ٹرمپ کی نئی صف بندیاں اور پاکستان
اشاعت کی تاریخ: 15th, February 2025 GMT
امریکی صدر ڈونلڈ ٹرمپ نے بدھ 12 فروری 2025 کو انکشاف کیا کہ انہوں نے روسی صدر ولادیمیر پوٹن سے فون پر طویل بات چیت کی، جس کے نتیجے میں روس نے یوکرین کے ساتھ جنگ کے خاتمے کےلیے مذاکرات پر آمادگی ظاہر کی۔
یہ ایک غیر معمولی پیش رفت ہے کیونکہ اب تک کی صورتحال میں روس اپنی شرائط پر ہی امن قائم کرنے کا خواہاں رہا ہے، جبکہ یوکرین مغربی حمایت پر بھروسہ کرتے ہوئے جنگ کو طول دینے کی کوشش کرتا رہا ہے۔ ایسے میں ٹرمپ اور پوٹن کے درمیان براہ راست مذاکرات اس تنازع کے مستقبل کے حوالے سے نئے سوالات کو جنم دیتے ہیں۔ یہ فون کال نہ صرف یوکرین کےلیے ایک دھچکا ہے بلکہ اس سے نیٹو کے کردار پر بھی سوال اٹھتا ہے۔
ڈونلڈ ٹرمپ نے واضح الفاظ میں یوکرین کی نیٹو میں شمولیت پر شک کا اظہار کیا ہے، جو اس امر کی جانب اشارہ کرتا ہے کہ امریکہ نیٹو کے ذریعے یوکرین کو مکمل تحفظ فراہم کرنے کےلیے تیار نہیں ہے۔ یہ بیان امریکا اور یورپی اتحادیوں کے درمیان اختلافات کو بڑھا سکتا ہے، کیونکہ نیٹو ممالک یوکرین کی حمایت جاری رکھنے کے حق میں ہیں۔
ڈونلڈ ٹرمپ ہمیشہ سے نیٹو پر امریکا کے بڑھتے ہوئے مالی بوجھ کے خلاف آواز اٹھاتے رہے ہیں۔ ان کے سابقہ دور صدارت میں بھی نیٹو کے اخراجات میں کمی کی کوشش کی گئی تھی، اور اب جب کہ وہ دوبارہ صدر بن چکے ہیں، ان کی پالیسی ایک بار پھر اسی سمت جاتی دکھائی دے رہی ہے۔ اس کا براہ راست اثر یوکرین پر پڑے گا، کیونکہ اگر امریکا نے نیٹو کے ذریعے مکمل تحفظ کی یقین دہانی سے انکار کردیا تو دیگر یورپی ممالک کےلیے یوکرین کی مدد جاری رکھنا مشکل ہوجائے گا۔
روسی صدر پوٹن کی مذاکرات پر آمادگی بظاہر ایک مثبت قدم معلوم ہوتی ہے، مگر اس کے پیچھے روس کے مخصوص اہداف بھی ہوسکتے ہیں۔ روس شاید اس وقت جنگ بندی پر اس لیے آمادہ ہورہا ہے کیونکہ اسے احساس ہوچکا ہے کہ مغربی ممالک کی مسلسل مدد یوکرین کو غیر متوقع طور پر زیادہ دیر تک لڑنے کی صلاحیت دے رہی ہے۔ لیکن سوال یہ ہے کہ کیا پوٹن واقعی امن چاہتے ہیں، یا یہ محض ایک سفارتی چال ہے تاکہ وقتی طور پر جنگ بندی ہو، اور روس خود کو دوبارہ منظم کرسکے؟
اسی دوران بھارتی وزیراعظم نریندر مودی کا امریکا کا دورہ بھی عالمی سیاست میں انتہائی اہمیت رکھتا ہے۔ مودی اور ٹرمپ کے درمیان تعلقات ہمیشہ سے گرمجوش رہے ہیں، اور اب جب کہ ٹرمپ دوبارہ وائٹ ہاؤس میں ہیں، دونوں ممالک کے درمیان تعلقات مزید مضبوط ہونے کا امکان ہے۔ امریکا، بھارت کو چین کے خلاف ایک اہم اتحادی تصور کرتا ہے، اور اس کے نتیجے میں بھارت کو کئی اقتصادی اور دفاعی فوائد حاصل ہوسکتے ہیں۔
یہ صورتحال پاکستان کےلیے خاصی پیچیدہ ہوسکتی ہے۔ بھارت اور امریکا کے درمیان بڑھتی ہوئی قربت کا براہ راست مطلب یہ ہے کہ واشنگٹن کےلیے پاکستان کی اہمیت کم ہورہی ہے۔ حالیہ برسوں میں بھارت نے خود کو مغربی دنیا کے ایک بڑے اقتصادی اور اسٹرٹیجک پارٹنر کے طور پر منوایا ہے، جبکہ پاکستان اپنی سفارت کاری میں وہ کامیابی حاصل نہیں کرسکا جو اسے عالمی سیاست میں ایک نمایاں مقام دے سکے۔
اگر ہم عالمی سطح پر رونما ہونے والے ان واقعات کے تناظر میں پاکستان کے سفارتی مقام کا جائزہ لیں تو صورتِ حال زیادہ حوصلہ افزا نہیں ہے۔ اب تک کسی بھی پاکستانی اعلیٰ سطح کے رہنما کا امریکی قیادت سے کوئی باضابطہ رابطہ نہیں ہوسکا ہے۔ یہ ایک تشویشناک امر ہے کیونکہ جب دنیا کے بڑے ممالک جیسے روس، یوکرین، چین اور بھارت امریکی پالیسی میں کلیدی حیثیت رکھتے ہیں، تو پاکستان کی عدم موجودگی ایک بڑا سوالیہ نشان پیدا کرتی ہے۔
یہ سوال اہم ہے کہ آیا یہ مسئلہ پاکستان کی بیوروکریسی اور سفارتی پالیسی کی کمزوری ہے یا امریکا کی جانب سے پاکستان کو نظر انداز کرنے کی حکمت عملی کا حصہ؟ اگر ہم سفارتی ناکامی کی بات کریں تو یہ حقیقت ہے کہ پاکستان کو اپنی خارجہ پالیسی میں ایک متحرک اور جدید حکمت عملی اپنانے کی ضرورت ہے۔ سفارتی تعلقات محض رسمی بیانات سے نہیں بلکہ مسلسل روابط اور مؤثر پالیسی سے مضبوط ہوتے ہیں۔
افغانستان کا معاملہ امریکی خارجہ پالیسی میں ہمیشہ ایک اہم مسئلہ رہا ہے، لیکن حالیہ دنوں میں اس حوالے سے بھی پاکستان کے کردار پر کوئی خاص توجہ نہیں دی جارہی۔ امریکا کےلیے افغانستان کی صورتحال اب اس طرح اہمیت نہیں رکھتی جیسا کہ ماضی میں تھی، اور شاید یہی وجہ ہے کہ پاکستان کے ساتھ براہ راست رابطوں میں بھی کمی واقع ہوئی ہے۔ پاکستان کےلیے یہ ایک لمحۂ فکریہ ہے کہ امریکا، جو ہمیشہ جنوبی ایشیا میں ایک اہم کھلاڑی رہا ہے، اب خطے میں بھارت کو ترجیح دے رہا ہے اور پاکستان کو اپنی پالیسیوں میں شامل کرنے کےلیے زیادہ دلچسپی نہیں دکھا رہا۔ اس کا مطلب یہ ہے کہ پاکستان کو اپنی خارجہ پالیسی میں فوری اور بنیادی تبدیلیاں کرنا ہوں گی تاکہ وہ اپنی سفارتی حیثیت کو مستحکم کرسکے۔
موجودہ صورتحال میں پاکستان کو فوری طور پر اپنی خارجہ پالیسی کے کچھ نکات پر محنت کرنا ہوگی۔
پاکستان کے وزیر خارجہ یا وزیراعظم کو براہ راست امریکی قیادت کے ساتھ تعلقات کو بہتر بنانے کےلیے متحرک ہونا پڑے گا۔ اگر ڈونلڈ ٹرمپ روس، یوکرین، چین اور بھارت کے ساتھ سفارتی طور پر متحرک ہیں، تو پاکستان کےلیے بھی یہ لازمی ہے کہ وہ واشنگٹن سے اپنے تعلقات کو ازسر نو مستحکم کرے۔
پاکستان کو صرف اپنی داخلی سیاست تک محدود نہیں رہنا چاہیے، بلکہ عالمی امور میں مؤثر کردار ادا کرنے کی ضرورت ہے۔ اس کے لیے سفارتی وفود کو زیادہ متحرک اور موثر بنایا جانا چاہیے تاکہ پاکستان کا نقطۂ نظر عالمی سطح پر سنا جاسکے۔
اگر امریکا بھارت کو ایک بڑے اقتصادی پارٹنر کے طور پر دیکھ رہا ہے تو پاکستان کو بھی اپنی معیشت کو مستحکم کرنے اور بین الاقوامی سرمایہ کاری کو راغب کرنے کے لیے عملی اقدامات اٹھانے ہوں گے۔
پاکستان کو افغانستان کے حوالے سے اپنی اہمیت منوانی ہوگی۔ اگر امریکا اس معاملے پر پاکستان کو نظر انداز کر رہا ہے، تو اسلام آباد کو اپنی سفارتی حکمت عملی میں ایسی تبدیلیاں کرنی ہوں گی جو اسے خطے میں ناگزیر بنا سکیں۔
ڈونلڈ ٹرمپ کی روسی صدر پوٹن کے ساتھ گفتگو، یوکرین جنگ کے مستقبل، نیٹو کی پالیسی اور امریکا بھارت تعلقات سب کچھ عالمی سیاست میں بڑی تبدیلیوں کی طرف اشارہ کر رہے ہیں۔ ایسے میں پاکستان کےلیے یہ ضروری ہے کہ وہ اپنی خارجہ پالیسی پر ازسر نو غور کرے اور عالمی سطح پر اپنی موجودگی کو یقینی بنائے۔ اگر پاکستان فوری اقدامات نہ کرے تو خدشہ ہے کہ امریکا کی نئی پالیسیوں میں پاکستان کےلیے جگہ مزید کم ہوجائے گی، جو مستقبل میں پاکستان کی معیشت، سفارت کاری اور خطے میں اس کے اثر و رسوخ پر منفی اثر ڈال سکتا ہے۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 800 سے 1,200 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹوئٹر آئی ڈیز اور اپنے مختصر مگر جامع تعارف کے ساتھ [email protected] پر ای میل کردیجیے۔
.ذریعہ: Express News
کلیدی لفظ: اپنی خارجہ پالیسی پاکستان کےلیے میں پاکستان ڈونلڈ ٹرمپ پاکستان کی پاکستان کے پالیسی میں پاکستان کو کہ پاکستان کی پالیسی کے درمیان براہ راست بھارت کو یہ ہے کہ کو اپنی کے ساتھ نیٹو کے رہا ہے
پڑھیں:
دنیا پر ٹرمپ کا قہر
جب امریکا کسی ملک کو دھمکیاں دے رہا ہے، کسی پر پابندیاں لگا رہا ہے، کسی پر قبضہ کرنے کی تیاری کر رہا ہے اور اقوام متحدہ کو خاطر میں نہیں لا رہا ہے گویا خود کو پوری دنیا کا مالک اور ٹھیکیدار سمجھ رہا ہے پھر اپنی ہر زیادتی کو اپنا استحقاق بھی سمجھ رہا ہے تو ایسے میں دنیا میں افراتفری، انتشار اور سیاسی و معاشی عدم استحکام کا پیدا ہونا یقینی ہے پھر جب سب کچھ امریکا کو ہی کرنا ہے تو اقوام متحدہ کے وجود کا کیا جواز رہ جاتا ہے؟
امریکا تو اپنی من مانی کر ہی رہا ہے، اس کا بغل بچہ اسرائیل اس سے بھی دو ہاتھ آگے جا رہا ہے، اس نے ظلم و ستم کا بازار گرم کر رکھا ہے مگر مجال ہے کہ کوئی اسے روک یا ٹوک سکے۔ اقوام متحدہ میں حالانکہ اسرائیل کے خلاف اسے جنگی جنون سے باز رکھنے کے لیے کئی قراردادیں پیش ہو چکی ہیں مگر اس کے آقا امریکا نے کسی کو پاس نہ ہونے دیا اور اگر کوئی پاس بھی ہو گئی تو اس پر عمل نہ ہونے دیا۔
چنانچہ غزہ کیا پورے فلسطین میں مسلمانوں کی نسل کشی جاری ہے دنیا تماشا دیکھ رہی ہے اور مسلمان ممالک بھی خاموش ہیں کیونکہ وہ اپنے مفادات کو دیکھ رہے ہیں۔ ایسے حالات میں اقوام متحدہ کی بے بسی پر ترس آ رہا ہے پہلے لوگ او آئی سی کو بے حس گھوڑا کہتے تھے مگر اب تو اقوام متحدہ کا اس سے بھی برا حال ہے اگر اقوام متحدہ امریکا کے آگے بے بس ہے تو پھر اسے بند ہی کر دینا چاہیے اور امریکا بہادر کو من مانی کرنے دی جائے۔
اس سے کم سے کم یہ تو ہوگا کہ تمام ہی ممالک امریکا سے کیسے نمٹنا ہے اس پر سوچنا شروع کریں گے ابھی تو دنیا اپنے معاملات کے لیے یو این او کی جانب دیکھتی ہے مگر ان کے جائز مطالبات بھی پورے نہیں ہو پاتے اس لیے کہ تمام معاملات کو UNOخود نہیں امریکی مرضی سے نمٹاتی ہے۔
افسوس اس امر پر ہے کہ امریکا اپنے مفادات کا غلام ہے وہ صرف اپنے ملک اور قوم کی بھلائی کو دیکھتا ہے اسے کسی ملک کی پریشانی یا مشکل کی کوئی پرواہ نہیں ہے۔ مثال کے طور پر اس نے روس کو زیر کرنے کے لیے پاکستان کے دائیں بازو کے حکمرانوں، مذہبی طبقے اور افغان مجاہدین کو خوب خوب استعمال کیا۔ پھر پاکستان نے امریکی گلوبل وار آن ٹیررزم میں ہزاروں جانیں گنوائیں اور کروڑوں ڈالر کا نقصان اٹھایا مگر اس کا نتیجہ یہ نکلا کہ جب اس کا کام نکل گیا تو اس نے پاکستان کو اپنے حلیفوں کی فہرست سے نکال کر چین سے تعلقات توڑنے پر زور دینے لگا۔
امریکی حکمرانوں کو اگر اپنے ہم وطنوں کے علاوہ کسی کی پرواہ ہے تو وہ اسرائیل ہے۔ امریکی ویٹو پاور اسرائیل کے کھل کر کام آ رہی ہے۔ وہ امریکی سپورٹ کے بل بوتے پر عربوں کو خاطر میں نہیں لا رہا ہے اور کسی بھی عرب ملک کو نشانہ بنانے سے ذرا نہیں ہچکچا رہا ہے۔ شام اور عراق کے بعد اب وہ ایران پر حملے کی تیاری کر رہا ہے اور کسی بھی وقت وہ یہ حرکت کر سکتا ہے اور اگر ایران نے پلٹ کر وار کیا تو پھر امریکا اسے معاف نہیں کرے گا اور اسے اپنے مہلک ترین میزائلوں سے نشانہ بنا دے گا۔
اب بتائیے تقریباً دو سال سے اسرائیل فلسطینیوں کی نسل کشی کر رہا ہے مگر امریکا سمیت تمام یورپی ممالک تماشا دیکھ رہے ہیں انھوں نے اسرائیل کو اس کی جارحیت روکنے کے لیے آج تک کوئی عملی اقدام نہیں کیا۔ امریکا نے اسرائیل کے لیے خطرہ بننے والے کتنے ہی ممالک کو تباہ و برباد کر ڈالا ہے، اگر اس کے مفادات اور برتری قائم رکھنے کے راستے میں روس اور چین آڑے نہ آتے تو وہ پوری دنیا پر اپنا پرچم لہرا دیتا۔
دراصل امریکا کی برتری اس کی فوجی طاقت ہے۔ معیشت تو اس کی بھی ڈانواڈول ہے۔ وہ دنیا کو صرف اپنی فوجی طاقت سے ڈراتا رہتا ہے جہاں تک معیشت کا تعلق ہے تو اس سے بڑا اس کے لیے اور کیا لمحہ فکریہ ہوگا کہ وہ خود 36 ٹریلین ڈالر کا مقروض ہے۔ امریکی معیشت روز بہ روز تنزلی کی جانب گامزن ہے۔
صدر ٹرمپ نے اقتدار سنبھال کر امریکی معیشت کو پٹری پر لانے کے لیے ہی مختلف اقدام کیے ہیں جن میں مختلف عوامل شامل ہیں۔ امریکی ایڈ ختم کرنے سے لے کر ٹیرف کا بڑھایا جانا انھی اقدام میں شامل ہے۔ صدر ٹرمپ اپنے لگائے گئے ٹیرف کو امریکا کے لیے مفید قرار دے دیتے ہوئے تین روز قبل اسے نافذ کرنے کا اعلان کیا کیا تو اس انتہائی اقدام سے پوری دنیا میں ہلچل مچ گئی تھی۔
اسٹاک ایکسچینجوں میں لوگوں کے اربوں ڈالر ڈوب گئے ، وال اسٹریٹ میں کہرام بپا ہوا۔ جب خود امریکی عوام ٹرمپ کے اس اقدام سے بے زارنظر آتے ہیں تو ٹرمپ نے یو ٹرن لیتے ہوئے ٹیرف کے نافذ کو تین ماہ کے لیے معطل کرنے کا اعلان کیا ،البتہ چین کے خلاف 125 فی صد ٹیرف برقرار رکھنے کا اعلان بھی کیا۔
ٹرمپ کے اس غیر متوقع اقدام سے خود پاکستان کے بری طرح متاثر ہونے کا امکانات بڑھ گئے ہیں، کیونکہ اس وقت پاکستان اپنے معاشی بحران سے نکلنے کے لیے کوششیں کر رہا ہے اور اس میں اسے کئی کامیابیاں بھی ملی ہیں جس سے ملک میں معاشی استحکام پیدا ہونے کی امید ہو چلی تھی مگر ٹرمپ نے پاکستانی برآمدات پر29 فی صد بھاری محصول عائد کرکے پاکستان کے لیے مشکلات کھڑی کر دی ہیں۔
دراصل امریکا پاکستانی مصنوعات کی ایک فائدہ مند منڈی ہے۔ پاکستان اس مسئلے سے نمٹنے کے لیے امریکی انتظامیہ سے مذاکرات کرنے کا آغاز کرنے جارہا ہے مگر یہاں تو دنیا کا ہر ملک ہی امریکی حکومت سے اس کے ٹیرف کو کم کرنے پر مذاکرات کرنے کی کوشش کر رہا ہے۔
کیا ٹرمپ اپنے اعلان کردہ محصولات سے مستقل طور پر پیچھے ہٹ جائیں گے ؟ان کی سخت طبیعت کو دیکھتے ہوئے ایسا لگتا نہیں ہے مگر انھیں پیچھے ہٹنا پڑے گا ورنہ خود امریکی معیشت پہلے سے زیادہ تنزلی کا شکار ہو سکتی ہے۔
اس وقت دنیا کی تجارت ورلڈ ٹریڈ آرگنائزیشن کے تحت انجام پا رہی ہے اس کے اصول بنانے میں بھی امریکی ہاتھ تھا اب خود امریکا اپنے مفاد کی خاطر عالمی تجارت کو ایسا نقصان پہنچانے جا رہا ہے جس کا نقصان اسے خود بھی بھگتنا پڑے گا اور ٹرمپ کو عوامی مقبولیت سے بھی ہاتھ دھونا پڑیں گے۔
انھیں چاہیے کہ امریکی معیشت کو بہتر بنانے کے لیے کچھ دوسرے اقدام اٹھائیں۔ ٹیرف کے نفاذ کو اگر مناسب سطح پر بھی لے آئیں جس سے عالمی تجارت رواں دواں رہے اور چھوٹے ممالک کو نقصان نہ ہو تو اس سے نہ صرف امریکی امیج برقرار رہے گا بلکہ شاید اگلی بار انتخابات میں کامیابی ٹرمپ کا پھر مقدر بن جائے۔
خلیل الرحمان ہنی ٹریپ کیس کی سماعت کل تک ملتوی