کراچی میں واٹر ٹینکر سے کچل کر ایک اور شہری جاں بحق، مشتعل افراد نے 5 ٹینکروں کو جلا دیا
اشاعت کی تاریخ: 17th, February 2025 GMT
کراچی: شہرقائد میں ہوی ٹریفک سے حادثات کا سلسلہ تھم نہ سکا، جیل چورنگی سے حسن اسکوائر جانے والے روڈ پر واٹر ٹینکر نے موٹر سائیکل سوار کو کچل دیا، مشتعل افراد نے پانچ ٹینکر جلا دیئے۔
پولیس کے مطابق جیل چورنگی سے حسن اسکوائر جانے والی سڑک پر ہونے والے حادثے میں موٹر سائیکل سوار موقع پر ہی جاں بحق ہوگیا۔نامعلوم مشتعل افراد نے واقعہ کے بعد 5 واٹر ٹینکروں کو آگ لگا دی ، پولیس اور ریسکیو ٹیمیں جائے وقوعہ پر پہنچ گئیں۔
ریسکیو حکام کے ریکارڈ کے مطابق شہر میں رواں سال ہونے والے مختلف ٹریفک حادثات میں 45 دنوں میں 107 افراد جاں بحق ہوئے، جاں بحق ہونے والے 107 افراد میں مرد، خواتین اور بچے شامل ہیں۔
ذرائع کے مطابق رواں سال اب تک 78 مرد ٹریفک حادثات میں جاں بحق ہوئے، بے ہنگم اور بے قابو ٹریفک نے 14 خواتین کی جان لے لی جبکہ ٹریفک حادثات میں معصوم بچے بھی محفوظ نہ رہے۔
مختلف ٹریفک حادثات کے دوران 11 بچے اور 4 بچیاں جاں بحق ہوئیں، اس کے علاوہ ٹریفک پولیس کی غفلت اور لاپرواہی کے باعث 15 کے قریب شہری زخمی ہوئے ہیں۔
.ذریعہ: Jasarat News
کلیدی لفظ: ٹریفک حادثات
پڑھیں:
ٹینکر حادثات پر سیاسی بیان بازی نہ کی جائے، شرجیل میمن
سندھ کے سینئر وزیر شرجیل میمن نے کہا ہے کہ ٹینکر حادثات پر سیاسی بیان بازی نہیں کرنی چاہیے۔
شرجیل میمن نے ایم کیو ایم کے سینئر رہنما فاروق ستار، اے این پی کے شاہی سید اور ٹرانسپورٹر رہنمالیاقت محسودکے ہمراہ پریس کانفرنس کی۔
انہوں نے کہا کہ آج تمام جماعتوں کے اجلاس میں مختلف مسائل بالخصوص ٹریفک حادثات پر گفتگو ہوئی، اجلاس میں ٹرانسپورٹروں کے نمائندوں نے بھی شرکت کی۔
متحدہ قومی مومنٹ (ایم کیو ایم) کے مرکزی رہنما اور سینئر سیاستدان فاروق ستار کو وزیراطلاعات سندھ شرجیل میمن نے پریس کانفرنس کے دوران ٹوک دیا ۔
شرجیل میمن نے مزید کہا کہ گزشتہ روز حادثے کے ذمے دار واٹر ٹینکر ڈرائیور کو گرفتار کرلیا گیا ہے، جلاؤ گھیراؤ میں ملوث 15 افراد بھی زیر حراست ہیں۔
اُن کا کہنا تھا کہ یہ پہلی میٹنگ نہیں تھی پہلے بھی ہوتی رہی ہیں، ان واقعات پر ہم سب کو سیاسی بیان بازی نہیں کرنی چاہیے، چاہتے ہیں کہ کراچی کا امن برقرار رہے۔
صوبائی وزیر نے یہ بھی کہا کہ وزیراعلیٰ سندھ کی ہدایت پر اجلاس کی صدارت کی۔ سید مراد علی شاہ نے کل جیل روڈ فلائی اوور کے قریب ہونے والے واقعے پر برہمی کا اظہار کیا۔
اُنہوں نے کہا کہ کسی کو بھی قانون ہاتھ میں لینے کی اجازت نہیں دی جائے گی، شہریوں، تاجروں، ٹرانسورٹرز کے جان و مال کا تحفظ حکومت کی اولین ترجیح ہے۔
شرجیل میمن نے کہا کہ ہر انسان کی جان بہت اہم ہے، حادثات نہیں ہونے چاہئیں، ایم کیو ایم، جماعت اسلامی، اے این پی نے بھی کہا کہ یہ حادثات لسانی معاملہ نہیں۔
اُن کا کہنا تھا کہ حادثات میں ملوث ڈرائیورز کو پولیس گرفتار کرتی ہے، یا تو یہ واقعات ابھی زیادہ ہورہے ہیں یا اس وقت ان کو زیادہ کوریج دی جارہی ہے۔
صوبائی وزیر اطلاعات نے کہا کہ حادثات ہوتے رہے ہیں مگر کچھ دن سے ان حادثات کی خاص کوریج کی جارہی ہے، ہم چاہتے ہیں شہر کا امن و امان برقرار رہے۔
انہوں نے کہا کہ کسی سیاسی جماعت یا ٹرانسپورٹرز کے بیان سے کوئی تیسری قوت فائدہ نہ اٹھالے، ہم سب ساتھ ہیں مسئلہ کو مسئلہ کے طور پر دیکھا جائے گا، الگ رنگ نہیں دیا جائے گا۔
شرجیل میمن نے کہا کہ ٹرانسپورٹرز سے بھی کہا ہے بیانات جاری کرتے وقت احتیاط کریں، حادثات پر قابو پانا حکومت کے لیے چیلنج ہے، سب سے زیادہ ہیوی ٹریفک کراچی میں ہے۔
اُن کا کہنا تھا کہ کراچی میں ٹریفک حادثات کی شرح دیگر شہروں سے کم ہے، ہماری کوشش ہے ایک بھی حادثہ نہ ہو، ہیوی ٹریفک کو بند نہیں کرسکتے ورنہ ملک بھر میں درآمدات و برآمدات متاثر ہوں گی۔
صوبائی وزیر نے کہا کہ اب کوئی شرانگیزی کرے گا تو گرفتار ہوگا، عوام بھی شر پسندوں کی باتوں میں نہ آئیں۔ جو لوگ حادثات میں ملوث ہیں ان میں سے کئی جیلوں میں ہیں۔
شرجیل میمن نے کہا کہ کل پارکنگ ختم کرنے کا پہلا دن تھا جو پارکنگ قائم رکھے گا اس کے خلاف کارروائی ہوگی، اب کوئی پرتشدد کارروائی نہیں ہوگی جو کرے گا اس کے خلاف کارروائی ہوگی۔
ذرائع کے مطابق دوران اجلاس شرجیل میمن نے کہا کہ کراچی میں غیر ملکی ٹیم موجود تھی، بہت عرصے بعد کراچی میں میچ ہونے جا رہے ہیں۔
پنکج ترپاٹھی کی تصویر پولیس کے ’’وانٹڈ بورڈ‘‘ پر؛ ماجرا کیا ہے؟