ملک میں خوردنی تیل کی قیمت میں اضافے کا اسکینڈل سامنے آگیا
اشاعت کی تاریخ: 1st, March 2025 GMT
اسلام آباد:
ملک میں ٹرانسپورٹ مافیا کےگٹھ جوڑ سے خوردنی تیل کی قیمت میں اضافے کا اسکینڈل سامنے آگیا ہے اور مسابقتی کمیشن آف پاکستان نے آئل ٹینکرز ایسوسی ایشن کے دفتر پر چھاپہ مار کر دفتر کا تمام ریکارڈ قبضے میں لے لیا۔
مسابقتی کمیشن حکام کے مطابق آئل ٹینکرز ایسوسی ایشن کے دفتر میں آپریشن کے دوران اہم دستاویزات اور ڈیجیٹل ریکارڈ ضبط کرلیا گیا ہے کیونکہ خوردنی تیل کے کرایوں میں ٹرانسپورٹ مافیا کے مبینہ گٹھ جوڑ کا انکشاف ہوا ہے۔
انہوں نے بتایا کہ ٹرانسپورٹرز ایسوسی ایشن کے خلاف انکوائری آخری مراحل میں ہے اب چھاپے کے دوران آئل ٹینکرز ایسوسی ایشن کی طرف سے گٹھ جوڑ کرکے کرائے مقرر کرنے اور بڑھانے کے ٹھوس شواہد ملے ہیں۔
حکام نے بتایا کہ توقع ہے کہ مسابقتی کمیشن آف پاکستان کی طرف سے جلد آرڈر پاس کیا جائے گا، جس میں آئل ٹینکرز ایسوسی ایشن اور گٹھ جوڑ میں ملوث عناصر پر بھاری جرمانے عائد کیے جائیں گے۔
حکام کے مطابق گڈز ٹرانسپورٹرز ایسوسی ایشن نے مبینہ طور پر کرائے فکس کر رکھے ہیں حالانکہ قیمتوں کو گٹھ جوڑ کے ذریعے فکس کرنا صارفین کے حقوق کے خلاف ہے۔
مسابقتی کمیشن نے تنظیموں کو متنبہ کیا ہے کہ مارکیٹ میں آزادانہ مسابقت کو یقینی بنایا جائے۔
.ذریعہ: Express News
کلیدی لفظ: آئل ٹینکرز ایسوسی ایشن مسابقتی کمیشن گٹھ جوڑ
پڑھیں:
رمضان المبارک کا چاند نظر آگیا
لاہور (اُردو پوائنٹ اخبارتازہ ترین۔ یکم مارچ 2025ء) رمضان المبارک کا چاند نظر آگیا،پاکستان سمیت دنیا کے بیشتر ممالک میں کروڑوں مسلمان اتوار کے روز پہلا روزہ رکھیں گے ۔ سعودی عرب سمیت صرف چند ہی ممالک میں جمعہ کی شام کو رمضان المبارک 1446 ہجری کا چاند نظر آنے کا اعلان کیا گیا۔ ت
دنیا کے بیشتر ممالک میں گزشتہ روز جمعہ کی شام کو رمضان المبارک کا چاند نظر نہیں آیا، صرف چند ہی ممالک میں آج بروز ہفتہ کو پہلا روزہ تھا۔ برطانیہ دنیا کا واحد غیر اسلامی ملک ہے جہاں جمعہ کی شام کو رمضان المبارک کا چاند نظر آ گیا۔ برطانیہ سے قبل صرف چند مسلمان ممالک میں رمضان المبارک کا چاند نظر آیا۔ جبکہ آسٹریلیا میں جمعہ کی شام کو چاند دیکھنے سے قبل ہی یکم مارچ کو رمضان المبارک کے آغاز کا اعلان کر دیا گیا تھا۔
(جاری ہے)
گزشتہ روز سعودی عرب، متحدہ عرب امارات، عمان، کویت، قطر، بحرین، یمن، مصر، اردن، شام، عراق، لبنان، سوڈان اور افغانستان ایسے اسلامی ممالک ہیں جہاں جمعہ کے روز رمضان المبارک 1446 ہجری کا چاند نظر آ گیا۔
اسلامی دنیا میں سب سے پہلے سعودی عرب میں رمضان المبارک کا چاند نظر آیا۔ یوں ان خلیجی ممالک میں مقیم مسلمان نے ہفتہ کو پہلا روزہ رکھا۔ اس سے قبل انڈونیشیا، ملائیشیا اور برونائی دارالاسلام میں ماہ مبارک میں رمضان المبارک کا چاند نظر نہ آنے کا اعلان کرتے ہوئے کہا گیا کہ ان ممالک میں 2 مارچ بروز اتوار کو رمضان المبارک کا پہلا روزہ ہو گا۔ جاپان اور سنگاپور میں بھی رمضان المبارک کا چاند نظر نہ آنے پر پہلا روزہ 2 مارچ بروز اتوار کو ہونے کا اعلان کیا گیا۔ گزشتہ روز پاکستان میں پشاور میں منعقدہ مرکزی رویت ہلال کمیٹی کا اجلاس ختم ہونے کے بعد رمضان المبارک کے چاند کی رویت سے متعلق اعلان کر دیا گیا۔ مرکزی رویت ہلال کمیٹی کے اعلامیہ کے مطابق ملک کے کسی علاقے سے چاند کی کوئی شہادت موصول نہ ہوئی، لہذا ملک میں رمضان المبارک کا پہلا روزہ 2 مارچ بروز اتوار کو ہو گا۔ ماہرین فلکیات کے مطابق پاکستان میں شام 7 بج کر 24 منٹ تک چاند نظر آنے کا امکان تھا، تاہم اس وقت تک ملک کے کسی علاقے سے چاند کی کوئی شہادت موصول نہ ہوئی۔ واضح رہے کہ ماہرین فلکیات کی جانب سے پہلے ہی پیشن گوئی کی گئی تھی کہ پاکستان سمیت بیشتر ایشیائی ممالک میں 28 فروری کو رمضان المبارک کا چاند نظر نہیں آئے گا۔ جبکہ سعودی عرب میں 28 فروری کو چاند نظر آنے کا امکان ظاہر کیا گیا تھا۔ ماہرین فلکیات نے 28 فروری کو صرف چند ممالک کے علاوہ دنیا کے بیشتر ممالک میں رمضان المبارک کا چاند نظر نہ آنے کی پیشن گوئی کی۔
اسلام آباد ہائیکورٹ بار ایسوسی ایشن کے سالانہ انتخابات میں پی ٹی آئی کے حمایت یافتہ امیدواروں نے میدان مار لیا