کراچی سمیت ساحلی علاقوں میں سردی کی لہر آنے کا امکان نہیں: ماہرِ موسمیات
اشاعت کی تاریخ: 4th, March 2025 GMT
—فائل فوٹو
ماہرِ موسمیات نے بتایا ہے کہ سندھ اور بلوچستان کے ساحلی علاقوں سے موسمِ سرما ختم ہو چکا ہے، اب کراچی سمیت سندھ اور بلوچستان کے ساحلی علاقوں میں سردی کی لہر آنے کا امکان نہیں ہے۔
انہوں نے بتایا ہے کہ پاکستان کے شمالی علاقوں میں برف باری کے باعث سرد ہوائیں ملک پر اثرانداز ہو سکتی ہیں، ملک کے شمالی اور بالائی علاقوں میں 3 سے 4 روز کے دوران سردی کی لہر اثر انداز ہو سکتی ہے۔
ماہرِ موسمیات نے بتایا ہے کہ کراچی سمیت سندھ اور بلوچستان کے ساحلی علاقوں میں 2 سے 3 روز کے لیے درجۂ حرارت میں کمی کا امکان ہے، شہرِ قائد میں آج رات سے 5 مارچ کے دوران رات کو درجۂ حرارت میں 2 سے 3 ڈگری کمی آ سکتی ہے۔
کراچی شہر میں آج دن کے اوقات میں تیز دھوپ کے ساتھ موسم گرم رہنے کا امکان ہے۔
انہوں نے بتایا ہے کہ کراچی شہر کے اکثر علاقوں میں رات میں درجۂ حرارت 13 سے 16 ڈگری سینٹی گریڈ رہنے کا امکان ہے جبکہ کراچی کے مضافات میں درجۂ حرارت 10 سے 12 ڈگری سینٹی گریڈ تک رہنے کا امکان ہے۔
ماہرِ موسمیات نے بتایا ہے کہ کراچی کے مختلف علاقوں میں درجۂ حرارت کی صورتِ حال کچھ اس طرح ہو سکتی ہے، سرجانی ٹاون، اسکیم 33، اسٹیل ٹاون میں درجۂ حرارت 10 سے 13، فیڈرل بی ایریا، اورنگی ٹاؤن، گلشنِ اقبال میں درجۂ حرارت 12 سے 15 اور کراچی کے ساحلی علاقوں میں درجۂ حرارت 17 سے 20 ڈگری سینٹی گریڈ تک رہنے کا امکان ہے۔
کراچی میں آج رات سے 5 مارچ تک دن کے درجہ حرارت 29 سے 31 ڈگری سینٹی گریڈ تک رہنے کا امکان ہے۔
آئندہ چند روز میں موسم میں تبدیلی کے حوالے سے موسمیاتی تجزیہ کار نے مزید بتایا ہے کہ 6 مارچ کے بعد سے ایک بار پھر دن اور رات کے درجہ حرارت میں تیزی سے اضافہ دیکھا جائے گا، جس میں دن میں درجۂ حرارت 35 سے 37 ڈگری سینٹی گریڈ تک جبکہ رات کو درجۂ حرارت 22 سے 25 ڈگری سینٹی گریڈ تک رہنے کا امکان ہے۔
وسطی سندھ کے حوالے سےماہرِ موسمیات نے کہا ہے کہ وسطی سندھ میں درجۂ حرارت 10 سے 12 ڈگری سینٹی گریڈ تک ہو سکتا ہے۔
.ذریعہ: Jang News
کلیدی لفظ: ساحلی علاقوں میں کے ساحلی علاقوں نے بتایا ہے کہ موسمیات نے کہ کراچی
پڑھیں:
ملک میں درجۂ حرارت میں اضافے، بارشوں میں کمی کا امکان
— فائل فوٹونیشنل ڈیزاسٹر مینجمنٹ اتھارٹی (این ڈی ایم اے) نے ملک بھر میں درجۂ حرارت معمول سے زیادہ اور بارشیں معمول سے کم ہونے کا امکان ظاہر کیا ہے۔
این ڈی ایم اے کے مطابق درجۂ حرارت میں اضافہ جنوبی پنجاب، سندھ اور بلوچستان میں ہیٹ ویو کا سبب بنے گا۔
جنوبی پنجاب، سندھ اور بلوچستان میں درجۂ حرارت 45 ڈگری سینٹی گریڈ تک جانے کا امکان ہے۔
کراچی، بدین، لاڑکانہ، عمر کوٹ، تھر پارکر، مٹیاری، سکھر، شکار پور کے گرمی کی شدید لپیٹ میں رہنے کا امکان ہے۔
دادو، سانگھڑ، بہاولپور، رحیم یار خان اور لاہور کے علاقے بھی گرمی کی شدید لپیٹ میں رہنے کا امکان ہے۔
کراچی چیئرمین نیشنل ڈیزاسٹر مینجمنٹ اتھارٹی...
گرمی میں اضافہ خیبر پختون خوا، پوٹھوہار، مری اور بلوچستان کے پہاڑی علاقوں میں آگ لگنے کے واقعات کا سبب بھی بن سکتا ہے۔
درجۂ حرارت میں اضافے اور بارشوں میں کمی سے فصلوں کی پیداوار بھی متاثر ہونے کا امکان ہے۔
این ڈی ایم اے کے مطابق گرمی کی شدت اور بارشوں میں کمی جیسے عوامل پانی کی قلت کا سبب بھی بن سکتے ہیں۔
امریکا میں رواں ماہ ہزار سال کا بد ترین سیلاب آنے کا امکان ہے، ناسا