اسلام آباد سے دبئی جانے والی پرواز 7 گھنٹے گزرنے کے باوجود روانہ نہ ہوسکی، مسافروں کا ائیرپورٹ پر دھرنا
اشاعت کی تاریخ: 4th, March 2025 GMT
وفاقی دارالحکومت اسلام آباد کے ائیرپورٹ سے دبئی جانے والی پرواز 7 گھنٹے گزرنے کے باوجود روانہ نہ ہوسکی،مسافروں کا ائیرپورٹ پر دھرنا، نجی ائیر لائن کی پرواز نمبر پی اے 210 میں 7 گھنٹے تاخیر ہوگئی، پرواز سوا 2 بجے شیڈول تھی تاہم 7 گھنٹے گزرنے کے باوجود روانہ نہ ہوسکی،بتایاگیا ہے کہ ایئرلائن کا عملہ ایئرپورٹ سے غائب ہوگیا۔ مسافر بزرگ ، خواتین اور بچے بھی فلائٹ کی روانگی میں غیرمعمولی تاخیر کے باعث خوار ہوگئے۔پرواز کے 200 مسافروں نے احتجاج کرتے ہوئے ائیرپورٹ پردھرنا دے دیا۔ اس کے ساتھ ساتھ ملک بھر میںمختلف وجوہات کی بناءپر کئی پروازیں منسوخ کر دی گئیں۔لاہور سے کراچی جانے والی 3 پروازوں میں 6 سے 7 گھنٹے تاخیر ہوئی۔ اسی طرح کراچی سے اسلام آبادجانے والی 1 پرواز میں 5 گھنٹے تک تاخیر رپورٹ ہوئی۔کراچی کوئٹہ کی 2 پروازوں میں ساڑھے 5 گھنٹے تاخیر کاشکار ہوئیں۔کراچی سے لاہور جانے والی 7 پروازوں سمیت 15 اور لاہور ایئرپورٹ کی 10، پشاورسے ملتان اور کوئٹہ جانے والی 7 پروازوں میں تاخیر رپورٹ ہوئی۔ نجی ایئر کی لاہور شارجہ آئے جانے کی 2 پروازوں میں ساڑھے 10 گھنٹے تاخیر ہوئی ہے۔ اسلام آباد سے کراچی کی 11پروازوں سمیت 18پروازیں متاثر ہوئیں۔ کراچی کوئٹہ کی پرواز پی کے 311، لاہور کراچی 306، گلگت اسلام آباد پی کے 601، 602، 605، 606، اسلام آباد اسکردو پی کے 451، 452 منسوخ کر دی گئیں۔ اسلام آباد سے دبئی جانے والی پرواز 7 گھنٹے تاخیر کا شکارہوئیں ہیں۔قبل ازیں بھی چند روز قبل لاہورآنے والی ایک پرواز منسوخ ،7 سے زائد پروازیں تاخیر کا شکار ہو گئیں تھیں۔کراچی سے آنے والی ایئر بلیو کی پرواز پی اے 402 منسوخ ہو گئی تھی۔دبئی سے آنے والی ایئر بلیو کی پرواز پی اے 417 بارہ گھنٹے تاخیر کا شکار ہوئی تھی ۔مشہد سے آنیوالی غیر ملکی ایئر لائن کی پرواز ایچ ایچ 7207 تین گھنٹے اورکراچی سے لاہور آنیوالی سیرین ایئر کی پرواز ای آر 524 ایک گھنٹہ لاہور سے جدہ جانیوالی سعودی پرواز ایس وی 739 دس گھنٹے تاخیر کا شکار ہوئی تھیں
.ذریعہ: Nawaiwaqt
کلیدی لفظ: گھنٹے تاخیر کا پروازوں میں اسلام آباد جانے والی کی پرواز کراچی سے
پڑھیں:
پنجاب حکومت کامزید ایک ہزار بنیادی مراکز صحت ٹھیکےپردینےکافیصلہ
لاہور(نیوز ڈیسک) پنجاب حکومت نے مزید ایک ہزار بنیادی مراکز صحت ٹھیکے پر دینے کا فیصلہ کرلیا۔
تفصیلات کے مطابق 982 بنیادی مراکز صحت کو پرائیوٹ افراد کے سپر د کی جائے گا،971 بنیادی مراکز 24 گھنٹے کام کرنے والے اور 11 چھ گھنٹے کام کرنے والے بنیادی مراکز صحت شامل ہیں۔حکومت ان بنیادی مراکز صحت کو چلانے کے لیے ماہانہ 8 لاکھ 93 ہزار روپے ادا کرےگی۔
اٹک سے 17, بہاولنگر کے 80, بہاولپور کے 48, بھکر 21،چکوال 22, چینوٹ 7, ڈی جی خان 22, فیصل آباد 28, گوجرانولہ 25, گجرات 16،حافظ آباد، 8, جہلم 14, جھنگ 17, قصور 20, خوشاب 59, لاہور 5 ،لیہ 24,لودھراں 29, منڈی بہاوالدین 14, میانوالی 15, ملتان 53, مظفرگڑھ 56, ننکانہ صاحب 16،ناروال 18, اوکاڑہ 31, پاکپتن 17, رحیم یار خان 74, راجن پور 16, روالپنڈی 20, ساہیوال 16, سرگودھا 35, شیخوپورہ 26, سیالکوٹ 19،ٹوبہ ٹیک سنگھ 24 جبکہ وہاڑی کے 52 بنیادی مراکز صحت شامل ہیں۔
مزیدپڑھیں:وزیراعلیٰ پنجاب نے فری سولر پینل اسکیم کا آغازکر دیا
جنید اکبر کی زیرِ صدارت پی اے سی اجلاس ،بورڈ آف انویسٹمنٹ کے آڈٹ اعتراضات کا جائزہ