پنجاب میں صحت، تعلیم اور دیگر شعبے دوسرے صوبوں سے بہتر ہیں، بلوچ طالبات کی مریم نواز کی تعریف
اشاعت کی تاریخ: 19th, February 2025 GMT
وزیراعلیٰ پنجاب مریم نواز سے ملاقات کرنے والی بلوچستان کی طالبات نے ان کی کارکردگی کی تعریف کرتے ہوئے کہا ہے کہ پنجاب میں صحت، تعلیم اور دیگر شعبے دوسرے صوبوں سے بہتر ہیں۔
بدھ کو وزیر اعلیٰ پنجاب مریم نوازشریف سے بلوچستان کے مختلف کالجز کی طالبات اور فیکلٹی ممبرز نے ملاقات کی۔
“وزیر اعلیٰ پنجاب @MaryamNSharif سے بلوچستان کے مختلف کالجز کی طالبات اور فیکلٹی ممبرز کی ملاقات”
ملاقات کرنیوالوں میں بلوچستان کے مختلف اضلاع کی یونیورسٹیوں، کالجز، ٹیکنکل ایجوکیشن کے 49 طالبات اور 14خواتین اساتذہ شامل !! pic.
— ???????????????? ???????????????? (@_A_nam) February 19, 2025
ملاقات کرنے والوں میں بلوچستان کے مختلف اضلاع کی یونیورسٹیوں، کالجز، ٹیکنکل ایجوکیشن کے 49 طالبات اور 14 خواتین اساتذہ شامل تھیں۔ وزیراعلیٰ مریم نوازشریف نے طالبات اور فیکلٹی ممبرز کا لاہور آمد پر خیر مقدم کیا۔
یہ بھی پڑھیں مریم نواز کا پنجاب میں الیکٹرک بسوں کا افتتاح، کرایہ صرف 20 روپے ہوگا
وزیراعلیٰ مریم نوازشریف کی طرف سے بلوچستان کے وفد کو لیپ ٹاپ اور تحائف پیش کیے گئے، جبکہ طالبات کی طرف سے وزیراعلیٰ مریم نوازشریف کو روایتی بلوچ شال پہنائی گئی۔
اس موقع پر وزیراعلیٰ پنجاب مریم نواز نے کہاکہ ایک ہی سال میں پانچ سال کے پراجیکٹ اور پروگرام شروع کرا دیے ہیں، پہلے سرکاری نوازشریف کینسر اسپتال میں بلوچستان کے مریضوں کا بھی علاج ہوگا۔
وزیراعلیٰ پنجاب نے کہاکہ فیلڈ اسپتال میں لاکھوں لوگوں کو گھر کی دہلیز پر علاج کی سہولت میسر ہے، بچوں کے بروقت علاج کو یقینی بنانے کے لیے چلڈرن ہارٹ سرجری پروگرام شروع کیا گیا ہے۔
مریم نواز نے کہاکہ پنجاب بھر میں 150 مراکز صحت کو یورپی معیارکے مریم نواز کلینکس میں بدل دیا گیا ہے، ڈائیلاسز کارڈ کے ذریعے گردے کے امراض میں مبتلا مریضوں کا علاج اور ادویات کے لیے 10 لاکھ روپے ملیں گے۔
انہوں نے مزید کہاکہ پنجاب بھر میں 13 ہزار طلبہ کو اسکالر شپ دے رہے ہیں، ایک لاکھ لیپ ٹیپ دیں گے، بلوچستان کے طلبہ کو بھی ہونہار اسکالر شپ ملیں گے اور لیپ ٹاپ اسکیم میں شامل کیا جائے گا۔
انہوں نے کہاکہ دھی رانی پروگرام کے تحت اسپیشل افراد سمیت 1500 جوڑوں کی شادیاں سرکاری اخراجات پر ہوچکی ہیں، میں بہت اچھا ٹریکٹر چلاتی ہوں، کاشتکاروں کو 10 لاکھ روپے سبسڈی پر ٹریکٹر دے رہے ہیں۔
اس موقع پر وزیر اعلیٰ مریم نوازشریف کی ہدایت سینیئر وزیر مریم اورنگزیب اور صوبائی وزیر اطلاعات عظمیٰ بخاری نے بھی پنجاب میں جاری پراجیکٹس پر بریفنگ دی۔
بلوچستان کے کالجز سے آنے والی طالبات نے پنجاب میں جاری پروگرام اور پراجیکٹس کو سراہا۔ بلوچ طالبات نے کہاکہ پنجاب بلاشبہ باقی صوبوں سے ہر شعبہ میں آگے ہے۔ پنجاب میں ہیلتھ، ایجوکیشن اور دیگر شعبے دوسروں صوبوں سے بتدریج بہتر ہیں۔
یہ بھی پڑھیں پنجاب حکومت کا بڑا فیصلہ، صوبے بھر میں الیکٹرک بسیں کب چلائی جائیں گی؟
ایک بلوچ طالبہ نے کہاکہ بلوچستان میں 40، 50 روپے کی روٹی ملتی ہے، پنجاب میں 12، 13 روپے نرخ ہونے پر خوشی ہوئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلوچ طالبات بلوچستان پراجیکٹس تعریف مریم نواز وزیراعلٰی پنجاب وی نیوزذریعہ: WE News
کلیدی لفظ: بلوچ طالبات بلوچستان پراجیکٹس تعریف مریم نواز وی نیوز بلوچستان کے مختلف مریم نوازشریف طالبات اور مریم نواز نے کہاکہ
پڑھیں:
وَن ڈش کی خلاف ورزی پر وزیراعلیٰ پنجاب مریم نواز برہم
مریم نواز—فائل فوٹووزیرِ اعلیٰ پنجاب مریم نواز نے وَن ڈش کی خلاف ورزی کے واقعات پر اظہارِ برہمی کیا ہے۔
اپنے ایک بیان میں وزیرِ اعلیٰ پنجاب مریم نواز نے انتظامیہ کو متعلقہ علاقوں میں وَن ڈش کی پابندی کی کڑی مانیٹرنگ کا حکم دے دیا۔
مریم نواز نے کہا کہ وَن ڈش پر پابندی کا اطلاق فارم ہاؤسز اور نجی پراپرٹیز میں شادی کی تقریبات پر بھی ہو گا جبکہ وَن ڈش کی خلاف ورزی سامنے آنے پر متعلقہ ڈپٹی کمشنر ذمے دار سمجھا جائے گا۔
وزیراعلیٰ پنجاب مریم نواز نے سپر سیڈرز کے نتائج پر اظہار اطمینان کرتے ہوئے کہا ہے کہ صوبے کو جدید زرعی ٹیکنالوجی کا مرکز بنانا ہمارا عزم ہے۔
وزیرِ اعلیٰ پنجاب نے وَن ڈش کی خلاف ورزی پر جرمانے اور قواعد کے مطابق کارروائی کی ہدایت کی اور کہا کہ وَن ڈش کی خلاف ورزی استطاعت نہ رکھنے والے والدین پر مالی بوجھ بنتی ہے۔
انہوں نے یہ بھی کہا کہ شادی کی تقریبات میں ایک سے زیادہ ڈِشز کے منفی سماجی اثرات سامنے آتے ہیں، انتظامیہ متعلقہ علاقوں میں وَن ڈش پر پابندی ہر صورت یقینی بنائے۔
میرے کھلے خطوط وہ حقائق ہیں ،جن پر اسٹیبلشمنٹ کو غور کرنا چاہیے،عمران خان