پی ٹی آئی کے ایک درجن ارکان علیحدہ گروپ بنانے کے خواہشمند ہیں، طلال چوہدری کا دعویٰ
اشاعت کی تاریخ: 10th, March 2025 GMT
وفاقی وزیر مملکت سینیٹر طلال چوہدری نے دعویٰ کیا کہ پی ٹی آئی کے ایک درجن ارکان پارلیمنٹ، پارٹی پالیسی سے متفق نہیں اور وہ علیحدہ گروپ بنانے کے خواہشمند ہیں۔
جیو نیوزکے پروگرام کیپٹل ٹاک میں گفتگو کے دوران طلال چوہدری نے وزیر داخلہ محسن نقوی کے اقدامات کی تعریف کرتے ہوئے کہا کہ محسن نقوی کام کررہے ہیں، ان کے دور میں پرامن کرکٹ ایونٹ ہوا، انڈر پاس ریکارڈ مدت میں مکمل ہوا۔
انہوں نے کہا کہ گزشتہ سال میں 20 ارب ڈالر کی منشیات پکڑی گئی، افغان شہریوں سے متعلق فیصلے میں دہشت گردی اور ڈرگ کا عنصرشامل ہے۔
طلال چوہدری نے مزید کہا کہ بھارت کیخلاف ہماری ٹیم ایسا کھیلی جیسے ٹیپ بال کی ٹیم ہو۔
پی ٹی آئی کے رکن قومی اسمبلی عامر ڈوگر نے کہا کہ ہر چیز میں محسن اسپیڈ آجائے گی تو پھر حالات یہی ہوں گے، ان کے پاس ہر مسئلے کا حل ہی محسن نقوی ہیں۔
انہوں نے یہ بھی کہا کہ ہمارے پارٹی ارکان پر بہت زیادہ دباؤ ہے، ان کی 75 کروڑ سے 1 ارب روپے تک میں بولی لگائی گئی ہے۔
پی ٹی آئی رہنما نے کہا کہ حکومت اب پارٹی کے بچ جانے والے ارکان کو بھی توڑنے کے درپے لگی ہوئی ہے۔
.ذریعہ: Jang News
کلیدی لفظ: طلال چوہدری پی ٹی ا ئی کہا کہ
پڑھیں:
چیمپیئنز ٹرافی 2025 کے شاندار اختتام پر چیئرمین پاکستان کرکٹ بورڈ نے کیا پیغام دیا؟
چیئرمین پاکستان کرکٹ بورڈ محسن نقوی نے کہا ہے کہ میں دل کی گہرائیوں سے پاکستان کرکٹ بورڈ (پی سی بی) کی ٹیم، متحرک قانون نافذ کرنے والے اداروں، معاون صوبائی حکومتوں، معزز آئی سی سی حکام، اور ان کرکٹ ٹیموں کا شکریہ ادا کرنا چاہتا ہوں جو چیمپئنز ٹرافی 2025 کے لیے پاکستان آئیں۔
سوشل میڈیا پلیٹ فارم ایکس پر اپنی پوسٹ میں انہوں نے مزید لکھا کہ آپ کی محنت اور مشترکہ کوششوں کی بدولت اس عالمی ٹورنامنٹ کا انعقاد کامیابی سے ممکن ہوسکا اور یہ کرکٹ کے شائقین کے لیے ایک تاریخی ایونٹ بن گیا۔
مزید پڑھیں:بھارت نے نیوزی لینڈ کو 4 وکٹوں سے شکست دے کر آئی سی سی چیمپیئنز ٹرافی کا ٹائٹل اپنے نام کرلیا
محسن نقوی نے کہا کہ پاکستان کو اس عالمی ایونٹ کی میزبانی پر فخر ہے، اور آپ کی قیمتی خدمات نے اسے ایک شاندار کامیابی بنایا۔ آپ کی لگن، محنت اور اتحاد نے نہ صرف کرکٹ کے جذبے کو بلند کیا بلکہ پاکستان کی بین الاقوامی ایونٹس کی میزبانی کی صلاحیت کو بھی دنیا کے سامنے پیش کیا۔
چیئرمین پی سی بی نے مزید لکھا کہ یہ ٹورنامنٹ کھیل کا جشن تو تھا ہی، ساتھ ہی یہ تعاون اور عزم کی طاقت کا بھی مظہر تھا۔ ہم آپ کا تہہ دل سے شکریہ ادا کرتے ہیں کہ آپ نے چیمپیئنز ٹرافی 2025 کو ایک ناقابل فراموش تجربہ بنایا۔ شکریہ کہ آپ نے ہمارے ساتھ مل کر تاریخ رقم کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی پاکستان پاکستان کرکٹ بورڈ چیمپئنز ٹرافی 2025 محسن نقوی
پاکستان کی برآمدات میں 17 فیصد کمی، تجارتی خسارہ بڑھ گیا