راولپنڈی میں چیمپیئنز ٹرافی میچز کی تیاریاں مکمل،ٹریفک پلان جاری
اشاعت کی تاریخ: 24th, February 2025 GMT
اسلام آباد(اوصاف نیوز)راولپنڈی میں چیمپیئنز ٹرافی میچز کی تیاریاں مکمل، اسلا م آباد ،راولپنڈی پولیس نے دوران ہیوی اور عام ٹریفک کیلئے پلان ترتیب دیدیا۔ چیمپیئنز ٹرافی کی وجہ سے سری نگر ہائی وے زیرو پوائنٹ سے سرینہ ہوٹل روڈ دونوں اطراف سے تاحکم ثانی ٹریفک کیلئے بند رہے گی
ریڈ زون کے باقی تمام داخلی و خارجی راستے کھلے ہوں گے۔ فیض آباد سے آنے والی ٹریفک جناح ایونیو جبکہ کلب روڈ سے آبپارہ اور ریڈ زون والی ٹریفک فیض آباد لوپ کا استعمال کرتے ہوئے جناح ایونیو انڈر پاس سے مارگلہ روڈ استعمال کرے۔ بہارہ کہو سے آنے والی ٹریفک کلب روڈ اور فیض آباد ایکسپریس ہائی وے کا استعمال کرے اور آبپارہ سے بہارہ کہو جانے والی ٹریفک شکر پڑیاں روڈ استعمال کرے۔ ہیوی ٹریفک کے لیے 24، 25 اور 27 فروری کو مختلف اوقات میں ٹریفک ڈائیورشن پلان ترتیب دیا گیا ہے۔
اس دوران، ہر قسم کی ہیوی ٹریفک کے لیے صبح 7 بجے سے رات ڈیڑھ بجے تک داخلہ بند ہوگا۔ مزید پڑھیں:چیمپیئنز ٹرافی، بنگلہ دیش اور نیوزی لینڈ کے درمیان اہم میچ آج راولپنڈی میں کھیلا جائیگا پشاور سے لاہور جانے والی ہیوی ٹریفک براستہ ٹیکسلا موٹروے اور ترنول پھاٹک سے فتح جنگ موٹروے جبکہ لاہور جی ٹی روڈ سے اسلام آباد اور راولپنڈی جانے والی ہیوی ٹریفک چک بیلی روڈ سے چکری موٹروے استعمال کرے۔
جی ٹی روڈ پشاور سے روات جانے والے شہری ٹیکسلا موٹروے، چکری، چک بیلی روڈ اور روات استعمال کرے جبکہ لاہور جی ٹی روڈ سے پشاور جانے والے شہری روات، چک بیلی روڈ چکری، ٹیکسلا موٹروے استعمال کرے۔
روٹ کے باعث سری نگر ہائی وے اور ایکسپریس وے پر ٹریفک تعطل کا شکار رہے گی، شہری اسلام آباد میں سفر کے لیے مختلف انڈر پاسز کا استعمال کرے۔ ترجمان اسلام آباد ٹریفک پولیس کے مطابق شہریوں کی رہنمائی کیلئے اسلام آباد ٹریفک پولیس مختلف مقامات پر موجود رہے گی، سفر کے دوران کسی بھی پریشانی اور رہنمائی کے لیے ٹریفک ہیلپ لائن 1915 پر رابطہ کریں۔ ٹریفک پولیس کا سوشل میڈیا پلیٹ فارم شہریوں کو بروقت ٹریفک روٹس سے متعلق آگاہی کے لیے موجود ہے۔
پی ٹی آئی کو ایک اور دھچکا،لاہورہائیکور ٹ نے بڑافیصلہ کردیا
ذریعہ: Daily Ausaf
کلیدی لفظ: چیمپیئنز ٹرافی استعمال کرے اسلام ا باد والی ٹریفک ہیوی ٹریفک نے والی روڈ سے کے لیے
پڑھیں:
راولپنڈی اور اسلام آباد سے مری جانے اور آنیوالوں کیلئے اچھی خبر
اسلام آ باد (نیوز ڈیسک) راولپنڈی اور اسلام آ باد سے مری جانے اور اآنے والوں کیلئے اچھی خبر ہے کہ سی ڈی اے نےدارالحکومت کے کشمیر چوک ( ڈھوکری چوک ) مری روڈ پر ٹریفک کا دبائو کم کرنے کیلئے مری روڈ اور سری نگر ہائی وے کے سنگم پر انڈر پاس کی تعمیر کا ٹھیکہ دیدیا ،تعمیراتی فرم نے کام شروع کردیا ، سی ڈی اے حکام نے بتایا کہ اب انڈر پاس کشمیر چوک سے بہارہ کہو اور مری جانے کیلئے جانے والی ٹر یفک کیلئے تعمیر کیا جا ئے گا جبکہ مری اور بہارہ کہو سے سری نگر ہائی وے جانے والی ٹریفک اسی انڈر پاس کے اوپر سےجائے گی یہ پراجیکٹ بھی سرینا چوک انڈر پاس تعمیر کرنے والی فرم کو دیاگیا ہے،اس سے قبل یہ تجویز تھی کہ مری اور بہارہ کہو سے سری نگر ہائی وے جانے والی ٹریفک کو انڈر پاس سے گزارا جا ئے لیکن اس تجویز کو ڈراپ کردیاگیا ،اب کشمیر چوک سے مری اور بہارہ کہو جانے والی ٹر یفک کو انڈر پاس سے گزارا جا ئے گا جس کا دوہرا فائدہ ہوگا، ایک تو بہارہ کہو اور مری جانے والی ٹر یفک انڈ ر پا س سے گزرے گی دوسرے یہ کہ مری اور بہارہ کہو سے سری نگر ہائی وے جانے والی ٹریفک کو اسی انڈر پاس کی چھت سے نئی سڑک کے ذ ریعے سری نگر ہائی وے سے منسلک کردیا جا ئے گا۔ انڈر پاس کی تعمیر پر 40کروڑ روپے لاگت کا اندازہ لگایا گیا ہے تاہم حتمی تخمینہ ابھی لگانا با قی ہے،انڈر پاس کو دو ماہ کے اندر تعمیر کیا جا ئے گا۔
اسرائیلی قیدیوں کے خاندانوں کا نیتن یاہو کے گھر کے باہر مظاہرہ