کراچی، بوٹ بیسن میں کار سواروں پر تشدد میں ملوث شاہ زین مری بلوچستان فرار، 2 گارڈ گرفتار
اشاعت کی تاریخ: 28th, February 2025 GMT
واضح رہے کہ کراچی کے علاقے بوٹ بیسن میں 19 فروری کو کار سوار مسلح افراد نے گاڑی کو ٹکر مارنے کے بعد اس میں سوار شہریوں کو تشدد بنایا تھا، واقعے کی سی سی ٹی وی فوٹیج گزشتہ رات سامنے آئی تھی۔ پولیس کے مطابق تشدد کا واقعہ 19 فروری کو رات 3 بجے پیش آیا تھا، زون جنوبی پولیس نے واقعے کا مقدمہ درج کرلیا تھا۔ اسلام ٹائمز۔ کراچی کے علاقے بوٹ بیسن میں کار سوار شہریوں پر مسلح افراد کے تشدد کے بعد پولیس نے واقعے میں ملوث 2 مسلح افراد کو گرفتار کرلیا جبکہ واقعے کا مرکزی ملزی شاہ زین مری بلوچستان فرار ہوگیا۔ تفصیلات کے مطابق کراچی کے علاقے بوٹ بیسن میں کار سوار شہریوں پر تشدد میں شاہ زین مری ملوث نکلا، پولیس نے واقعے میں ملوث شاہ زین مری کے 2 گارڈز کو گرفتار کرلیا جبکہ مرکزی ملزم شاہ زین مری بلوچستان فرار ہوگیا۔ زون جنوبی پولیس کے مطابق ملزم کی گرفتاری کیلیے چھاپوں کے دوران 2 سیکیورٹی گارڈز کو گرفتار کرلیا گیا ہے، ملزمان کے قبضے سے اسلحہ برآمد ہوا ہے، تشدد میں ملوث مزید عناصر کی گرفتاری کے لیے چھاپے مارے جا رہے ہیں، شاہ زین مری کی گرفتاری کے لیے بلوچستان حکومت سے رابطہ کرلیا گیا ہے۔ ڈی آئی جی جنوبی نے بتایا کہ شہریوں پر تشدد کا مرکزی ملزم شاہ زین مری ہے جو بلوچستان فرار ہوگیا ہے، ملزم کے گرفتار گارڈز کی شناخت غوث بخش اور جلاد خان کے نام سے ہوئی ہے، جن کے قبضے سے اسلحہ بھی برآمد ہوا ہے۔
واضح رہے کہ کراچی کے علاقے بوٹ بیسن میں 19 فروری کو کار سوار مسلح افراد نے گاڑی کو ٹکر مارنے کے بعد اس میں سوار شہریوں کو تشدد بنایا تھا، واقعے کی سی سی ٹی وی فوٹیج گزشتہ رات سامنے آئی تھی۔ پولیس کے مطابق تشدد کا واقعہ 19 فروری کو رات 3 بجے پیش آیا تھا، زون جنوبی پولیس نے واقعے کا مقدمہ درج کرلیا تھا۔ پولیس نے بتایا تھا کہ سی سی ٹی وی فوٹیج کی مدد سے گاڑی کا ریکارڈ معلوم کرلیا ہے اور کچھ ملزمان کی شناخت کی جاچکی ہے جن کی گرفتاری کے لیے چھاپے مارے جارہے ہیں۔ پولیس کا کہنا تھا کہ تشدد میں ملوث ملزمان کو نہیں چھوڑا جائے گا، قانون کے مطابق سخت کارروائی کی جائے گی، ملزمان کے خلاف اسلحہ کی نمائش کرنے پر بھی کارروائی عمل میں لائی جائے گی۔
ذریعہ: Islam Times
کلیدی لفظ: کراچی کے علاقے بوٹ بیسن میں پولیس نے واقعے بلوچستان فرار سوار شہریوں شاہ زین مری کی گرفتاری مسلح افراد کے مطابق میں ملوث فروری کو کار سوار
پڑھیں:
کراچی، ڈاکوؤں کے خلاف پولیس کے مبینہ مقابلے، ایک ڈاکو ہلاک، تین گرفتار
کراچی:شہر قائد کے مختلف علاقوں میں جرائم پیشہ عناصر کے خلاف پولیس کی کارروائیوں کے دوران مبینہ پولیس مقابلوں میں ایک ڈاکو ہلاک اور تین کو گرفتار کر لیا گیا۔
پہلے واقعے میں سکھن پولیس نے لانڈھی لالا آباد کے علاقے میں مبینہ پولیس مقابلے کے بعد ایک ڈاکو کو زخمی حالت میں گرفتار کر لیا۔
پولیس کے مطابق مقابلہ منگل اور بدھ کی درمیانی شب پیش آیا، جس کے بعد زخمی ملزم کو ایدھی ایمبولینس کے ذریعے جناح اسپتال منتقل کیا گیا۔
مزید پڑھیں: کراچی، مختلف علاقوں میں مبینہ پولیس مقابلے، 6 ڈاکو زخمی حالت میں گرفتار
ترجمان کراچی پولیس نے بتایا کہ گرفتار ملزم کی شناخت موسیٰ عرف خر کے نام سے کی گئی ہے، جبکہ اس کا ساتھی موقع سے فرار ہونے میں کامیاب ہو گیا۔
ملزم کے قبضے سے ایک پستول بمعہ گولیاں، موبائل فون اور نقد رقم برآمد ہوئی۔ پولیس کے مطابق ملزم کے کرمنل ریکارڈ کی جانچ پڑتال جاری ہے۔
دوسری کارروائی تیموریہ پولیس نے نارتھ ناظم آباد بلاک N میں مہدی حسن پارک کے قریب انجام دی، جہاں پولیس کے ساتھ مبینہ مقابلے میں ایک ڈاکو ہلاک جبکہ دو کو گرفتار کر لیا گیا۔
مزید پڑھیں: کراچی کے مختلف علاقوں میں مبینہ پولیس مقابلے، زخمی سمیت 4 ملزمان گرفتار
ترجمان ایس ایس پی سینٹرل کے مطابق ہلاک ڈاکو کی شناخت 18 سالہ ذیشان ولد اجمل کے نام سے ہوئی، جبکہ زخمی حالت میں گرفتار ڈاکو کی شناخت 20 سالہ شاہد ولد اجمل کے طور پر کی گئی۔
تیسرا ملزم 25 سالہ مجاہد ولد جان محمد پتھر لگنے سے معمولی زخمی ہوا۔
پولیس نے گرفتار ملزمان کے قبضے سے دو پستولیں بمعہ گولیاں، چار موبائل فونز، نقد رقم اور عزیزآباد کے علاقے سے چوری کی گئی موٹرسائیکل برآمد کر لی ہے۔ ہلاک و زخمی ڈاکوؤں کو عباسی شہید اسپتال منتقل کیا گیا۔
ترجمان پولیس کے مطابق تمام گرفتار ملزمان کے خلاف مقدمات درج کر کے تفتیش کا آغاز کر دیا گیا ہے جبکہ مفرور ساتھی کی تلاش جاری ہے۔
کراچی میں ڈکیتی مزاحمت پر 27واں شہری قتل، بہن کو کلینک چھوڑنے آیا تھا