بنوں میں قتل کا اشتہاری ملزم انٹرپول کی مدد سے عمان میں گرفتار
اشاعت کی تاریخ: 1st, March 2025 GMT
فوٹو: جنگ
بنوں میں قتل کے اشتہاری ملزم کو انٹرپول کی مدد سے عمان میں گرفتار کرلیا گیا۔
امیگریشن ذرائع کے مطابق این سی بی انٹرپول نے 11 سال سے مطلوب ملزم شاہد خان کو پشاور پہنچا دیا۔ ملزم شاہد خان کو ایف آئی اے امیگریشن پشاور نے خیبر پختونخوا پولیس کے حوالے کر دیا۔
ملزم کے خلاف سال 2014 میں قتل کی دفعات کے تحت بنوں میں مقدمہ درج ہوا تھا۔
ترجمان ایف آئی نے بتایا ہے کہ ایف آئی اے نیشنل سینٹرل بیوروز انٹرپول کی کارروائی کے بعد قتل کیس کا اشتہاری ملزم گرفتار کرلیا ہے۔
ذرائع نے بتایا کہ قتل کی واردات کے بعد ملزم بیرون ملک فرار ہوگیا تھا۔
ترجمان وفاقی تحقیقاتی ادارے کا کہنا ہے کہ ایف آئی اے این سی بی انٹرپول نے ملزم کی گرفتاری کیلئے ریڈ نوٹس جاری کیا تھا۔ ملزم کی حوالگی کی انٹرپول مسقط کے ساتھ قریبی رابطہ کاری کی وجہ سے ممکن ہوئی۔
انہوں نے مزید کہا کہ جدید ٹیکنالوجی سے آراستہ این سی بی انٹرپول 24/7 پوری دنیا کے ساتھ رابطے میں ہے۔ مزید مفرور ملزمان کی گرفتاری کیلئے تمام تر وسائل کو بروئے کار لایا جا رہا ہے۔
.ذریعہ: Jang News
کلیدی لفظ: اشتہاری ملزم قتل کی
پڑھیں:
راولپنڈی: 13 سالہ بچی سے جنسی زیادتی کرنے والا ملزم فوری گرفتار
راولپنڈی میں گوجرخان پولیس نے کارروائی کرتے ہوئے 13 سالہ بچی سے جنسی زیادتی کرنے والے ملزم کو فوری طور پر گرفتار کرلیا۔
رپورٹ کے مطابق مقدمے مدعی نے کہا کہ ملزم ہارون نے میری 13 سالہ بیٹی کو جنسی زیادتی کا نشانہ بنایا۔
گوجرخان پولیس نےواقعے کی اطلاع ملتے ہی مقدمہ درج کر کے ملزم ہارون کو گرفتار کر لیا، پولیس کا کہنا ہے کہ متاثرہ بچی کا میڈیکل چیک اپ کروایا جا رہا ہے، ٹھوس شواہد کے ساتھ گرفتار ملزم کا چالان عدالت میں کیا جائے گا۔
ایس پی صدرمحمد نبیل کھوکھر نے کہا کہ خواتین اور بچوں سے زیادتی، تشدد ناقابل برداشت ہیں، ملوث افراد قانون کی گرفت سے نہیں بچ سکتے۔
کراچی میں ایک ڈمپر کی ٹکر سے ایک اور حادثہ، 9 گاڑیاں نذر آتش