یزویندرا چاہل اور دھناشری ورما میں طلاق ہو گئی، وجہ بھی سامنے آ گئی
اشاعت کی تاریخ: 21st, February 2025 GMT
بھارتی اسپن بولر یزویندرا چاہل اور ان کی اداکارہ اہلیہ دھناشری ورما کے درمیان اب باقاعدہ طور پر طلاق ہو گئی۔
بھارتی میڈیا کے مطابق ان دونوں کی طلاق کی خبریں کئی مہینوں سے سوشل میڈیا پر گردش کر رہی تھیں تاہم دونوں میں سے کسی نے بھی اس حوالے سے باقاعدہ طور پر میڈیا سے بات یا کوئی واضح پیغام جاری نہیں کیا تھا۔
بھارتی میڈیا کے مطابق گزشتہ روز ان دونوں کی علیحدگی سے متعلق حتمی سماعت باندرہ کی فیملی کورٹ میں ہوئی، جہاں یزویندرا چاہل اور دھناشری ورما دونوں خود بھی موجود تھے۔
اس موقع پر جج نے ان دونوں کو آخری بار مشورہ کرنے کا بھی موقع دیا جس کے بعد دونوں نے تقریباً 45 منٹ تک بات چیت کی جس کے بعد جج کو بتایا گیا کہ دونوں باہمی رضامندی سے الگ ہونا چاہتے ہیں۔
عدالتی کارروائی کے دوران یہ بھی انکشاف ہوا کہ یزویندرا چاہل اور دھناشری ورما گزشتہ 18 ماہ سے الگ رہ رہے تھے۔
بھارتی میڈیا کے مطابق جب طلاق لینے کی وجہ کے بارے میں پوچھا گیا تو دونوں نے کہا کہ مطابقت کے مسائل ہیں۔
میڈیا رپورٹس کے مطابق تمام سنوائی اور کارروائی کے بعد جج نے جمعرات کو تقریباً شام 4:30 بجے باضابطہ طور پر ان کی طلاق کا فیصلہ سنا دیا۔
بھارتی میڈیا کے مطابق یزویندرا چاہل اور دھناشری ورما کی شادی دسمبر 2020ء میں ہوئی تھی۔
.ذریعہ: Daily Mumtaz
کلیدی لفظ: بھارتی میڈیا کے مطابق
پڑھیں:
پاکستان اور بحرین کے وزرائے اطلاعات کی ملاقات، میڈیا تعاون کو فروغ دینے پر اتفاق
ریاض (نیوز ڈیسک) وفاقی وزیر اطلاعات عطاءاللہ تارڑ اور بحرین کے وزیر برائے اطلاعات رمضان بن عبداللہ النعیمی کے درمیان ایک اہم ملاقات ہوئی جس میں دونوں ممالک کے درمیان میڈیا تعاون کو وسعت دینے، مہارتوں کے تبادلے اور مشترکہ منصوبوں کو فروغ دینے کے عزم کا اظہار کیا گیا۔
عطاءاللہ تارڑ نے کہا کہ پاکستان اور بحرین کے برادرانہ تعلقات انتہائی مضبوط اور مشترکہ عقیدے، تاریخ اور ثقافت پر مبنی ہیں۔ انہوں نے میڈیا کے شعبے میں روابط کو مزید مضبوط بنانے کے لیے میڈیا وفود کے تبادلے کی اہمیت پر زور دیا اور بحرین کے اسٹیٹ میڈیا اداروں کے ساتھ قریبی تعاون کی ضرورت پر روشنی ڈالی۔ انہوں نے بحرین کی نیوز ایجنسی بی این اے اور پاکستان کی سرکاری نیوز ایجنسی اے پی پی کے درمیان خبروں کے اشتراک کی تجویز بھی پیش کی۔
دونوں وزراء نے اس بات پر اتفاق کیا کہ حالیہ برسوں میں اعلیٰ سطحی وفود کے باقاعدہ تبادلے دونوں ممالک کے تعلقات میں مزید استحکام لا رہے ہیں۔ عطاءاللہ تارڑ نے بتایا کہ ان دنوں بحرین کا ایک پارلیمانی وفد پاکستان کے دورے پر ہے اور آج ہی اس وفد کی وزیراعظم شہباز شریف سے اہم ملاقات ہوئی ہے۔ انہوں نے مزید کہا کہ پاکستان کی معیشت درست سمت میں گامزن ہے اور عالمی سرمایہ کاروں کے لیے یہ سرمایہ کاری کا ایک بہترین موقع ہے۔
بحرین کے وزیر اطلاعات رمضان بن عبداللہ النعیمی نے کہا کہ بحرین پاکستان کے ساتھ تعلقات کو قدر کی نگاہ سے دیکھتا ہے اور دونوں ممالک کی قیادت کی دانشمندانہ رہنمائی کے باعث مختلف شعبوں میں مسلسل ترقی ہو رہی ہے۔ انہوں نے میڈیا کے شعبے میں تعاون کو مزید مستحکم کرنے اور مشترکہ کامیابیوں کو فروغ دینے کے لیے بحرین کے عزم کا اعادہ کیا۔
چیمپئنز ٹرافی، محسن نقوی کا پاک بھارت میچ 4 لاکھ کے باکس کے بجائے عام انکلوژر میں دیکھنے کا فیصلہ