لاش اور زخمی احسان کو ہسپتال منتقل کر دیا جہاں زخمی درزی کی حالت بھی تشویش ناک بتائی جا رہی ہے۔
پولیس کا یہ بھی کہنا ہے کہ ملزم مدثر فائرنگ کرنے کے بعد موقع سے فرار ہو گیا۔ پولیس نے واقعے کی مزید تفتیش شروع کر دی ہے۔یاد رہے کہ قبل ازیں بھی چند ماہ قبل ایک واقعے میں پنجاب کے علاقے میلسی میںدرزی کی جانب سے کپڑوں کی سلائی سے انکار کرنے پر چار افراد نے درزی کو آہنی راڈ ز سے مار کر لہولہان کر دیاتھا۔ بتایا گیا تھا کہ درزی آصف کے پاس چار افراد آئے جن میں مہران، یوسف وغیرہ شامل تھے اور انہوں نے اپنے کپڑے سلائی کرنے کیلئے درزی کو دئیے تھے لیکن درازی نے وقت کی قلت کے باعث کپڑے سلائی کرنے سے انکار کردیا تھا جس پر طیش میں آکر مہران اوراس کے دیگر ساتھیوں نے درزی کو آہنی راڈوں سے تشدد کا نشانہ بنایاتھا۔ چاروں افراد نے آہنی راڈز سے حملہ کرکے درازی آصف کو لہولہان کر دیاتھا۔آس پاس کے دکانداروں کی جانب سے شور سن کر آنے پر ملزمان موقع پرفرار ہوگئے تھے۔ ریسکیو اہلکاروں نے زخمی درازی آصف کو ہسپتال منتقل کر دیا تھا۔
کراچی؛ ’ سرکاری ریٹ پر مرغی کا گوشت نہیں بیچ سکتے‘ دکانداروں کا کل ہڑتال کا اعلان