اسٹاک ایکسچینج میں کاروبار کا منفی زون میں اختتام ، 100 انڈیکس میں 360 پوائنٹس کی کمی
اشاعت کی تاریخ: 13th, February 2025 GMT
کراچی : پاکستان اسٹاک ایکسچینج میں ٹریڈنگ کے دوران اتارچڑھاؤ کے بعد مارکیٹ کا اختتام منفی زون سے ہوا۔
کاروباری ہفتے کے چوتھے روز کاروبار کے آغاز پر حصص مارکیٹ میں تیزی دیکھی گئی ہے، 400 سے زائد پوائنٹس اضافے کے ساتھ اسٹاک مارکیٹ میں 100 انڈیکس ایک لاکھ 13 ہزار 477 پوائنٹس کی حد کو چھو گیا۔
بعد ازاں ٹریڈنگ کے دوران مارکیٹ میں اچانک مندی چھاگئی جو اختتام تک برقرار رہی جس کے باعث 100 انڈیکس 360 پوائنٹس کی کمی کے ساتھ ایک لاکھ 12 ہزار 564 پوائنٹس کی سطح پر بند ہوا۔ گزشتہ روز اسٹاک ایکسچینج میں 100 انڈیکس 85 پوائنٹس کی کمی کے ساتھ ایک لاکھ 12 ہزار 924 پوائنٹس کی سطح پر بند ہوا تھا۔
.ذریعہ: Jasarat News
کلیدی لفظ: پوائنٹس کی
پڑھیں:
پاکستان میں سونے کی قیمت میں کمی، فی تولہ 1600 روپے سستا
اسلام آباد: پاکستان میں آج سونے کی فی تولہ قیمت میں 1600 روپے کی کمی دیکھنے کو ملی ہے، جس کے بعد سونا 3 لاکھ 1 ہزار 500 روپے فی تولہ کی قیمت پر فروخت ہو رہا ہے۔
میڈیا رپورٹس کےمطابق آل پاکستان جیمز اینڈ جیولرز ایسوسی ایشن کے مطابق، گزشتہ روز سونے کی قیمت میں 100 روپے کا اضافہ ہوا تھا، جس کے بعد فی تولہ سونا 3 لاکھ 3 ہزار 100 روپے تک پہنچ گیا تھا۔
آج سونے کی قیمت میں کمی آنے سے صارفین کو کچھ ریلیف ملا ہے۔ 10 گرام سونے کی قیمت میں بھی 1372 روپے کی کمی آئی ہے، جس کے بعد اس کی نئی قیمت 2 لاکھ 58 ہزار 487 روپے ہو گئی ہے۔
عالمی مارکیٹ میں سونے کی قیمت میں بھی کمی دیکھنے کو ملی ہے، جہاں عالمی سطح پر سونے کی قیمت 16 ڈالر کم ہوکر 2888 ڈالر فی اونس ہو گئی ہے۔ یہ کمی پاکستان میں سونے کی قیمتوں کو متاثر کرنے کی اہم وجہ بن رہی ہے۔
جیمز اینڈ جیولرز ایسوسی ایشن نے کہا ہے کہ عالمی مارکیٹ میں سونے کی قیمتوں کی تبدیلی پاکستان کی مقامی قیمتوں پر اثر انداز ہوتی ہے، جس کی وجہ سے آج سونے کی قیمتوں میں کمی آئی ہے۔
یہ کمی اس وقت آئی ہے جب عالمی سطح پر سونے کی قیمتوں میں بھی کچھ تنزلی ہوئی ہے، جس کا اثر پاکستان میں بھی دکھائی دیا، مارکیٹ میں سونے کی قیمتوں کے اتار چڑھاؤ کے باوجود سونا اب بھی ایک اہم سرمایہ کاری کا ذریعہ ہے اور اس کی قیمتوں میں کمی یا اضافے سے خریدار اور سرمایہ کار متاثر ہو رہے ہیں۔
عوام کو مہنگائی کا ایک اور جھٹکا، گھی مزید مہنگا ہوگیا