جاپان کی پاکستان کے آئی ٹی طلبا کو جدید ٹیکنالوجی کی تعلیم میں معاونت کی پیش کش
اشاعت کی تاریخ: 13th, February 2025 GMT
جاپان کے سفیر اور قونصل جنرل نے گورنر سندھ سے ملاقات کی اور آئی ٹی طلبا کو جدید ٹیکنالوجی کی تعلیم میں معاونت کی پیش کش کردی۔
تفصیلات کے مطابق گورنر سندھ کامران ٹیسوری سے جاپانی سفیر اکاماٹسو شیوچی، قونصل جنرل تاشیکازو اسومورا نے ملاقات کی۔
اس موقع پر مہمانوں نے گورنر سندھ کی جانب سے نصب امید کی گھنٹی بجائی جبکہ شکایتی سیل سمیت مختلف مقامات کا دورہ کیا اور کامران ٹیسوری کے اقدامات پر حیرت کا اظہار کیا۔
گورنر سندھ کامران خان ٹیسوری نے کہا کہ جاپانی سرمایہ کار صوبہ کے پرکشش ماحول اور منافع بخش شعبوں سے فائدہ اٹھائیں، اس ضمن میں ایس آئی ایف سی منصوبہ سرمایہ کاروں کو بھرپور معاونت، تعاون اور مدد فراہم کر رہا ہے۔
انہوں نے مزید کہا کہ جاپان سے تجارت میں اضافہ کے خواہشمند ہیں۔
ملاقات میں دو طرفہ تعلقات، سرمایہ کاری، تجارت میں اضافہ سمیت اہمیت کے حامل دیگر امور پر تبادلہ خیال کیا گیا۔ جاپان کے سفیر نے گورنر سندھ کو جاپان کے شہر اوساکا میں منعقدہ ایکسپو 2025ء میں شرکت کی دعوت بھی دی۔
جاپان کے سفیر نے کہا کہ سرمایہ کاری کے لئے صوبہ انتہائی پرکشش اہمیت کا حامل ہے۔ جاپانی سرمایہ کار مختلف شعبوں میں دلچسپی رکھتے ہیں۔
انہو ں نے مزید کہا کہ گورنر انیشیٹیو کے تحت نوجوانوں کو جاپانی زبان سکھائیں اس ضمن میں سفارت خانہ تعاون بھی کرے گا۔
جاپانی سفیر نے گورنر انیشی ایٹو کے تحت تعلیم حاصل کرنے والے طلبا کے لئے خوشخبری دیتے ہوئے انہیں جاپان کی جدید ٹیکنالوجی کی تعلیم میں معاونت کی پیشکش کی۔ اس سے قبل جب جاپان کے سفیر گورنرہاﺅس آئے تو انہیں سلامی پیش کی گئی۔
جاپان کے سفیر نے شجر کاری مہم کے تحت گورنر ہاﺅس میں پودا بھی لگایا۔ پرچم کشائی کی اور مہمانوں کی کتاب میں تاثرات بھی تحریر کئے۔ " امید کی گھنٹی" اور بابائے قوم کے تاریخی کمرہ کا دورہ کیا۔
جاپان کے سفیر نے امید کی گھنٹی بجا کر خوشگوار حیرت کا اظہار کیا اور کہا کہ گورنر اینیشیٹوز کے تحت جاری منصوبے عوامی فلاح و بہبود کے لئے اہم ثابت ہوں گے۔
.ذریعہ: Express News
کلیدی لفظ: جاپان کے سفیر نے گورنر سندھ نے گورنر کہا کہ کے تحت
پڑھیں:
گورنر سندھ سے ایرانی قونصل جنرل کی ملاقات
گورنر سندھ کامران ٹیسوری سے ایرانی قونصل جنرل حسن نوریان کی گورنر ہاؤس میں ملاقات ہوئی۔
ملاقات میں دوطرفہ تعلقات، تجارتی مواقع اور باہمی تعاون پر تبادلہ خیال کیا گیا۔
گورنر سندھ کامران ٹیسوری سے اٹلی کے قونصل جنرل کی بھی ملاقات کی۔ اس موقع پر گورنر سندھ نے کہا کہ اٹلی سے وفود کے تبادلوں اور تجارت میں اضافے کے خواہش مند ہیں۔
انہوں نے کہا کہ اٹلی کے سرمایہ کار سندھ کے پرکشش ماحول سے بھرپور استفادہ کرسکتے ہیں۔
اٹلی کے قونصل جنرل نے گورنر ہاؤس میں شجر کاری مہم کے تحت پودا لگایا، مہمانوں کی کتاب میں تاثرات درج کیے۔
ترجمان سندھ حکومت کا مریم اورنگزیب کے بیان پر ردعمل