ہائی پاورڈ سلیکشن بورڈ نے 36 افسروں کو گریڈ 22 میں ترقی دیدی
اشاعت کی تاریخ: 6th, March 2025 GMT
اسلام آباد:
ہائی پاورڈ سلیکشن بورڈ نے پاکستان ایڈمنسٹریٹو سروس،پولیس سروس اور فارن سروس کے مجموعی طورپر چھتیس افسران کو گریڈ 22 میں ترقی دیدی۔
ایف بی آر افسروں کی ترقی کا معاملہ اسلام آباد ہائیکورٹ کے حکم امتناعی کے باعث موخر،دیگر گروپس کے افسروں کی ترقیوں کا جائزہ لینے کے لیے بورڈ پیر کو پھر بیٹھے گا۔
وفاقی بیوروکریٹس کی گریڈ 22 میں ترقی کیلیے ہائی پاورڈ سلیکشن بورڈ کا اجلاس کیبنٹ ڈویژن میں نائب وزیراعظم اسحق ڈار کی صدارت میں ہوا۔
چیئرمین پیپلز پارٹی بلاول بھٹو زرداری بھی بطور رکن اجلاس میں شریک ہوئے۔وفاقی وزیر احد چیمہ ،سیکرٹری اسٹیبلشمنٹ ڈویژن انعام اللّٰہ خان دھاریجو،سیکرٹری کابینہ کامران علی افضل بھی اجلاس میں شریک ہوئے۔
ہائی پاورڈ سلیکشن بورڈ اجلاس میں گریڈ 22 کی اسامیوں پر ترقی کیلئے ڈیڑھ سو سے زائد افسروں کے ناموں پر غور کیاگیا،بورڈ نے پاکستان ایڈمنسٹریٹو سروس کے 19،پولیس سروس کے8 اور فارن سروس کے 9 افسران کوگریڈ 22 میں ترقی دینے کی منظوری دے دی.
پاکستان ایڈمنسٹریٹو سروس کے گریڈ بائیس میں ترقی پانے والے افسران میں محی الدین احمد وانی ،وسیم اجمل چوہدری ،امبرین رضا،علی طاہر ،عثمان اخترباجوہ ،محمد حمیرکریم ،سید عطاء الرحمان ،مصدق احمد خان، راشد محمود،مومن آغا،ندیم محبوب،شکیل احمد مینگیج،داو’دمحمد باریج،سعدیہ ثروت جاوید،اسدرحمان گیلانی ،علی سرفراز حسین ،زاہد اخترزمان ،نبیل احمد اعوان اوراحمدرضاسرور شامل ہیں۔
پولیس سروس کے گریڈ بائیس میں ترقی پانے والے افسران میں بی اے ناصر ،غلام نبی میمن ،فاروق مظہر،عمران یعقوب منہاس ،عبدالخالق شیخ ،شہزادسلطان،زبیر ہاشمی اورمحمدطاہر رائے شامل ہیں۔فارن سروس کے گریڈ 22 میں ترقی پانے والے 9 افسران میں احمد نسیم وڑائچ ،یورپی یونین میں پاکستان کے سفیر رحیم حیات قریشی ،اقوام متحدہ میں پاکستان کے مستقل مندوب عاصم افتخار احمد ،امریکا میں تعینات پاکستان کے سفیر رضوان سعید شیخ ،سید احسن رضاشاہ ،یواے ای میں پاکستان کے سفیر فیصل نیازترمذی ،نبیل منیر ،جرمنی میں پاکستان کی سفیر ثقلین سیدہ اور ترجمان دفترخارجہ شفقت علی خان شامل ہیں۔
ترقی پانے والے افسروں کے نوٹیفکیشن ایک آدھ دن میں ہو جائیں گے۔یاد رہے کہ گریڈ 22میں ترقیوں کیلئے ہائی پاورڈ سلیکشن بورڈ کا اجلاس تقریباًڈیڑھ سال بعدہوا۔
اسحاق ڈار اور بلاول بھٹو زرداری کی دیگر مصروفیات کے باعث تمام افسروں کی ترقیوں کا جائزہ نہ لیا جا سکا،سیکرٹریٹ گروپ کی پانچ، ان لینڈ ریونیو سروس کی پانچ، آڈٹ اینڈ اکانٹس کی دو ، انفارمیشن گروپ اورپوسٹل گروپ کی ایک پوسٹ پر ترقیوں کیلئے افسروں کے نام پیر کو اجلاس میں زیر غور آئیں گے۔
ذرائع کے مطابق اسلام آباد ہائیکورٹ میں بیان حلفی جمع ہونے کے بعد حکم امتناعی منسوخ ہونے کی صورت میں ایف بی آر کے افسروں کی ترقیوں کا معاملہ بھی زیر غور آئے گا۔
اس سے قبل وزیراعظم نے رولز میں ترمیم کرتے ہوئے پہلی مرتبہ ہائی پاورڈ سلیکشن بورڈ کی سربراہی کا اختیارنائب وزیراعظم اسحاق ڈار کو تفویض کیاجبکہ بلاول بھٹو زرداری بھی پہلی مرتبہ ہائی پاور سلیکشن بورڈ میں شریک ہوئے۔
ذریعہ: Express News
کلیدی لفظ: ہائی پاورڈ سلیکشن بورڈ گریڈ 22 میں ترقی ترقی پانے والے افسروں کی ترقی میں پاکستان پاکستان کے اجلاس میں سروس کے
پڑھیں:
سرکاری افسران کے لیے اچھی خبرآ گئی
اعلی اختیاراتی سلیکشن بورڈ کے اجلاس میں کئی سرکاری افسران کو گریڈ 22 میں ترقی دیئے جانے کا امکان ہے۔
تفصیلات کے مطابق اعلی اختیاراتی سلیکشن بورڈ کا اجلاس رواں ہفتے بلائے جانے کا امکان ہے ، وزیراعظم کی زیر صدارت بورڈ کا اجلاس آج یا کل متوقع ہے۔ذرائع نے بتایا کہ اسٹبلشمنٹ ڈویژن نے اعلی اختیاراتی بورڈ اجلاس کےلیے تیاریاں مکمل کرلی ہیں، گریڈ 21 سے 22 کے لیے 40 سے زائد آسامیوں پر ترقیوں کا جائزہ لیا جائے گا۔
ذرائع کا کہنا ہے کہ آئی جی سندھ غلام نبی میمن کو گریڈ22 میں ترقی دینےپرغورکیا جائے گا جبکہ سیکریٹری ٹووزیراعظم اسدالرحمن گیلانی کا کیس گریڈ 22 میں ترقی کے لیے پیش ہوگا۔ذرائع نے کہا کہ چیئرمین ایف بی آر راشد محمود اور سیکریٹری تعلیم و تربیت محی الدین احمد وانی کوگریڈ22 میں ترقی دئیے جانے کاامکان ہے۔اس کے علاوہ ایڈیشنل سیکریٹری انچارج پیٹرولیم ڈویژن مومن آغا ، چیف سیکرٹری پنجاب زائداختر زمان ، ارم بخاری، ساجد بلوچ، جودت ایاز اور ندیم محبوب کو گریڈ 22 میں ترقی دینے پر غور ہوگا۔
عنبرین رضا،عثمان اختر باجوہ،مصدق احمد خان،عطاء الرحمن ، پولیس سروس کےمحمدفاروق مظہراورآصف سیف اللہ پراچہ اور پولیس سروس کےاحمد مکرم اور عامر ذوالفقارخان ، پولیس سروس کےعمران یعقوب منہاس کے ناموں پرغور ہوگا جبکہ وسیم اجمل چوہدری، داود محمد اور شکیل احمد منگنیجو کے کیسز بھی زیرغور آئیں گے۔ہائی پاورڈسلیکشن بورڈکا آخری بار اجلاس مارچ 2023 میں ہوا تھا،اجلاس تاخیر کاشکار ہونے سے کئی سرکاری افسران ترقی کے بغیر ریٹائرڈ ہوچکے ہیں۔
چیمپئنز ٹرافی کا سب سے بے معنی میچ آج ہوگا، خود غرض کرکٹرز رہی سہی ساکھ بچانے کیلیے کوشاں