پاکستان مخالف بیان پر گلیسپی نے گواسکر کو آڑے ہاتھوں لے لیا
اشاعت کی تاریخ: 7th, March 2025 GMT
سابق آسٹریلیوی فاسٹ بولر اور پاکستان کے سابق ہیڈ کوچ جیسن گلیسپی نے بھارت کے لیجنڈ بلے باز سنیل گواسکر کو پاکستان اور بھارت کے درمیان ختم ہوتے برابری کے مقابلوں کے متعلق بیان پر آڑے ہاتھوں لے لیا۔
بھارتی ذرائع ابلاغ سے گفتگو کرتے ہوئے بھارت کے سابق ٹیسٹ کھلاڑی نے دعویٰ کیا تھا کہ بھارت کی دوسرے درجے کی ٹیم بھی ایک روزہ فارمیٹ میں پاکستان کو باآسانی ہرا سکتی ہے۔
سنیل گواسکر کی جانب سے یہ تبصرہ چیمپئنز ٹرافی 2025 میں پاکستان کی بھارت کے خلاف شکست بعد سامنے آیا تھا۔
ان کا کہنا تھا کہ پاکستان اور بھارت برابر کے حریف نہیں رہے جس کی وجہ پاکستان میں بھارت کا مقابلہ کرنے کی صلاحیت کا نہ ہونا ہے۔
سنیل گواسکر کے اس بیان کو پاکستان کے سابق ہیڈ کوچ جیسن گلیسپی نے مسترد کرتے ہوئے کہا ہے کہ پاکستانی کھلاڑیوں کو اگر پاکستان کرکٹ بورڈ اور اس کے نظام کی جانب سے اگر استحکام دیا جائے تو ان میں کامیابی کی صلاحیت ہے۔
انہوں نے کہا کہ وہ اس بات کو نہیں مانتے۔ سنیل گواسکر کا بھارت کی بی یا سی ٹیم کے پاکستان کی ٹام ٹیم کو شکست دینے کا بیان مضحکہ خیز ہے۔
.ذریعہ: Express News
کلیدی لفظ: سنیل گواسکر بھارت کے
پڑھیں:
اے این پی کے سابق رہنما زاہد خان مسلم لیگ ن کے ایڈیشنل انفارمیشن سیکرٹری مقرر
حال ہی میں عوامی نیشنل پارٹی کو خیرباد کہتے ہوئے مسلم لیگ ن میں شمولیت اختیار کرنیوالے سابق سینیٹر زاہد خان کو پاکستان مسلم لیگ (ن )کا ایڈیشنل سیکریٹری اطلاعات مقرر کردیا گیا ہے۔
میڈیا رپورٹ کے مطابق پاکستان مسلم ن کے مرکزی صدر میاں نواز شریف کی منظوری کے بعد سیکرٹری جنرل احسن اقبال نے زاہد خان کی بطور ایڈیشنل سیکریٹری اطلاعات پاکستان مسلم لیگ ن تقرری کا نوٹیفکیشن جاری کردیا ہے۔
پاکستا ن مسلم لیگ (ن) خیبرپختونخواہ کی صوبائی تنظیم نے صدر پاکستان مسلم لیگ (ن) جناب محمد نواز شریف سے پارٹی کے مرکزی سیکریٹریٹ میں ملاقات کی ۔ اس موقع پر سابق سینیٹر اور اے این پی کے مرکزی سیکریٹری ا طلاعات زاہد خان نے جناب نواز شریف کی قیادت پر اعتماد کا اظہار کرتے ہوئے مسلم… pic.twitter.com/gAWI3Yb4Ud
— Ahsan Iqbal (@betterpakistan) February 27, 2025
واضح رہے کہ اے این پی کے مرکزی سیکریٹری اطلاعات زاہد خان نے گزشتہ کئی مہینوں سے پارٹی سرگرمیوں سے کنارہ کشی اختیار کرلی تھی، بعد ازاں 27 فروری کو انہوں نے سابق وزیر اعظم نواز شریف کی قیادت پر اعتماد کا اظہار کرتے ہوئے مسلم لیگ (ن) میں شامل ہوکر بھرپورسیاسی کردار ادا کرنے کا اعلان کیا تھا۔
یہ بھی پڑھیں: الوداع اے این پی! زاہد خان کا مسلم لیگ ن میں شمولیت کا فیصلہ
مسلم لیگ ن کے مرکزی سیکریٹیریٹ میں نواز شریف سے ملاقات کے دوران زاہد خان نے کہا کہ مسلم لیگ (ن) اور قائد نواز شریف کا نظریہ اور پروگرام ہی پاکستان اور خیبرپختونخوا کے عوام کو موجودہ مسائل سے نجات دلواسکتا ہے۔
زاہد خان کے مطابق نواز شریف کی حکومت نے خیبرپختونخوا کے عوام کو کئی عرصے سے جاری دہشت گردی کا خاتمہ کرکے امن و سکون لوٹایا اور ملک کے لیے ترقیاتی منصوبے شروع کیے، جن کی بدولت عوام کو فائدہ پہنچا۔
مزید پڑھیں: جے یو آئی کے بعد اے این پی نے بھی ملک میں نئے انتخابات کا مطالبہ کردیا
زاہد خان کا کہنا تھا کہ خیبرپختونخوا کی عوام وزیراعلیٰ پنجاب مریم نواز کی کارگردگی کو سراہتے ہیں اور اپنے صوبے میں بھی مسلم لیگ(ن) کی قیادت کے خواہاں ہیں۔
اس موقع پر مسلم لیگ (ن) کے صدر نواز شریف نے زاہد خان کی مسلم لیگ (ن) میں شمولیت کا خیر مقدم کرتے ہوئے کہا کہ وہ منجھے ہوئے سیاسی کارکن ہیں اور ان کی شمولیت سے پارٹی کی طاقت میں اضافہ ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایڈیشنل انفارمیشن سیکرٹری اے این پی زاہد خان سابق رہنما مسلم لیگ ن
اسلام آباد: موٹروے پولیس کی گاڑی پر فائرنگ