پاکستان آکر بہت اچھا لگ رہا ، یہاں بہت اچھے انتظامات کئے گئے ہیں ،نائب صدربی سی سی آئی
اشاعت کی تاریخ: 5th, March 2025 GMT
بھارتی کرکٹ بورڈ کے نائب صدر راجیو شکلا نے کہاہے کہ بھارتی ٹیم پچ کے بھروسے نہیں کھیلتی بلکہ اپنی پرفارمنس کے بل بوتے پر کھیلتی ہے، انڈیا اور پاکستان کے میچز کے لئے تو تمام ملک آفر کرتے ہیں، کس کو پاک بھارت میچز نہیں چاہئے، ہائبرڈ ماڈل دوبار ہوچکا ہے اور دونوں بارکامیاب رہا ہے۔
بھارتی کرکٹ بورڈ کے نائب صدر راجیو شکلا اس وقت دورہ پاکستان پر ہیں جہاں انہوں نے میڈیا سے گفتگو کرتے ہوئے کہا کہ پاکستان آکر بہت اچھا لگ رہا ، یہاں بہت اچھے انتظامات کئے گئے ہیں ، چیمپئنز ٹرافی اور ورلڈکپ دونوں کی بڑی اہمیت ہے ، فائنل لاہور میں کرانے کے لئے آسٹریلیا کو جیتنا پڑتا ، چیمپئنز ٹرافی کے فائنل کے حوالے سے فیصلہ ہو چکا تھا کہ بھارت کے تمام میچز دبئی میں ہوں گے، بھارت ٹیم کےکو فائدہ دینے یا نہ دینے کی بات نہیں ہے، بھارتی ٹیم پچ کے بھروسے نہیں کھیلتی بلکہ اپنی پرفارمنس کے بل بوتے پر کھیلتی ہے ۔
راجیو شکلا کا کہناتھا کہ کافی عرصے بعد پاکستان میں پاکستان میں آئی سی سی ٹورنامنٹ ہو ا ہے جو کہ اچھی بات ہے ، بھارتی ٹیم کے پاکستان آنے کا فیصلہ بھارتی حکومت کا ہے اور وہ جو بھی فیصلہ کرے گی بی سی سی آئی اس پر عمل کر ےگی، بی سی سی آئی اور پی سی بی کی یہ پالیسی رہی ہے کہ دوطرفہ سیریز ایک دوسرے کی سر زمین پر ہوں، بی سی سی آئی کی یہ پالیسی ہے کہ دوطرفہ سیریز نیوٹرل پر نہ ہو، جب بھی کوئی ٹورنامنٹ ہوتا ہے تو بی سی سی آئی اپنی حکومت سے پوچھتی ہے اور کلیئرنس ملنے کے بعد ہی ٹیم ٹور پر جاتی ہے ، یہ طے ہوا ہے کہ آئی سی سی ٹورنامنٹ میں پاک بھارت میچز نیوٹرل وینیو پرہوں گے، پاک بھارت میچز پر آئی سی سی کا قانون ہے کہ حکومت کی اجاز ت شامل ہو، انڈیا اور پاکستان کے میچز کے لئے تو تمام ملک آفر کرتے ہیں، کس کو پاک بھارت میچز نہیں چاہئے، ہائبرڈ ماڈل دوبار ہوچکا ہے اور دونوں بارکامیاب رہا ہے۔
ذریعہ: Daily Mumtaz
کلیدی لفظ: پاک بھارت میچز ہے اور
پڑھیں:
قذافی اسٹیڈیم ناک آؤٹ! فائنل میں پہنچنے پر بھارتیوں کی ٹرولنگ
چیمپئنز ٹرافی فائنل کی میزبانی سے لاہور کے محروم ہونے پر بھارتی خوشیاں منانے لگے۔
آسٹریلیا کو شکست دیکر بھارتی ٹیم کے فائنل میں پہنچنے پر مغرور بھارتی آپے سے باہر ہوگئے اور پاکستان کی ٹرولنگ شروع کردی۔
بھارتی ہٹ دھرمی کے باعث پاکستان کو چیمپئنز ٹرافی کے فائنل کی میزبانی سے محروم ہونا پڑا ہے کیونکہ اب طے شدہ منصوبے کے تحت فائنل لاہور کے بجائے دبئی میں ہی منعقد کیا جائے گا۔
واضح رہے کہ چیمپئنز ٹرافی 2025 کی میزبانی پاکستان کو دی گئی تھی لیکن بھارت نے سکیورٹی کو جواز بنا کر پاکستان میں کھیلنے سے انکار کر دیا۔
آئی سی سی نے بھارت کے دباؤ میں آکر ہائبرڈ ماڈل متعارف کرایا جس کے تحت بھارت کے تمام میچز دبئی میں رکھے گئے۔
اس معاہدے میں یہ بھی شامل تھا کہ اگر بھارت فائنل میں پہنچا تو فیصلہ کن معرکہ لاہور کے بجائے دبئی میں ہوگا۔ اس طرح پاکستان کو ایک اور بڑی کرکٹ تقریب کی میزبانی سے محروم کر دیا گیا۔
بھارت کی آسٹریلیا کے خلاف سیمی فائنل میں جیت کے بعد قذافی اسٹیڈیم میں فائنل نہ ہونے پر بھارتی سوشل میڈیا صارفین پاکستان کے خلاف ناپسندیدہ مہم چلا رہے ہیں۔
بھارتی صارفین کا کہنا تھا کہ ہم نے ٹورنامنٹ سے آسٹریلیا کے ساتھ قذافی اسٹیڈیم کو بھی ناک آؤٹ کردیا۔
تاہم دوسری جانب پاکستانی عوام اور کرکٹ حلقوں میں شدید غم و غصہ پایا جا رہا ہے۔
سوشل میڈیا پر شائقین سوال اٹھا رہے ہیں کہ کیا کھیل کو سیاست سے آزاد نہیں ہونا چاہیے؟
پاکستانی کرکٹ شائقین کا کہنا ہے کہ بھارت کی چالاکیوں کے باوجود پاکستان کرکٹ کا ایک بڑا مرکز ہے اور ہمیشہ رہے گا۔
پاکستانی کرکٹ شائقین کا کہنا ہے کہ بھارت آئی سی سی پر دباؤ ڈال کر کرکٹ کو سیاست زدہ کر رہا ہے، لیکن اس کے باوجود پاکستان کرکٹ کے میدان میں اپنی شناخت قائم رکھے گا۔
لاہور میں فائنل نہ ہونے کے باوجود پاکستان چیمپئنز ٹرافی کی میزبانی کر کے ثابت کر چکا ہے کہ وہ بین الاقوامی کرکٹ کے لیے ایک محفوظ اور بہترین مقام ہے۔
رمضان المبارک کا چاند دیکھنے کے لیے رویت ہلال کمیٹی کا اجلاس طلب