چیمپیئنز ٹرافی سیمی فائنل میں بھارت سے شکست کی وجہ کیا ہے؟ آسٹریلوی کپتان نے بتادیا
اشاعت کی تاریخ: 4th, March 2025 GMT
آسٹریلوی کرکٹ ٹیم کے کپتان اسٹیو اسمتھ نے چیمپیئنز ٹرافی کے سیمی فائنل میں بھارت سے شکست کی وجہ بیان کردی۔
میچ کے بعد گفتگو کرتے ہوئے اسٹیو اسمتھ نے کہاکہ بھارت کے خلاف پہلے بیٹنگ کرتے ہوئے 300 رنز سے زیادہ کا ہدف نہ دینا نتیجے پر اثر انداز ہوا۔
یہ بھی پڑھیں چیمپیئنز ٹرافی کا پہلا سیمی فائنل، بھارت نے آسٹریلیا کو شکست دے کر فائنل کے لیے کوالیفائی کرلیا
انہوں نے کہاکہ یہ ہماری حکمت عملی تھی کہ بھارت کو 300 سے زیادہ رنز کا ٹارگٹ دیں گے، لیکن ہم اس میں ناکام رہے۔
آسٹریلوی کپتان نے کہاکہ اگر ہم اپنی حکمت عملی کے مطابق 300 سے زیادہ رنز اسکور کر لیتے تو نتیجہ مختلف ہو سکتا تھا، تاہم اب مستقبل میں ٹیم کی کارکردگی بہتر کرنے کی کوشش کریں گے۔ اسٹیو اسمتھ نے کہاکہ فل ٹاس پر وکٹ گنوانا میچ کا فیصلہ کن لمحہ ثابت ہوا۔
واضح رہے کہ بھارت نے چیمپیئنز ٹرافی کے پہلے سیمی فائنل میں آسٹریلیا کو شکست دے کر سیمی فائنل کے لیے کوالیفائی کرلیا ہے۔
آج کے میچ میں آسٹریلوی کپتان اسٹیو اسمتھ نے 73 رنز اسکور کیے اور وہ محمد شامی گیند پر آؤٹ ہوئے جب آسٹریلیا کا مجموعی اسکور 198 تھا۔
یہ بھی پڑھیں پہلا سیمی فائنل: بھارتی کھلاڑیوں نے بازؤوں پر سیاہ پٹیاں کیوں باندھیں؟
آسٹریلوی کپتان کا مزید کہنا تھا کہ دبئی کی پچ سلو ہے جس نے بیٹنگ کو مشکل بنایا، اس کے علاوہ ہماری ٹیم میں کچھ نئے کھلاڑی بھی ہیں جنہیں بڑے ٹورنامنٹ میں کھیلنے کا تجربہ حاصل ہوا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلوی کپتان آسٹریلیا اسٹیو اسمتھ بھارت چیمپیئنز ٹرافی دبئی کرکٹ اسٹیڈیم سیمی فائنل شکست کی وجہ وی نیوز.ذریعہ: WE News
کلیدی لفظ: آسٹریلوی کپتان آسٹریلیا اسٹیو اسمتھ بھارت چیمپیئنز ٹرافی دبئی کرکٹ اسٹیڈیم سیمی فائنل شکست کی وجہ وی نیوز چیمپیئنز ٹرافی آسٹریلوی کپتان اسٹیو اسمتھ نے سیمی فائنل نے کہاکہ
پڑھیں:
پاکستان ایگلز نے گرونانک کبڈی کپ کے فائنل میں جگہ بنالی
پاکستان ایگلز نے لاہور میں جاری گرونانک کبڈی کپ کے دوسرے دن زبردست کھیل پیش کرتے ہوئے بھارتی اور ایرانی ٹیموں کو شکست دے کر فائنل میں اپنی جگہ پکی کرلی۔ مقامی میدان میں ہونے والے ان مقابلوں میں پاکستان ایگلز نے اپنی مہارت، ٹیم ورک اور حکمت عملی کا اعلیٰ مظاہرہ کرتے ہوئے شائقین کے دل جیت لیے۔
ایونٹ کے دوسرے دن کے پہلے میچ میں پاکستان ایگلز نے بھارتی ٹیم ’ایس جی پی سی ٹائیگرز‘ کو 26 کے مقابلے میں 37 پوائنٹس سے شکست دی۔ اس سنسنی خیز مقابلے میں بھارتی سورما پاکستانی ٹیم کے سامنے جم کر مقابلہ کرنے میں ناکام رہے جبکہ پاکستانی کھلاڑیوں نے جارحانہ کھیل سے مداحوں کو خوب محظوظ کیا۔
مزید پڑھیں:کبڈی کو زندہ رکھنے کے لیے پشاور کے نوجوانوں میں مقابلے
اسی روز کھیلے گئے دوسرے اہم میچ میں ایگلز کا مقابلہ ایرانی ٹیم ’لائینز آف تبریز‘ سے ہوا، جہاں پاکستان ایگلز نے شاندار کھیل کا تسلسل برقرار رکھتے ہوئے 30 کے مقابلے میں 46 پوائنٹس سے میدان مار لیا اور فائنل کے لیے کوالیفائی کر لیا۔
پاکستان کبڈی فیڈریشن کے سیکریٹری رانا سرور نے ایونٹ کے کامیاب انعقاد پر مسرت کا اظہار کرتے ہوئے کہا کہ یہ ایونٹ دنیا بھر کو پیغام ہے کہ پاکستان پرامن اور کھیلوں سے محبت کرنے والا ملک ہے۔ کبڈی جیسے روایتی کھیل کے ذریعے ہم اپنی ثقافت اور نوجوانوں کی صلاحیتوں کو دنیا کے سامنے اجاگر کر رہے ہیں۔
مزید پڑھیں:پنجاب کلچر ڈے کی مناسبت سے تقریبات کا آغاز، کن فنکاروں نے فن کا مظاہرہ کیا؟
انہوں نے مزید کہا کہ گرونانک کبڈی کپ جیسے مقابلے پاکستان میں کبڈی کے روشن مستقبل کی علامت ہیں اور ایسے ایونٹس نوجوان کھلاڑیوں کی حوصلہ افزائی کے لیے انتہائی اہم کردار ادا کر رہے ہیں۔
ایونٹ کا فائنل آج کھیلا جائے گا، جہاں پاکستان ایگلز اور انڈین ٹائیگرز آمنے سامنے ہوں گے۔ شائقین اس معرکہ آرائی کو ایک سنسنی خیز اور تاریخی مقابلہ قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین لائینز بابا گرونانک کپ پاکستان ایگلز کبڈی لائینز آف تبریز
خلیجی ملکوں سے بید خل پاکستانی بھکاریوں کیخلاف مقدمے چلانے کا فیصلہ