فلم ’صنم تیری قسم 2‘ کی ہیروئن شردھا کپور ہوں گی؟
اشاعت کی تاریخ: 19th, February 2025 GMT
9 سال بعد ری ریلیز ہونے پر بلاک بسٹر ثابت ہونے والی بالی ووڈ فلم ’صنم تیری قسم‘ کے سیکوئل میں اداکارہ شردھا کپور کو کاسٹ کیے جانے کا امکان ہے۔
بھارتی میڈیا ’انسٹنٹ بالی ووڈ‘ کے مطابق ’صنم تیری قسم 2‘ کے لیے تاحال مرکزی کاسٹ کا نام سامنے نہیں آیا ہے۔
حال ہی میں فلم کی ہدایت کار جوڑی رادھیکا راؤ اور ونے سپرو نے ایک انٹرویو کے دوران اشارہ دیا ہے کہ صنم تیری قسم کے سیکوئل میں عوام کے مطالبے پر اداکارہ شردھا کپور کو کاسٹ کیا جا سکتا ہے۔
رادھیکا راؤ اور ونے سپرو نے ’انسٹنٹ بالی ووڈ‘ کی جانب سے لیے گئے انٹرویو میں فلم کے سیکوئل کی ریلیز سے لے کر کاسٹ تک بات کی۔
ہدایت کار جوڑی کا کہنا ہے کہ فلم ’صنم تیری قسم 2‘ آئندہ سال ویلنٹائن ڈے پر 14 فروری کو ہر حال میں ریلیز کی جائے گی۔
کاسٹ سے متعلق پوچھے گئے سوال کے جواب میں ہدایت کار نے کہا کہ ہم ابھی ہیروئن سے متعلق انکشاف نہیں کر سکتے۔
دوسری جانب فلم کے ہدا یت کار ونے سپرو اور رادھیکا راؤ نے مداحوں کی خواہشات اور سوالوں کے جواب میں کہا ہے کہ اداکارہ شردھا کپور کو اپنی فلم کے سیکوئل میں لینے کے لیے بالکل تیار ہیں۔
ہدایت کارہ رادھیکا راؤ نے میزبان کو مخاطب کرتے ہوئے کہا کہ عوام کا یہ مطالبہ شردھا کپور تک پہنچا دیں، ہم بہت خوش ہوں گے کہ شردھا کپور اس فلم کے سیکوئل کا حصہ بنیں۔
.ذریعہ: Daily Mumtaz
کلیدی لفظ: صنم تیری قسم شردھا کپور کے سیکوئل ہدایت کار فلم کے
پڑھیں:
بالی وڈ اداکارہ کرینہ کپور کا کراچی کی تقریب میں رقص، ویڈیو نے انٹرنیٹ پر تہلکہ مچا دیا۔
کراچی میں منعقد ہونے والی ایک رنگارنگ ریو پارٹی کے دوران بالی وڈ اداکارہ کرینہ کپور خان کے اینیمیٹڈ اوتار پر مبنی ایک ویڈیو نے انٹرنیٹ پر تہلکہ مچا دیا۔ایک رپورٹ کے مطابق انسٹاگرام پر یہ ویڈیو پارٹی کے منتظم اور ڈی جے شاٹ باکس نے شیئر کی جس میں کرینہ کا ڈیجیٹل روپ متحرک انداز میں رقص کرتے ہوئے دکھائی دیتا ہے۔منفرد اور غیر معمولی انداز کی اس پیشکش نے دیکھتے ہی دیکھتے صارفین کی توجہ حاصل کر لی اور سوشل میڈیا پلیٹ فارمز پر تیزی سے وائرل ہو گئی۔پی او وی، آپ کراچی، پاکستان میں ایک ریو پارٹی میں ہیں اور کرینہ کپور آپ کے سامنے ڈانس کرنا شروع کر دیتی ہیں۔اس کے بعدسکرین پر کرینہ کپور کا ایک اینیمیٹڈ اوتار نمودار ہوتا ہے جو مغربی لباس میں ملبوس، پونی ٹیل باندھے، تیز میوزک کی دھن پر پرجوش انداز میں رقص کرتا ہے۔جہاں پاکستان میں یہ ویڈیو خاصی مقبولیت حاصل کر چکی ہے، وہیں بھارت میں اداکارہ کے مداحوں نے اس پرملاجلا ردعمل دیا ہے۔کچھ صارفین نے اسے تفریحی قرار دیا جبکہ متعدد افراد نے اینیمیشن کے معیار اور اداکارہ کی مشابہت نہ ہونے پر ناپسندیدگی کا اظہار کیا۔ایک بھارتی صارف نے تبصرہ کیاکہ یہ اینیمیشن بہت بری ہے اور وہ اتنی عجیب کیوں لگ رہی ہے جیسے آفس جا رہی ہو؟دوسرے نے لکھاکہ ٹریک اور اینیمیشن دونوں کو بہتر بنانے کی ضرورت ہے، یہ دونوں بہت ایوریج لگ رہے ہیںجبکہ ایک تیسرے صارف نے واضح طور پر کہاکہ بالکل نہیں، یہ کرینہ کپور نہیں ہے۔کئی صارفین نے ہنسی کے ایموجیز کے ذریعے ویڈیو کو مضحکہ خیز قرار دیا ۔
خلیل الرحمان ہنی ٹریپ کیس کی سماعت کل تک ملتوی