کراچی؛ شارع نورجہاں پولیس کے ہاتھوں گرفتار ڈاکوؤں کا 300 وارداتوں کا اعتراف
اشاعت کی تاریخ: 17th, February 2025 GMT
کراچی:
شارع نور جہاں پولیس کے ہاتھوں 15 لاکھ روپے ڈکیتی کے الزام میں گرفتار ڈاکوؤں کے سنسنی خیز ویڈیو بیانات سوشل میڈیا پر وائرل ہوگئے جس میں وہ ڈکیتی کی 300 کے قریب وارداتوں کا انکشاف کر رہے ہیں۔
اس حوالے سے ایس ایچ او شارع نور جہان عابد شاہ نے بتایا کہ پولیس نے نارتھ ناظم آباد نصرت بھٹو کالونی کے قریب 2 ڈاکوؤں سلمان اور سفیان کو گرفتار کر کے 2 پستول اور گلبہار تھانے کی حدود سے چھینی گئی 70 موٹر سائیکل برآمد کی تھی ، گرفتار ڈاکوؤں نے اپنے دیگر ساتھیوں دلاور،احتشام اوراس کے دوست کے ہمراہ چند ہفتے قبل تیموریہ کے علاقے میں بیٹری کی دکان کے مالک سے 15 لاکھ روپے نقد چھیننے تھے جو بینک جمع کرانے جا رہا تھا۔
گرفتار ڈاکو سلمان پولیس کو اپنے ویڈیو بیان میں بتا رہا ہے کہ ناگن کے قریب بیٹری والے سے 15 لاکھ روپے چھینے تھے جس میں سفیان ، دلاور ، احتشام اور اس کا دوست بھی شامل تھے ، پولیس کی جانب سے کیے جانے والے ایک سوال کے جواب میں گرفتار ڈکیت نے 300 کے قریب ڈکیتی کے وارداتوں کا اعتراف کیا ہے جبکہ اپنے والد اور بھائی کے جیل سے باہر آنے سے متعلق بھی بتایا ہے۔
گرفتار ڈکیت سلمان نے بتایا کہ سفیان اور احتشام ٹارگٹ کی نشاندہی کرتے تھے جبکہ گرفتار ڈاکو ناظم آباد کا رہائشی ہے سفیان بینک کے اندر اور احتشام بینک کے باہر سے نشاندہی کرتا تھا ، شارع نور جہاں پولیس کے ہاتھوں گرفتار دوسرے ڈاکو سفیان نے ویڈیو بیان میں بتایا کہ بیٹری والے سے لوٹی گئی 15 لاکھ نقدی میں سے 7 لاکھ احتشام نے نکال لیے تھے جبکہ میرے حصے میں ایک لاکھ 20 ہزار آئے تھے۔
دوران ویڈیو ملزم نے پولیس کے سوال پر بتایا کہ لوٹ مار سے ملنے والے پیسے جوئے میں ہارے ، گھر کے کرائے ، بہن کی شادی اور اسپتال میں خرچ ہوئے جبکہ سفیان نیو کراچی کا رہائشی ہے اور اس نے بھی دوران تفتیش ویڈیو بیان میں ڈکیتی کی 250 سے 300 وارداتوں کا اعتراف کیا ہے۔
عابد شاہ کے مطابق گرفتار ڈاکوؤں کے دیگر 3 ساتھیوں دلاور، احتشام اوراس نامعلوم دوست کی گرفتاری کے لیے کوششیں کی جارہی ہیں ۔
.ذریعہ: Express News
کلیدی لفظ: وارداتوں کا پولیس کے بتایا کہ ڈاکوو ں کے قریب
پڑھیں:
کراچی، جعلی سرکاری افسر ظاہر کرنے والا ملزم گرفتار، سیکیورٹی گارڈ بھی شامل
شہر قائد کے تھانہ گارڈن کی حدود میں پولیس نے خود کو سرکاری افسر ظاہر کرنے والے ایک ملزم کو سیکیورٹی گارڈ کے ہمراہ گرفتار کر لیا۔
پولیس نے ملزمان سے جعلی سرکاری نمبر پلیٹ والی گاڑی اور ایک رائفل برآمد کی ہے، جس پر مقدمہ درج کر لیا گیا ہے، ملزمان کی شناخت بابر خان اور نبی بخش کے نام سے ہوئی ہے۔
ملزم بابر خان خود کو سرکاری افسر ظاہر کرنے کی کوشش کر رہا تھا، مگر پولیس کی تفتیش میں وہ اپنے دعووں کے مطابق دستاویزات فراہم کرنے میں ناکام رہا۔
مزید تفتیش سے یہ بھی معلوم ہوا کہ ملزم کی جعلی سرکاری نمبر والی گاڑی میں سائرن اور ریوالونگ لائٹ بھی نصب کی گئی تھی، جو اسے سرکاری افسر کے طور پر ظاہر کرنے کے لیے استعمال کی جا رہی تھی۔
پنکج ترپاٹھی کی تصویر پولیس کے ’’وانٹڈ بورڈ‘‘ پر؛ ماجرا کیا ہے؟