ڈیرہ اسماعیل خان : سات سالہ بچہ نہر میں ڈوب گیا
اشاعت کی تاریخ: 5th, March 2025 GMT
ڈیرہ اسماعیل خان : سات سالہ بچہ نہر میں ڈوب گیا WhatsAppFacebookTwitter 0 5 March, 2025 سب نیوز
ڈیرہ اسماعیل خان (محمد ریحان ) تحصیل پہاڑ پور کے علاقے کوٹلہ لودھیان میں سات سالہ بچہ سی آر بی سی نہر میں ڈوب گیا،ریسکیو1122نے سرچ آپریشن شروع کردیا۔
تفصیلات کے مطابق گزشتہ روز تحصیل پہاڑ پور کے علاقے کوٹلہ لودھیان میں سات سالہ آیان ولد رحمت سی آر بی سی نہر میں ڈوب گیا، واقعہ کی اطلاع ملتے ہی ڈسٹرکٹ ایمرجنسی آفیسر انجینئر فصیح اللہ کی خصوصی ہدایات پر ریسکیو کی ماہر غوطہ خور ٹیم موقع پر پہنچ گئی ، ریسکیو1122 کے غوطہ خوروں نے موقع پر پہنچنے کے بعد جائے وقوعہ کا جائزہ لیا اور فوری طور پر سرچ آپریشن شروع کر دیا،سرچ آپریشن میں ریسکیو ٹیم نے سکوبہ ڈائیونگ اور بوٹنگ کے ذریعے ڈوبنے والے بچے کی تلاش کی تاہم پہلے مرحلے میں اندھیرا ہو جانے کی وجہ سے آپریشن مکمل نہیں ہو سکا، جبکہ دوسرے روز ریسکیو1122 ماہر غوطہ خور ٹیم نے ڈوبنے والے بچے کی تلاش کیلئے دوبارہ سرچ آپریشن شروع کر دیا۔
ذریعہ: Daily Sub News
کلیدی لفظ: نہر میں ڈوب گیا سات سالہ
پڑھیں:
اسحاق ڈار پاکستان سے کیسے لندن روانہ ہوئے، مفتاح اسماعیل نے اندرونی کہانی بتادی
سابق وزیرخزانہ مفتاح اسماعیل نے 2017 میں اس وقت کے وزیر خزانہ اور موجودہ نائب وزیراعظم اسحاق ڈار کے لندن پہنچنے کی تفصیل بتادی ہے جب پانامہ کیس میں ان کی گرفتاری کے وارنٹس جاری ہوئے تھے۔
ایک نجی ٹی وی چینل میں گفتگو کرتے ہوئے انہوں نے دعویٰ کیا کہ اسحاق ڈار وزیراعظم شاہد خاقان عباسی کا جہاز لے کر وسط ایشیا گئے، وہاں سے جہاز واپس بھیج دیا اور کہا کہ میں عمرے پہ جارہا ہوں۔
یہ بھی پڑھیے: ملک کو ڈیفالٹ سے بچایا تھا پھر نگراں حکومت آگئی، اسحاق ڈار
مفتاح اسماعیل نے کہا کہ اس کے بعد اسحاق ڈار نے کہا کہ میں کمر کا طبی معائنہ کروانے لندن جارہا ہوں، اسحاق ڈار نے وزیراعظم شاہد خاقان عباسی کو نہیں بتایا تھا کہ وہ لندن جارہے ہیں۔
مفتاح اسماعیل نے کہا کہ مجھے معلوم ہے کہ انہوں نے مجھے وزارت خزانہ سے کیوں نکالا، مقصد یہ تھا کہ اسحاق ڈار صاحب کو لے کر آئے، بھلے میں نے دنیا کی بہت بڑی یونیورسٹی سے پی ایچ ڈی کی ہو، 35 سال سے پاکستان میں بزنس کررہا ہوں مگر مجھے نکالنا تھا۔
ان کا کہنا تھا کہ اس وقت جنرل باجوہ صاحب پر جو بھی دباؤ تھا اس کی وجہ سے انہوں نے کہا کہ میاں نواز شریف کی بات مان لو اور اسحاق ڈار پر کیس ختم کرو اور وہ یوں ان کو لے آئیں۔
یہ بھی پڑھیے: عمران خان میں زیادہ جمہوری مادہ نہیں، کسی حکومت مخالف اتحاد میں شامل نہیں ہورہے، مفتاح اسماعیل
مسلم لیگ پر تنقید کرتے ہوئے انہوں نے کہا کہ یہ خاندانی پارٹی ہے، ایک بیٹی وزیراعلیٰ ہیں، چھوٹا بھائی وزیراعظم ہیں، سمدھی نائب وزیراعظم ہیں۔کیا 13کروڑ آبادی والے ہنجاب کے اندر کیا ایک ہی خاندان ہے جو وزیراعلیٰ دے سکتا ہے؟ مقابلہ کھولنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار مسلم لیگ ن مفتاح اسماعیل نواز شریف
خیبرپختونخوا میں رمضان کے پیش نظر گوشت کا ہفتہ وار ناغہ ختم