پرنسپل نائلہ سموں نے رشوت کابازار گرم کررکھا ہے ،گسٹا
اشاعت کی تاریخ: 14th, February 2025 GMT
حیدرآباد(اسٹاف رپورٹر) گورنمنٹ سیکنڈری ٹیچرز ایسوسی ایشن (گسٹا)حیدرآباد تعلقہ لطیف آبادکے تحت گورنمنٹ کمپری ہینسو گرلز ہائی اسکول لطیف آباد نمبر5،میں پرنسپل نائلہ سموں کی جانب سے معلمات سے سالانہ انکریمنٹ پرمبینہ 500 روپے فی معلمہ رشوت وصول کئے جانے کے خلاف جاری احتجاجی تحریک کے دوسرے روز حیدرآباد پریس کلب کے سامنے احتجاج کرتے ہوئے دھرنا دیا گیا ،دھرنے میں خواتین اساتذہ بھی بڑی تعداد میں شریک تھیں ۔اس موقع پر گسٹا حیدرآباد ڈویژن کے صدر محمود احمد چوہان، ضلع حیدرآباد کے صدر عبد القیوم شیخ، ضمیر خان ،اعجاز کیانی ،فیصل ناغڑ،طلعت بیگم اور آپا صابرہ نے خطاب کرتے ہوئے کہا کہ گورنمنٹ کمپری ہینسیو گرلز ہائیر سیکنڈری اسکول لطیف آباد نمبر5 کی پرنسپل نائلہ سموں کی جانب سے اساتذہ سے زبردستی رشوت لیے جانے کے عمل کو کسی بھی صورت برداشت نہیں کریں گے، پرنسپل نائلہ سموں نے رشوت کا بازار گرم کیا ہوا ہے ہر ایک اساتذہ سے سروس بک میں انٹری کرنے کی مد میں 500روپے وصول کیے جا رہے ہیں جو کہ اساتذہ کے ساتھ ناانصافی ہے، پرنسپل نائلہ سموں کی برطرفی تک احتجاجی تحریک جاری رکھے گی ۔گسٹا عہدیداران نے حکومت سندھ سے مطالبہ کیا کہ کرپٹ رشوت خور پرنسپل خلاف کارروائی کر کے فوری طور پر بر طرف کیا جائے۔ دوسری صورت میں احتجاج کا دائرہ وسیع کیا جائے گا۔
.ذریعہ: Jasarat News
کلیدی لفظ: پرنسپل نائلہ سموں
پڑھیں:
کاروباری برادری رشوت دینا بند کردے، ایف بی آر میں اچھے افسران لگائیں گے، وزیر خزانہ
کاروباری برادری رشوت دینا بند کردے، ایف بی آر میں اچھے افسران لگائیں گے، وزیر خزانہ WhatsAppFacebookTwitter 0 12 April, 2025 سب نیوز
اسلام آباد (سب نیوز )وزیر خزانہ محمد اورنگزیب نے کہا ہے کہ صنعتکاروں اور تاجروں کا ملکی ترقی میں کلیدی کردار ہے، ہمارا اصل مقصد عام آدمی کو فائدہ پہنچانا ہے، پاکستان میں سیلف سسٹین ایبلٹی آئے گی تو یہ عالمی مالیاتی ادارے (آئی ایم ایف) کا آخری قرض پروگرام ہوگا، آنے والے مہینوں میں وزیراعظم کی جانب سے مزید خوشخبریاں سنائی جائیں گی۔
لاہور چیمبر آف کامرس کے دورے میں صنعتکاروں سے ملاقات کے بعد نیوز کانفرنس کرتے ہوئے وزیر خزانہ نے کہا کہ وزیراعظم شہباز شریف ٹیکسیشن کے معاملات کو براہ راست لیڈ کرر ہے ہیں، اگر ہم اپنے محصولات اور توانائی کے مسائل حل کرلیں تو معیشت بہتری کی جانب چلی جائے گی۔
محمد اورنگزیب نے کہا کہ چوری اور رشوت خوری کی شکایات کو ایک زاویے سے نہ دیکھا جائے، تالی دونوں ہاتھ سے بجتی ہے، سرکاری افسران رشوت لے رہے ہیں تو کوئی رشوت دے بھی تو رہا ہے، کاروباری برادری سے کہتا ہوں آپ کی مدد کی ضرورت ہے، آپ لوگ رشوت دینا بند کریں، فیڈرل بورڈ آف ریونیو (ایف بی آر) میں ایسے افسران لائیں گے جن کی ساکھ اور شہرت اچھی ہوگی۔
انہوں نے کہا کہ 80 فیصد انکم ٹیکس دینے والے سیلری کلاس کی انکم اکانٹ میں گرتے ہی ٹیکس کاٹ لیا جاتا ہے، پھر بھی انہیں دفاتر میں جانا پڑتا ہے، انہیں مشورہ دیا جاتا ہے کہ نان ایپلی کیبل لکھ دیں، اگر کوئی ایسا لکھ دے اور کل کو کوئی مسئلہ ہوجائے تو کون اسے حل کرے گا؟ ہم سادہ سا فارم متعارف کروائیں گے، موبائل فون سے آن لائن اسے بھر دیں تو سیلری کلاس کا ٹیکس کا مسئلہ حل ہوجائے گا۔
واٹس ایپ نے چیٹ پرائیویسی سے متعلق نیا فیچر متعارف کرا دیا