پاکستان میں ویرات کوہلی کی پذیرائی پر نفرت کا زہر اُگلتا بھارتی میڈیا بھی حیران
اشاعت کی تاریخ: 24th, February 2025 GMT
چیمپئنز ٹرافی 2025 کے پاک بھارت میچ میں پاکستانی شائقین کی جانب سے ویرات کوہلی کو ملنے والی بے پناہ پذیرائی نے پاکستان کے خلاف ہمیشہ زہر اگلنے والے بھارتی میڈیا کو حیران و پریشان کردیا ہے۔
گزشتہ روز دبئی میں ہونے والے پاکستان اور بھارت کے درمیان کھیلے گئے میچ میں ویرات کوہلی نے اپنی شاندار سنچری سے بھارتی ٹیم کو فتح دلائی، لیکن دلچسپ بات یہ رہی کہ پاکستانی شائقین نے بھی کوہلی کی اس کارکردگی کو بے حد سراہا۔
یہ منظرنامہ بھارتی میڈیا کےلیے حیرت کا باعث بنا ہوا ہے، جو اکثر پاکستان اور بھارت کے درمیان کھیلے جانے والے میچوں کو ایک جنگ کی طرح پیش کرتا ہے۔ لیکن پاکستانیوں نے ایک بار پھر ثابت کیا کہ وہ کھیل کے میدان میں کھلاڑیوں کی صلاحیتوں کو قدر کی نگاہ سے دیکھتے ہیں، چاہے وہ کسی بھی ملک کے کیوں نہ ہوں۔
ویرات کوہلی، جنہیں بھارتی کرکٹ کا سب سے بڑا اسٹار مانا جاتا ہے، نے اپنی بیٹنگ کے ذریعے بھارت کو کامیابی کی راہ پر گامزن کیا۔ ان کی سنچری نے نہ صرف بھارتی شائقین کو خوشی سے سرشار کردیا بلکہ پاکستانی شائقین بھی ان کی کارکردگی کو خراج تحسین پیش کرنے سے نہ رک سکے۔ یہ منظر دیکھ کر بھارتی میڈیا کو اپنی رپورٹنگ پر نظر ثانی کرنے پر مجبور ہونا پڑا، جو عام طور پر دونوں ممالک کے درمیان نفرت کی فضا پیدا کرنے کی کوشش کرتا ہے۔
ہندوستان ٹائمز نے اپنی رپورٹ میں پاکستانی اخبارات کے حوالے دیتے ہوئے لکھا کہ پاکستانی میڈیا نے بھی کوہلی کی کارکردگی کو بے حد سراہا ہے۔ ہندوستان ٹائمز نے پاکستانی انگریزی اخبار کا حوالہ دیتے ہوئے کہا اخبار نے اپنی سرخی میں لکھا کہ کوہلی نے جس طرح کا کھیل دکھایا، اس نے بھارت کو پاکستان پر آسانی سے فتح دلائی۔ اخبار نے یہ بھی واضح کیا کہ پاکستان کی جانب سے چیلنجنگ ہدف نہ دینے کی وجہ سے بھارت کو فتح حاصل کرنے میں آسانی ہوئی۔
ایک اور مضمون میں کوہلی کو خراج تحسین پیش کرتے ہوئے کہا گیا کہ پاک بھارت کرکٹ کی تاریخ میں کسی بھی کھلاڑی نے اتنا اثر نہیں ڈالا جتنا کوہلی نے ڈالا ہے۔ یہاں تک کہ پاکستان کے لیجنڈری کھلاڑیوں جیسے وسیم اکرم اور عمران خان نے بھی پاک بھارت میچ میں کوہلی جتنا اثر نہیں ڈالا۔
ایک اور میڈیا نے کوہلی کی شاندار کارکردگی کو سراہتے ہوئے لکھا کہ پاکستان ہائی اسٹیکس چیمپئنز ٹرافی مقابلے میں بھارت سے ہار گیا۔ رپورٹ میں کوہلی کی ریکارڈ ساز اننگز کا بھی ذکر کیا گیا، جس نے بھارت کی کامیابی میں اہم کردار ادا کیا۔
ایکسپریس ٹریبیون کی خبر کا حوالہ دیتے ہوئے ہندوستان ٹائمز نے لکھا کہ اخبار نے میچ کے نتیجے پر توجہ مرکوز کرتے ہوئے لکھا کہ بھارت نے پاکستان کو آؤٹ کلاس کردیا اور دفاعی چیمپئن کے ٹورنامنٹ سے باہر ہونے کا خطرہ پیدا ہوگیا۔
بھارتی میڈیا کی یہ رپورٹس ظاہر کرتی ہیں کہ وہ پاکستانی عوام اور میڈیا کی سوچ سے بے خبر ہیں۔ پاکستانی شائقین اور میڈیا کھیل کو کھیل کی نظر سے دیکھتے ہیں اور کھلاڑیوں کی صلاحیتوں کو قدر کی نگاہ سے دیکھتے ہیں۔ یہی وجہ ہے کہ بھارتی کھلاڑی ویرات کوہلی کو بھی پاکستانی شائقین نے دل کھول کر خراج تحسین پیش کیا۔
.ذریعہ: Express News
کلیدی لفظ: پاکستانی شائقین بھارتی میڈیا کارکردگی کو ویرات کوہلی کہ پاکستان کوہلی کی نے اپنی لکھا کہ
پڑھیں:
بھارت مقبوضہ کشمیر کی صورتحال پر دنیا کو گمراہ کرنے کی کوشش کر رہا ہے، حریت کانفرنس
ترجمان نے کہا کہ کشمیر بھارت کا حصہ نہیں ہے بلکہ اس پر 1947ء سے جبری قبضہ ہے اور اقوام متحدہ کی قراردادیں جن میں استصواب رائے کے ذریعے اس کے حل پر زور دیا گیا ہے۔ اسلام ٹائمز۔ غیرقانونی طور پر بھارت کے زیر قبضہ جموں و کشمیر میں کل جماعتی حریت کانفرنس نے کہا ہے کہ بی جے پی کی زیر قیادت بھارتی حکومت علاقے کی زمینی صورتحال کے بارے میں عالمی برادری کو گمراہ کرنے کے لئے ایک کے بعد ایک مذموم کوشش کر رہی ہے۔ ذرائع کے مطابق کل جماعتی حریت کانفرنس کے ترجمان ایڈووکیٹ عبدالرشید منہاس نے سرینگر سے جاری ایک بیان میں کہا کہ بھارت اپنی ریاستی دہشت گردی، سیاسی ناانصافیوں اور انسانی حقوق کی سنگین خلاف ورزیوں کو چھپانے کے لیے کبھی پاکستان اور کبھی حریت قیادت کو مقبوضہ علاقے میں بگڑتی ہوئی صورتحال کا ذمہ دار ٹھہراتا ہے۔ انہوں نے کہا کہ کشمیریوں کو ہراساں کرنے کے لئے مقبوضہ جموں و کشمیر میں محاصرے اور تلاشی کی کارروائیوں اور گھروں پر چھاپوں کے دوران بے گناہ کشمیریوں کی بلاجواز گرفتاریوں میں اضافہ ہوا ہے۔ ترجمان نے کہا کہ کشمیریوں کو دبانے کے لئے آرمڈ فورسز اسپیشل پاورز ایکٹ، پبلک سیفٹی ایکٹ اور غیرقانونی سرگرمیوں کی روک تھام جیسے کالے قوانین کا استعمال کیا جا رہا ہے کیونکہ 5 اگست 2019ء کے بعد مقبوضہ علاقے میں بھارتی مظالم نے نیا ریکارڈ قائم کیا ہے۔
ترجمان نے کہا کہ کشمیر بھارت کا حصہ نہیں ہے بلکہ اس پر 1947ء سے جبری قبضہ ہے اور اقوام متحدہ کی قراردادیں جن میں استصواب رائے کے ذریعے اس کے حل پر زور دیا گیا ہے، اس کی متنازعہ حیثیت کی گواہی دیتی ہیں۔ انہوں نے کہا کہ کشمیر کے بارے میں بھارتی وزیر داخلہ امیت شاہ اور دہلی کے لیفٹننٹ گورنر منوج سنہا کے اشتعال انگیز بیانات خطے کے امن کے لیے خطرہ ہیں۔ حریت ترجمان نے ان بیانات کو بوکھلاہٹ قرار دیتے ہوئے کہا کہ بھارتی رہنمائوں کا کیس کمزور ہے، کشمیریوں کے جذبہ آزادی، مضبوط موقف اور صبر و استقامت نے بھارتی رہنمائوں کو بوکھلا دیا ہے جو اب دھمکیوں پر اتر آئے ہیں۔ انہوں نے بھارتی حکومت سے جیلوں میں نظربند تمام سیاسی قیدیوں کو رہا کرنے کا مطالبہ کیا جن میں کل جماعتی حریت کانفرنس کے چیئرمین مسرت عالم بٹ، شبیر احمد شاہ، محمد یاسین ملک، آسیہ اندرابی، نعیم احمد خان، ناہیدہ نسرین، فہمیدہ صوفی، ایاز اکبر، پیر سیف اللہ، معراج الدین کلوال، شاہد الاسلام، فاروق احمد ڈار، ڈاکٹر محمد قاسم فکتو، مشتاق الاسلام، ڈاکٹر حمید فیاض، بلال صدیقی، ایڈوکیٹ میاں عبدالقیوم، ایڈوکیٹ محمد اشرف بٹ، مولوی بشیر عرفانی، محمد رفیق گنائی، عبدالاحد پرہ، ڈاکٹر محمد شفیع شریعتی، غلام قادر بٹ، محمد یوسف فلاحی، امیر حمزہ، سید شاہد یوسف، سید شکیل یوسف، نور محمد فیاض، حیات احمد بٹ، شوکت حکیم، ظفر اکبر بٹ، ظہور احمد بٹ، عمر عادل ڈار، عبدالاحد پرہ، سلیم نناجی، محمد یاسین بٹ، فیاض حسین جعفری، عادل سراج زرگر، دائود زرگر اور انسانی حقوق کے کارکن خرم پرویز، محمد احسن اونتو اور صحافی عرفان مجید شامل ہیں۔
گھر سے بے دخل خاتون ٹک ٹاکر نے نہر میں چھلانگ لگا دی