زرعی ٹیوب ویل، 300 یونٹ بجلی صارفین کیلئے بڑی خوشخبری
اشاعت کی تاریخ: 26th, February 2025 GMT
پاور ڈویژن نے زرعی ٹیوب ویل اور 300 یونٹ تک کے بجلی صارفین کےلیے بڑی خوشخبری سنادی۔
پاور ڈویژن کے اعلامیے میں زرعی ٹیوب ویل اور 300 یونٹ تک کے بجلی صارفین کو فیول ایڈجسٹمنٹ کی مد میں کمی کا فائدہ دینے کا اعلان کیا گیا ہے۔
سیکریٹری پاور نےدعویٰ کیا ہے کہ حکومت کے بجلی قیمت میں کمی کے اقدامات کے نتائج ماہ اپریل میں آنا شروع ہوں گے۔
اعلامیے کے مطابق زرعی ٹیوب ویل اور 300 یونٹ تک کے بجلی صارفین کے ماہانہ بلوں میں مزید کمی آئے گی۔
پاور ڈویژن اعلامیے کے مطابق نیشنل پاور ریگولیٹری اتھارٹی (نیپرا) کو دونوں میں فیول ایڈجسٹمنٹ میں کمی کا فائدہ صارفین کو دینے کےلیے خط لکھ دیا ہے۔
پاور ڈویژن اعلامیے کے مطابق جون 2015ء سے 300 یونٹ تک بجلی صارفین کو ماہانہ فیول ایڈجسٹمنٹ میں کمی کا فائدہ روک دیا گیا تھا۔
اعلامیے کے مطابق دسمبر2010ء سےزرعی ٹیوب ویل کو ماہانہ فیول ایڈجسٹمنٹ میں کمی ختم کردی گئی تھی۔
.ذریعہ: Jang News
کلیدی لفظ: اعلامیے کے مطابق فیول ایڈجسٹمنٹ زرعی ٹیوب ویل بجلی صارفین پاور ڈویژن یونٹ تک کے بجلی
پڑھیں:
بجلی ایک روپے 71پیسے فی یونٹ سستی کرنے کا نوٹیفکیشن جاری
بجلی ایک روپے 71پیسے فی یونٹ سستی کرنے کا نوٹیفکیشن جاری WhatsAppFacebookTwitter 0 11 April, 2025 سب نیوز
اسلام آباد(آئی پی ایس ) پاورڈویژن نے بجلی ایک روپے 71 پیسے فی یونٹ سستی کرنیکا نوٹی فکیشن جاری کردیا۔نیپرانے گزشتہ روزبجلی سستی کرنیکا فیصلہ وفاقی حکومت کو بھجوایا تھا جس کے بعد آج پاورڈویژن نے بجلی ایک روپے 71پیسے فی یونٹ سستی کرنے کا نوٹیفکیشن جاری کردیا۔
نوٹیفکیشن کے مطابق بجلی کی قیمت میں کمی کے الیکٹرک سمیت ملک بھر کے صارفین کے لیے ہوگی اور بجلی کی قیمت میں کمی کا اطلاق اپریل سے جون 2025 کے لیے ہوگا۔پاور ڈویژن کے نوٹیفکیشن کے مطابق بجلی کی قیمت میں کمی وفاقی حکومت کی اضافی سبسڈی کے ذریعے کی گئی جس کا اطلاق لائف لائن صارفین پر نہیں ہوگا۔واضح رہے کہ وفاقی حکومت نے بجلی ایک روپے 71 پیسے فی یونٹ سستی کرنیکی درخواست جمع کرائی تھی جسے نیپرانے منظور کیا تھا۔
ملک میں معاشی استحکام کیساتھ روزگار کے نئے مواقع پیدا ہو رہے ہیں؛ وزیر قانون اعظم نذیر تارڑ