کینیا میں صدر کے چرچ کو دیے گئے عطیے پر ہنگامے پھوٹ پڑے
اشاعت کی تاریخ: 11th, March 2025 GMT
نیروبی (نیوز ڈیسک) کینیا میں صدر ولیئم روٹو کی جانب سے ایک چرچ کو دیے گئے بڑے مالی عطیے کے خلاف احتجاجی مظاہرے پھوٹ پڑے، جس پر پولیس نے آنسو گیس کا استعمال کرکے مظاہرین کو منتشر کر دیا۔بی بی سی کے مطابق صدر روٹو نے نیروبی کے رائیسامبو علاقے میں واقع “جیزس ونر منسٹری” چرچ کو 20 ملین شلنگز (تقریباً 1.
تاہم مہنگائی اور اقتصادی بحران سے پریشان نوجوانوں نے اس عطیے کو تنقید کا نشانہ بنایا اور چرچ کے اندر داخل ہونے کی کوشش کی۔ مظاہرین نے سڑکوں پر پتھراؤ اور آگ لگا کر راستے بند کرنے کی کوشش کی۔ پولیس نے مظاہرین کو منتشر کرنے کے لیے آنسو گیس کا استعمال کیا۔ کم از کم 38 افراد کو گرفتار کیا گیا لیکن بعد میں انہیں بغیر کسی مقدمے کے رہا کر دیا گیا۔ شدید احتجاج کے باوجود چرچ میں عبادت کا سلسلہ جاری رہا، اور وہاں سخت سیکیورٹی انتظامات کیے گئے۔ بشپ ایڈورڈ موائی نے کہا کہ کچھ نامعلوم عناصر نے “غنڈوں” کو بھیجا تاکہ عبادت میں خلل ڈالا جا سکے۔
صدر روٹو، جو کہ ایونجیلیکل مسیحی ہیں، نے اس عطیے کا دفاع کرتے ہوئے کہا کہ ان کا مقصد ملک میں اخلاقی بگاڑ کو ختم کرنا ہے۔ انہوں نے کہا “کینیا کو خدا کو جاننا ہوگا تاکہ ہم ان لوگوں کو شرمندہ کر سکیں جو ہمیں چرچ سے دور رکھنے کی کوشش کر رہے ہیں۔” صدر نے ایک اور چرچ (ایلڈوریٹ میں) کو بھی اتنی ہی رقم کا عطیہ دینے کا اعلان کیا۔ گزشتہ سال کینیا کے کیتھولک اور اینگلیکن چرچز کے رہنماؤں نے سیاسی شخصیات کے چرچ کو عطیات دینے پر اعتراض کیا تھا۔
کینیا میں مہنگائی اور نئے ٹیکس قوانین پر عوام پہلے ہی سخت نالاں ہیں۔ صدر روٹو نے 2022 میں اقتدار سنبھالنے کے بعد قرضوں کی ادائیگی کے لیے ٹیکس میں اضافے کو ضروری قرار دیا، مگر عوام کا کہنا ہے کہ پہلے کرپشن اور سرکاری فضول خرچی پر قابو پایا جانا چاہیے۔ گزشتہ سال ملک گیر احتجاج کے باعث صدر روٹو کو اپنا وہ “فنانس بل” واپس لینا پڑا جس میں مزید ٹیکسوں کا نفاذ تجویز کیا گیا تھا۔
پاکستانی سفارت خانے سے لاکھوں جعلی ویزے جاری، غیر قانونی افغان شہریوں کی یلغار
ذریعہ: Daily Ausaf
پڑھیں:
صابن میں چھپا کر ہیروئن سعودی عرب اسمگل کرنے کی کوشش ناکام، ملزم گرفتار
اینٹی نارکوٹکس فورس ( اے این ایف) نے لاہور سے سعودی عرب جانے والے مسافر کے سامان سے صابن میں چھپائی گئی ہیروئن برآمد کرلی۔
ترجمان اے این ایف کے مطابق لاہور انٹرنیشنل ائیرپورٹ پر سعودی عرب جانے والے مسافر کے ٹرالی بیگ سے صابن میں چھپائی گئی 470 گرام ہیروئن برآمد کر لی گئی۔ مختلف کارروائیوں کے دوران کاروائیوں میں1 کروڑ سے زائد مالیت کی 80.470 کلو گرام منشیات برآمد کر کے 7 ملزمان کو گرفتار کرلیا گیا۔
راولپنڈی میں بس اسٹاپ کے قریب ملزم سے 150 عدد ٹنز میں موجود 52.5 کلو گرام چرس برآمد ہوئی۔ گرفتار ملزم کی نشاندہی پر بحریہ ٹاؤن راولپنڈی میں ملزم کے فلیٹ اور کار سے مجموعی طور پر 7.5 کلو گرام چرس برآمد کی گئی۔
ضلع قصور میں دیپالپورروڈ پر پیٹرول پمپ کے قریب 4 ملزمان کے قبضے سے مجموعی طور پر 9.6 کلو گرام افیون اور 2 کلو گرام آئس برآمد ہوئی۔ شیرانوالہ گیٹ لاہور کے قریب ملزم کے قبضے سے 6 کلو گرام افیون اور 2.4 کلو گرام چرس برآمد ہوئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
اسرائیلی جارحیت پر او آئی سی اجلاس، ڈپٹی وزیراعظم شرکت کریں گے