لاہور جمخانہ۔ سلمان ،مصباح پینل کی جیت
اشاعت کی تاریخ: 17th, February 2025 GMT
محمدپرویز مسعود کئی بار پنجاب کے چیف سیکرٹری اور چیئرمین لاہور جمخانہ کلب رہے ہیں، وہ چیف سیکرٹری تھے تو ان کا دفتر ہر خاص و عام کے لئے کھلا رہتا تھا ،ان کا رعب اور دبدبہ بہت زیادہ تھا مگر ان کی شفقت بھی دیدنی ہوتی تھی ،ملنے والے افسروں اور لوگوں کی بات سنتے ، کئی افسروں کو ڈانٹ پلاتے مگر کام کا مثبت پہلو نکالتے،اب ان جیسے افسر اور انسان چراغ لے کر بھی ڈھونڈیں تو کم ہی ملیں گے،نوے کی دہائی میں نوائے وقت کی طرف سے میں ، بیوروکریسی، اسٹیبلشمنٹ او ر سول سیکرٹریٹ کے امور کی رپورٹنگ پر مامورتھا اور ہفتے میں کئی بار ان سے ملنا،ان کے دفتر میں کافی پینا میرا معمول تھا،بہت شفقت کرتے ،میرے سوالات کا بڑے پیار سے جواب دیتے۔ایک دفعہ میں نے پوچھا سر ،سینئر وفاقی افسران پنجاب سے مرکز یا دوسرے صوبوں میں جانا کیوں پسند نہیں کرتے حالانکہ یہ ان کی سروس کا حصہ ہے تو ہنستے ہوئے کہنے لگے کہ اسکی تین وجوہات ہیں ،لاہور جمخانہ کلب،ایچیسن کالج اور جی او آرز،اب شاید حالات بدل چکے ہیں مگر جمخانہ کلب کی اہمیت اور چارم اب بھی سر چڑھ کر بول رہا ہے۔
آپ دیہات میں چلے جائیں تو وہاں ’’ڈیرہ‘‘ سسٹم ہوتا ہے،جہاں لوگ مل بیٹھ کر خوش گپیاں، مختلف سرگرمیاں اور بسا اوقات وقت گزاری کرتے ہیں، جبکہ شہر میں یہی ڈیرہ سسٹم ’’کلب‘‘ میں بدل جاتا ہے۔ مقصد دونوں کا ایک ہی ہوتا ہے، صرف سہولیات میں کمی بیشی ہوتی ہے۔ ہر شہر میں چھوٹے بڑے کلب موجود ہیں، مثلاََ لاہور جیسے تاریخی شہر میں جمخانہ کلب، رائل پام گالف اینڈ کنٹری کلب، ائیر فورس کلب، گریژن کنٹری کلب اور پریس کلب میں ہمہ وقت رونقیں بحال رہتی ہیںمگر لاہور جمخانہ کلب کی بات ہی اور ہے ، کلب کا ممبر ہونے کے ناتے ، دوستوں اور فیملی کے ساتھ ہفتے میں دو چار دن یہاں آنا ہی ہوتا ہے، لیکن گزشتہ ایک ماہ سے آنا جانا زیادہ لگا رہا جس کی بڑی وجہ یہاں کے سالانہ الیکشن تھے۔اس بار بھی یہ انتخاب بہت پرامن ہوا جس میں عدلیہ ،بیوروکریسی ،صنعت و تجارت ،سیاست اور دیگر شعبوں کی ممبر شخصیات نے ووٹ ڈالا، فتح سلمان صدیق و میاں مصبا ح گروپ کا مقدر ٹھہر ی اور سلمان صدیق ایک بار پھر چیئرمین لاہور جمخانہ منتخب ہوگئے ، سلمان صدیق سب سے پہلے اس وقت لاہور جمخانہ کے چیئرمین بنے تھے جب وہ چیف سیکرٹری پنجاب تھے اور انہوں نے اس تاریخی کلب پر چھائے ہوئے جمود کو نہ صرف توڑا بلکہ اسے ایک حد تک عوامی ٹچ بھی دیا،ان سے پہلے اس کلب کی ممبرشپ بیوروکریٹس اور چند بڑے خاندانوں تک محدود تھی عام لوگوں کے لئے یہ ایک شجر ممنوعہ تھی اور لوگ اس کے پاس سے گزرتے ہوئے اسے کوئی دوسری ہی دنیا سمجھتے تھے۔اس کلب کے ہرچیئرمین نے اپنی بساط کے مطابق کلب کو بہتر بنایا ،میاں مصباح الرحمنٰ،کامران لاشاری ،ڈاکٹر جواد اور دوسرے بے شمار نام اس میں شامل ہیں۔حالیہ الیکشن سے پہلے کلب ممبرز میں سلمان صدیق کو ایک بار پھر لانے کی ایک تحریک تھی اور کہا جا رہا تھا کہ اس کلب کو سلمان صدیق کی ضرورت ہے ،سلمان صدیق کو اس کلب کی چیئرمینی کی ضرورت نہیں ہے۔کلب ممبرز نے اس بات کو سچ ثابت کیا اور ایک بار پھر ان کے گروپ کو بڑی اکثریت دی اور بارہ میں سے ان کے دس امیدوار جیت گئے ،وہ قابل اور کرشماتی شخصیت کے مالک جبکہ میاں مصباح کا ساتھ سونے پہ سہاگہ ہے، اْمید ہے دونوں پہلے کی طرح اس کلب اور ممبران کے لیے مثبت اقدامات اٹھاتے رہیں گے۔سلمان صدیق ایک محبت اور شفقت کرنے والے اچھے انسان ہیں،وہ پنجاب میں ڈپٹی کمشنر،کمشنر،سیکرٹری رہے مگر انہوں نے چیف سیکرٹری اور چیئرمین جمخانہ کی حیثیت سے بہت عزت سمیٹی ، الیکشن میں ان سمیت جیتنے والے واجد عزیزخان، میاں مصباح الرحمنٰ، سرمد ندیم،میاں پرویز بھنڈارہ، سمیرا نذیر،سردار قاسم فاروق،خواجہ عمران زبیر،میاں وقار الدین اور شوکت جاوید کا تعلق سلمان صدیق/میاں مصباح پینل سے ہے جبکہ ڈاکٹر علی رزاق اورقمر خان بوبی کا تعلق ڈاکٹر علی رزاق پینل سے ہے۔ ڈاکٹر علی رزاق نے اس الیکشن میں بھی سب سے زیادہ ووٹ لینے کا ریکارڈ برقرار رکھا ہے ،وہ گزشتہ الیکشن میں سلمان صدیق/میاں مصباح پینل کے ساتھ تھے اور انہوں نے سب سے زیادہ ووٹ حاصل کیے تھے ،ان کے کچھ دوستوں نے انہیں یہ باور کرایا تھا کہ وہ بڑے مقبول ہیں اب انہیں چیئرمین کا امیدوار ہونا چاہیے اور انہوں نے اپنا نیا گروپ بنا لیا ،وہ خود تو ایک بار پھر سب سے زیادہ ووٹ لے گئے مگر اپنے گروپ کو نہ جتوا سکے اور ان کے حصے میں بارہ میں سے دو ممبرز ہی آئے،انہوں نے کلب میں تبدیلی کا نعرہ لگایا تھا مگر ان کا یہ نعرہ قبولیت نہ پا سکا،جبکہ ان کے سپورٹرز کا کہنا ہے کہ انہوں نے سٹیٹس کو ختم کرنے کے لئے پہلی اینٹ رکھ دی ہے جس کے ثمرات آئندہ برسوں میں سامنے آئیں گے۔سلمان صدیق نے کہا ہے کہ ان کا پینل سینئرز اور جونیئرز کا بہترین امتزاج ہے جو کلب کی بہتری اور ممبرز کی فلاح کے لئے کام کرے گا ،ان کا یہ بھی کہنا ہے کہ وہ سب کو ساتھ لے کر چلیں گے ،میاں مصباح الرحمن نے کہا کہ لاہور جمخانہ ایشیا کا سب سے بہترین کلب ہے ان کا گروپ اسے مزید بہتری کی طرف لے کر جائے گا۔
جمخانہ اور اس کی تاریخ کے حوالے سے بات کریں تو اس وقت پورے پاکستان میں اس سے بہتر کلب نہیں ملے گا ، ویسے تو یہ کلب انگریز دور میں یعنی 1878ء میں بطور سپورٹس کلب بنایا گیا تھا، جس میں گالف، سوئمنگ، کرکٹ، سکواش، ٹینس، سنوکراور جم وغیرہ جیسی سہولیات رکھی گئیں، لیکن 1906ء میں یہ جمخانہ کلب میں بدل گیا، 1981ء میں اس کی نئی عمارت کی تعمیر و مرمت کا کام شروع ہوا۔اس کی تاریخی اہمیت کا اندازہ اس بات سے لگا لیں کہ یہ کلب پاکستان میں ہی نہیں بلکہ بھارت کے لیے بھی خاص اہمیت رکھتا ہے، جیسے6ستمبر 1965 ء کی صبح منہ اندھیرے بھارت نے پاکستان پر حملہ کیا تو اس خوش فہمی میں بھارتی افواج کے کمانڈر انچیف نے یہ اعلان کر دیا کہ وہ آج لاہور جمخانہ میں محفل سجائیںگے۔ مگر صرف ایک سو دس جوانوں نے لاہور پر قبضہ کرنے والا وہ بھارتی خواب ہی ملیا میٹ کر دیا۔
آج اس کلب میں سات آٹھ ریستوران ہیں، ورزش کے لیے بہترین Gym ہے، 18ہولز کا گولف کورس، ٹینس کورٹس ، سوئمنگ پول ،کارڈ ز روم اور بلیئرڈ روم ہے،ان کے علاوہ بھی مثالی سہولیات ہیں،عمر رسیدہ ممبران نے کلب کو سیکنڈ ہوم کا درجہ دے رکھا ہے، وہ دوپہر کو یہاں آ کر رات گئے گھروں کو لوٹتے ہیں۔جمخانہ گولف کلب دنیا کے بہترین گولف کورسز میں سے ایک ہے، کرکٹ گراؤنڈ پاکستان کی سب سے پرانی اور برصغیر کی دوسری سب سے پرانی گراؤنڈ مانی جاتی ہے،اس گراؤنڈ کو باقاعدہ ٹیسٹ سنٹر کا اعزاز اس وقت حاصل ہوا جب 1955ء میں پاکستان اور انڈیا کی ٹیموں کے درمیان ٹیسٹ میچ کھیلا گیا، اْمید ہے سلمان صدیق کی قیادت میں نئی منتخب شدہ باڈی اس کلب کی اہمیت اور خوشبو کو برقرار رکھے گی۔
.ذریعہ: Nai Baat
کلیدی لفظ: لاہور جمخانہ چیف سیکرٹری ایک بار پھر میاں مصباح جمخانہ کلب انہوں نے کلب میں کلب کی اس کلب اور ان کے لئے
پڑھیں:
وزیراعظم شہباز شریف میاں نواز شریف سے ملاقات کے لئے ایون فیلڈ پہنچ گئے
لندن (ڈیلی پاکستان آن لائن )وزیراعظم شہباز شریف نے لندن میں میڈیا سے گفتگو کرتے ہوئے کہا کہ ہماری منزل تیزی سے ترقی کرتا پاکستان ہے، بیلاروس میں زراعت سمیت مختلف امور پربات ہوئی ہے۔
نجی ٹی وی آج نیوز کے مطابق وزیراعظم شہباز شریف قائد مسلم لیگ ن میاں نواز شریف سے ملاقات کے لئے ایون فیلڈ پہنچ گئے۔ لندن پہنچنے پر میڈیا سے گفتگو کرتے ہوئے شہباز شریف کا کہنا تھا کہ بیلاروس کا دورہ نہایت ہی کامیاب رہا، اپنے دورے کے دوران وہاں کی فیکٹریوں کا معائنہ کیا۔
انہوں نے کہا کہ معدنیات کے حوالے سے مشینری بھی بیلا روس میں بنتی ہے،اللہ تعالیٰ نے پاکستان کو معدنیات کے خزانے سے نوازا ہے، وہاں کی زراعت کی مہارت سے ہم بھی فائدہ اٹھائیں گے۔
وزیراعظم نے مزید کہا کہ بیلاروس زراعت کے حوالے سے خصوصی تعاون کرے گا، دورے کے دوران وہاں مختلف شعبوں کے افراد سے ہماری سیر حاصل گفتگو ہوئی ہے۔
شہباز شریف کا کہنا تھا کہ ڈیڑھ لاکھ نوجوانوں کو بیلا روس میں روزگار ملے گا، میاں نوازشریف کی قیادت میں ملک وقوم کی خدمت کررہا ہوں ، تیزی سے ترقی کرتا پاکستان ہماری منزل ہے۔
انہوں نے کہا کہ افغان حکومت دہشت گردوں کے لگام دے، دہشت گرد تنظیمیں افغانستان سے آپریٹ ہو رہی ہیں،انہوں نے کہا کہ افغانستان پرمنحصرہے کہ ہمسایہ کی طرح رہنا ہے یاتنازعات کےساتھ؟
روس نے یوکرین پر بیلسٹک میزائل داغ دیا، سڑک پر ہر طرف لاشیں ، اتنی ہلاکتیں کہ آپ کو بھی افسوس ہوگا
مزید :
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا