چیئرمین گلبرگ ٹاؤن کا ہونہارطلبہ کو شائننگ اسٹارایوارڈ دینے کافیصلہ
اشاعت کی تاریخ: 13th, February 2025 GMT
چیئرمین گلبرگ ٹاؤن نصرت اللہ کی زیرصدارت اجلاس ہورہا ہے
کراچی (اسٹاف رپورٹر) گلبرگ ٹاؤن نے میڑک، انٹر اور مدارس کے 200 سے زائد ہونہار طلبہ و طالبات کو شائننگ اسٹار ایوارڈ دینے کا فیصلہ کیا ہے،2024 کیسالانہ امتحانات میں نمایاں پوزیشن لینے والے نہم، دہم، انٹر سال اول و دوم اور مدارس کے سالانہ امتحانات میں نمایاں پوزیشن لینے والے گلبرک ٹاؤن کے رہائشی طلباء میں لیپ ٹاپ، ایکسیلنس ایوارڈ، تحائف اور تعریفی سند تقسیم کی جائیں گی، شائننگ اسٹار کی مرکزی تقریب 15 فروری بروز ہفتہ صبح 10 بجے المرکز اسلامی فیڈرل بی ایریا بلاک 7 میں منعقد کی جائے گی، اس بات کا اعلان چیئرمین گلبرگ ٹاؤن نصرت اللہ نے تمام یوسز کی چیئرمین وائس چیئرمین اور گلبرگ ٹاؤن کے افسران کے اجلاس میں کیا۔چیئرمین گلبرگ ٹاؤن نصرت اللہ نے مرکز اسلامی میں شائننگ اسٹار پروگرام کے حوالے سے تفصیلات سے آگاہ ہوئے کہا کہ شائننگ اسٹار پروگرام کرنے کا مقصد گلبرگ ٹاؤن کے ہونہار طلبہ و طالبات کی حوصلہ افزائی کرنا ہے۔ انہوں نے بتایا کہ آن لائن رجسٹریشن کا عمل جاری ہے، شائننگ اسٹار بچوں میں شہر کی معروف علمی، ادبی اور سماجی و کاروباری شخصیات انعامات تقسیم کریں گی،ان کا کہنا تھا کہ امیر جماعت اسلامی پاکستان حافظ نعیم الرحمن کے ویژن کے مطابق ہم اختیارات سے بڑھ کر کام کریں گے ہم نوجوانوں کے لیے وسائل مہیا کریں گے میں اور میری پوری ٹیم دن رات عوام کو سہولت مہیا کرنے کے لیے کوشاں ہیں اس موقع پر ان کے ہمراہ وائس چیئرمین محمد الیاس، ٹاؤن مونسپل کمشنر عبدالحمید سہاگ، سابق ٹاون ناظم فاروق نعمت اللہ، یوسی چیئرمین، وائس چیئرمین، کوآرڈینیٹر اور تمام محکمہ جاتی افسران بھی موجود تھے۔
.ذریعہ: Jasarat News
کلیدی لفظ: چیئرمین گلبرگ ٹاو ن شائننگ اسٹار
پڑھیں:
آنٹی کی بہن سے پیار میں مبتلا شخص نے دھمکی دینے والے انکل کو موت کے گھاٹ اتار دیا
بھارتی ریاست اترپردیش میں آنٹی کی بہن سے پیار میں مبتلا شخص نے دھمکی دینے والے اپنے انکل کو موت کے گھاٹ اتار دیا۔
بھارتی میڈیا کی رپورٹ کے مطابق پولیس بتایا کہ اتر پردیش کے پریاگ راج میں ایک شخص کو مبینہ طور پر اپنے انکل کو قتل کرنے کے الزام میں گرفتار کیا گیا ہے جب کہ مقتول نے ملزم کو اپنی آنٹی کی بہن سے محبت کرنے پر دھمکیاں دی تھیں۔
ملزم آکاش پرجاپتی کو متاثرہ مہندر پرجاپتی کے پڑوسی ضلع کوشامبی سے ایک درخت کے نیچے مردہ پائے جانے کے اگلے روز گرفتار کیا گیا۔
ابتدائی تحقیقات سے پتا چلا کہ 28 سالہ مہندر اپنے بھتیجے کے ساتھ گھر سے نکلا اور پھر رات بھر گھر نہیں آیا، گھر والوں نے اسے فون کیا تو شروع میں بات ہوئی لیکن پھر اس کا موبائل فون بند ہوگیا۔
اس کے بعد گھر والوں نے پولیس سے رابطہ کیا، پولیس نے تفتیش کی تو پتا چلا کہ فون آکاش کے پاس ہے۔
پوچھ گچھ کے دوران آکاش نے پولیس کو بتایا کہ وہ اس کی آنٹی کی بہن سے محبت کرتا ہے اور مہیندر نے اس کے مبینہ عشق کی وجہ سے اسے دھمکی دی تھی۔
پولیس نے بتایا کہ خوف اور غصے کی وجہ سے آکاش نے اپنے کزن روہت اور دوست وجے کے ساتھ مل کر مہندر کو شراب پلائی اور پھر اس کا سر اینٹ پر مارا۔
پولیس نے ملزم سے خون آلود کپڑے اور مقتول کا موبائل فون برآمد کر لیا، تینوں ملزمان کو مقامی عدالت میں پیش کیا گیا اور پھر جیل بھیج دیا گیا۔
آپ کے ہاتھ خون سے رنگے ہیں، بہادر خاتون ملازم کا بل گیٹس کے سامنے احتجاج