حکومت رمضان المبارک کے دوران گراں فروشی اور ملاوٹ مافیا کے خلاف سخت کریک ڈاؤن کریگی، وزیراعظم آزاد کشمیر
اشاعت کی تاریخ: 2nd, March 2025 GMT
ان خیالات کا اظہار انہوں نے محکمہ خوراک، فوڈ اتھارٹی کے زیراہتمام موبائل فوڈ ٹیسٹنگ لیب کی افتتاحی تقریب سے خطاب کرتے ہوئے کیا۔ اسلام ٹائمز۔ وزیراعظم آزاد جموں و کشمیر چوہدری انوارالحق نے کہا ہے کہ حکومت رمضان المبارک میں گراں فروشی اور ملاوٹ مافیا کے خلاف سخت کریک ڈاؤن کریگی، جہاں کسی افسر کی کوتاہی پائی گئی لمحوں سے پہلے پوسٹ آئوٹ ہو گا۔ ان خیالات کا اظہار انہوں نے محکمہ خوراک، فوڈ اتھارٹی کے زیراہتمام موبائل فوڈ ٹیسٹنگ لیب کی افتتاحی تقریب سے خطاب کرتے ہوئے کیا۔ وزیراعظم آزاد کشمیر چوہدری انوارالحق نے کہا کہ صرف حقوق نہیں فرائض بھی ادا کرنے ہیں، انہوں نے کہا کہ ملاوٹ کو ٹریس اینڈ ٹریک کر کے ملزمان کو حوالات تک پہچانے کی قیمت زندگی کی صورت میں بھی دی جا سکتی ہے، مجموعی طور پر ہم سب معاشرے کی اصلاح چاہتے ہیں لیکن خواہش یہ رکھتے ہیں کہ مجھے اور میرے گھر والوں کو نہ چھیڑا جائے باقی سارے معاشرے کی اصلاح کی جائے، یہ رویے خودکش ہیں۔انہوں نے کہا کہ آج بدعنوان بیورو کریٹس منظرنامے سے غائب ہیں، جب جب یہ فوڈ ٹیسٹنگ لیبر کام کرینگی تو ارتعاش نظر بھی آئے گا۔ وزیراعظم آزاد کشمیر چوہدری انوار الحق نے کہا کہ فوڈ ٹیسٹنگ لیب کے حوالے سے معزز اعلیٰ عدالت کا کلیدی کردار ہے، حکومت نے ان لیبز کے لیے فوری فنڈز فراہم کیے، انہوں نے کہا کہ فوڈ ڈیپارٹمنٹ کو خراج تحسین پیش کرتا ہوں، آپ اچھا کام کر رہے ہیں، ملز میں چیکنگ کے نظام کو مزید بہتر بنایا جائے۔
.ذریعہ: Islam Times
کلیدی لفظ: فوڈ ٹیسٹنگ نے کہا کہ انہوں نے
پڑھیں:
کراچی کے ضلع وسطی میں پورشن مافیا کے گرد گھیرا تنگ، متعدد گرفتار
شہر قائد کے ضلع وسطی میں غیر قانونی تعمیرات میں ملوث پورشن مافیا کے ٹھیکیداروں، سہولت کاروں اور بلڈرز کیخلاف مقدمہ درج کر کے متعدد کو گرفتار کرلیا گیا ہے۔
ایکسپریس نیوز کے مطابق سندھ بلڈنگ کنٹرول اتھارٹی کے جانب سے ڈسٹرکٹ سینٹرل میں غیرقانونی تعمیرات اور اس میں ملوث ٹھکیدار پورشن مافیا سمیت سہولت کاروں کے خلاف گھیراتنگ کردیا گیا ہے۔
ڈسٹرکٹ سینٹرل میں کئی ملزمان کے خلاف ایف آئی آرز درج کی گئی ہے، 18 سے زائد ملزمان کو پولیس نے حراست میں لے لیا جبکہ مزید گرفتاریوں کے لئے کارروائیوں کاسلسلہ جاری ہے۔
تفصیلات کے مطابق اس سلسلے میں ڈائریکٹر جنرل ایس بی سی اے محمد اسحاق کھوڑو نے دو ٹوک مؤقف اختیار کرتے ہوئے کہا ہے کہ غیرقانونی تعمیرات کے خلاف حکومت سندھ کی ہدایات کے مطابق زیروٹالرنس پالیسی غیرقانونی تعمیرات کے مکمل خاتمے تک جاری رہے گی۔
انہوں نے کہا کہ پورے شہر میں غیرقانونی تعمیرات میں ملوث ٹھکیدار و سہولت کاروں اور پورشن مافیا کے خلاف بھرپور قانونی کارروائیاں کی جائیں گی، غیر قانونی تعمیرات کا خاتمہ اورملوث ملزمان کو قانون کے کٹہرے میں لاکر کیفرکردار تک پہنچائیں گے۔
غیرقانونی تعمیرات سے متعلق حکومت سندھ کی زیروٹالرنس پالیسی پر عملدرآمد کے حوالے سے ڈائریکٹرجنرل محمد اسحاق کھوڑو مسلسل متحرک ہیں، انکی جانب سے شہر کے مختلف اضلاع کے ڈپٹی کمشنرز اور ایس ایس پیز سے ملاقاتوں کا سلسلہ جاری ہے جس میں غیرقانونی تعمیرات کے خاتمے اور ملوث ملزمان کے خلاف سخت ایکشنز کے سلسلے میں فیصلے اور لائحہ عمل مرتب کیا گیا ہے۔
ایس بی سی اے کی جانب سے ڈسٹرکٹ سینٹرل میں اب تک 260 سے زائد کاروائیاں عمل میں لائی جا چکی ہیں۔
واضح رہے کہ ڈائریکٹرجنرل سندھ بلڈنگ کنٹرول اتھارٹی کی خصوصی ہدایات پر ایس بی سی اے کے ڈسٹرکٹ ڈائریکٹرز،ویجیلینس ٹیم اور ڈیمالیشن ڈائریکٹر و دیگر افسران و عملے کے ہمراہ علاقوں میں غیرقانونی تعمیرات کے خلاف روزانہ کے بنیاد پر کارروائیوں میں مصروف عمل ہیں۔
سرگودھا: لڑکی کے اغواء کا کیس، گرفتار پولیس اہلکار نے خودکشی کر لی