اڈیالہ جیل کے داخلی دروازے پر علیمہ خان اور وکلا ءکے درمیان شدید تلخ کلامی
اشاعت کی تاریخ: 11th, March 2025 GMT
راولپنڈی(اردوپوائنٹ اخبار تازہ ترین۔11 مارچ 2025)راولپنڈی کی اڈیالہ جیل کے داخلی دروازے پر بانی پی ٹی آئی کی بہن علیمہ خان اور وکلا ءکے درمیان شدید تلخ کلامی ہوئی، بانی پی ٹی آئی کی بہنیں جب جیل میں اپنے بھائی سے ملاقات کے بعد باہر آئیں تو گیٹ پر وکلاء سے سخت جملوں کا تبادلہ ہوا،علیمہ خان نے وکلاء سے مکالمہ کیا کہ بانی پی ٹی آئی سے صرف وہی ملاقات کرے گا جسکو کوئی ذمہ داری سونپی گئی ہو بغیر ذمہ داری کے کوئی وکیل جیل کے اندر نہیں جائے گا، آپ لوگوں نے کیا ڈرامہ لگایا ہوا ہے ہر بندہ صرف ملاقات کیلئے جیل آتا ہے۔
ہمارا بھائی اندر ہے۔ ہمارا اس سے پیار ہے، ہم اسکے لئے جان بھی دے سکتے ہیں۔بانی پی ٹی آئی کی بہن علیمہ خان نے نعیم پنجوتھہ سے سخت سوالات کئے کہ وہ کس کس سے ملاقات کر رہے ہیںجس پر نعیم پنجوتھہ نے جواب دیا میں کسی سے نہیں ملا، جس سے ملا ہوں آپ بتائیں۔(جاری ہے)
علیمہ خان یہ سن کرمزید غصے میں آگئیں اور انہوں نے سخت لہجے میں نعیم پنجوتھہ کو خاموش ہونے کا کہا۔
موقع پر موجود وکلاء فوری طور پر مداخلت کرتے ہوئے نعیم پنجوتھہ کو ایک طرف لے گئے تاکہ معاملہ مزید نہ بگڑے۔علیمہ خان نے نعیم پنجھوتہ پر غم و غصہ کا اظہارکیا۔ ،علیمہ خان نے نعیم پنجھوتہ سے مکالمہ کیا کہ میرے ساتھ بدتمیزی نہ کریں۔ نعیم پنجھوتہ نے جواب دیا کہ میں بدتمیزی نہیں کر رہا۔ ہم جیلیں بھگت کرآئے ہم پر پرچے ہوئے ہیں۔اس موقع پربانی پی ٹی آئی کی ہمشیرہ علیمہ خان نے کہا کہ تم یہ کس طرح مجھ سے بات کر رہے ہوخاموش رہو۔علیمہ خان وکلاءسے بات بار پوچھتی رہیں کہ آپ نے اب تک بانی پی ٹی آئی عمران خان کیلئے عدالت سے کیا ریلیف لیا ہے۔علیمہ خان نے وہاں پرموجودوکلاءسے سوال کیا کہ میرے بھائی کی بچوں سے ٹیلی فونک بات نہیں کرائی جا رہی ہے اور نہ انہیں پڑھنے کیلئے کتابیں مل رہی ہیں۔ علیمہ خان نے نعیم پنجھوتہ سے سوال کیا کہ آپ بشری بی بی کے فوکل پرسن ہیں، آپ کس کس سے ملتے ہیں، نعیم پنجھوتہ نے جواب دیا کہ میں کسی سے نہیں ملاجس سے ملا ہوں آپ بتائیں۔علیمہ خان نے وکلاء سے مکالمہ کیا کہ کوئی بھی وکیل اپنی طرف سے عدالت میں اضافی پٹیشن دائر نہیں کرے گا۔ پٹیشن دائر کرنے کا اختیار صرف سلمان اکرم اور سلمان صفدر کے پاس ہے۔وہاں پر موجود دیگر وکلاء رہنماء نے فوری مداخلت کرتے ہوئے نعیم پنجھوتہ کووہاں سے اپنے ساتھ لے گئے۔.ذریعہ: UrduPoint
کلیدی لفظ: تلاش کیجئے علیمہ خان نے نعیم بانی پی ٹی آئی کی نعیم پنجھوتہ کیا کہ
پڑھیں:
پی ٹی آئی وکلاء سے تلخ کلامی، حالات برے، پاکستان کو بانی کی ضرورت: علیمہ خان
راولپنڈی (اپنے سٹاف رپورٹر سے+ نوائے وقت رپورٹ) اڈیالہ جیل میں بانی پی ٹی آئی عمران خان سے علیمہ خان سمیت ان کی بہنوں نے ملاقات کی۔ ملاقات کے بعد جب علیمہ خان اپنی بہنوں کے ہمراہ واپس جیل کے گیٹ سے باہر پہنچیں تو داخلہ دروازے پر پی ٹی آئی وکلاء اور علیمہ خان کے درمیان کسی معاملہ پر تلخ کلامی ہو گئی۔ علیمہ خان نے کہا کہ صرف وہی وکیل بانی پی ٹی آئی سے ملاقات کرے گا جن کو کوئی ذمہ داری سونپی گئی ہو، بغیر ذمہ داری کے کوئی وکیل جیل کے اندر نہیں جائے گا، کوئی بھی وکیل اپنی طرف سے عدالت میں اضافی پٹیشن دائر نہیں کرے گا۔ پٹیشن دائر کرنے کا اختیار صرف سلمان اکرم راجہ اور سلمان صفدر کے پاس ہے۔ علیمہ خان نے کہا کہ میرے بھائی کی بچوں سے ٹیلی فونک بات نہیں کرائی جا رہی نہ انہیں کتابیں مل رہی ہیں۔ ہمشیرہ علیمہ خان نے کہا ہے کہ آج پاکستان کو بانی کی اشد ضرورت ہے۔ اس وقت دہشتگردی کے حوالے سے ملک کے برے حالات ہیں۔ میڈیا سے گفتگو کرتے ہوئے علیمہ خان کا کہنا تھا کہ آج بانی سے ایک ہفتے بعد ملاقت ہوئی آج بانی کے اصل وکیل کو اندر جانے نہیں دیا گیا یہ بانی پی ٹی آئی کا رابطہ لوگوں کے ساتھ ختم کر دینا چاہتے ہیں انہوں نے کہا کہ ہائی کورٹ نے بانی کی القادر کی پٹیشن سننی تھی اسلام آباد ہائیکورٹ میں یہ جب سے جج لائے ہیں مقصد یہی ہے کہ مقدمات التواء کا شکار کئے جائیں ۔ علیمہ خان نے کہا کہ بانی پی ٹی آئی جیل میں ناجائز کیسز میں بیٹھے ہیں جن پر اصل کرپشن کے کیسز تھے وہ حکومت کر رہے ہیں، انہوں نے کہا کہ 2021 ء میں سب سے زیادہ امن تھا، بانی کہتے ہیں سرمایہ کاری لانے کیلئے امن اور رول آف لاء کی ضرورت ہے دوسری جانب نعیم حیدر پنجوتھہ نے علیمہ خان کے سخت رویے کی بانی پی ٹی آئی کو شکایت لگا دی ذرائع نے کہا کہ بانی پی ٹی آئی نے علیمہ خان کی سخت زبان کا نوٹس لے لیا، بانی پی ٹی آئی نے علیمہ خان کی وکلاء سے تکرار پر ناراضی کا اظہار کیا او ریقین دلایا کہ وہ علیمہ خان کوو کلاء سے الجھنے پر منع کریں گے۔
کراچی، بینک لاکرز سے شہری کا 10 کروڑ مالیت کا سامان چوری