کراچی میں ڈمپر حادثات میں اضافے پر پی ٹی آئی رہنما راجہ اظہر کا شدید ردعمل
اشاعت کی تاریخ: 12th, February 2025 GMT
اپنے بیان میں پی ٹی آئی کراچی کے صدر نے کہا کہ اگر ڈمپر مافیا کے خلاف سخت کارروائی نہ کی گئی تو پی ٹی آئی بھرپور احتجاج کرے گی اور اس مسئلے کو ہر سطح پر اٹھایا جائے گا۔انہوں نے ڈمپر ایسوسی ایشن سے مطالبہ کیا کہ صرف سینئر اور تجربہ کار ڈرائیورز کو ڈمپر چلانے کی اجازت دی جائے تاکہ مزید حادثات سے بچا جا سکے۔ اسلام ٹائمز۔ پاکستان تحریک انصاف (پی ٹی آئی) کراچی کے صدر راجہ اظہر نے شہر میں ڈمپر حادثات میں اضافے پر سخت تشویش کا اظہار کرتے ہوئے ڈمپر مافیا کے خلاف شدید ردعمل دیا ہے۔ راجہ اظہر نے کہا کہ ایک مخصوص طبقہ کراچی کو ماضی کے پرتشدد ادوار کی طرف دھکیلنے کی کوشش کر رہا ہے۔ انہوں نے الزام عائد کیا کہ کراچی کے امن کو خراب کرنے کے لیے لسانی فسادات کو ہوا دی جا رہی ہے اور شہریوں کی جان و مال کو خطرے میں ڈالا جا رہا ہے۔ ان کا کہنا تھا کہ انتظامیہ سے سوال ہے کہ ڈمپرز کے باعث ہونے والے حادثات کا ذمہ دار کون ہے؟ حکومت کی اولین ذمہ داری شہریوں کے جان و مال کا تحفظ ہے، لیکن کراچی میں آئے روز بڑھتے حادثات کو روکنے والا کوئی نہیں۔ راجہ اظہر نے انکشاف کیا کہ کچھ عناصر ڈمپروں کو نذرِ آتش کرنے میں بھی ملوث ہیں، جس سے لسانیت کو ہوا دی جا رہی ہے۔
انہوں نے ڈمپر ایسوسی ایشن سے مطالبہ کیا کہ صرف سینئر اور تجربہ کار ڈرائیورز کو ڈمپر چلانے کی اجازت دی جائے تاکہ مزید حادثات سے بچا جا سکے۔ انہوں نے کہا کہ ہماری ماؤں، بہنوں اور بچوں کو بے دردی سے ڈمپروں تلے کچلا جا رہا ہے، جس کے نتیجے میں قیمتی جانیں ضائع ہو رہی ہیں۔ حکومت مکمل طور پر ناکام ہو چکی ہے، اور پیپلز پارٹی جان بوجھ کر کراچی میں فسادات پیدا کرنا چاہتی ہے۔ پی ٹی آئی کراچی کے صدر نے حکومت اور انتظامیہ سے مطالبہ کیا کہ ڈمپرز کی آمد و رفت کو رات 11 بجے سے صبح 6 بجے تک محدود رکھا جائے اور اس پر سختی سے عملدرآمد کرایا جائے۔ ساتھ ہی انہوں نے روڈ پر آگ لگانے اور فسادات برپا کرنے والوں کو خبردار کیا کہ وہ امن و امان خراب کرنے سے باز رہیں۔
ذریعہ: Islam Times
کلیدی لفظ: پی ٹی آئی کراچی کے انہوں نے کیا کہ
پڑھیں:
عوامی نیشنل پارٹی کے رہنما شاہی سید کی ایم کیو ایم کے مرکز آمد، رہنماؤں سے ملاقات
چیئرمین ایم کیو ایم نے شاہی سید کے خیالات کو سراہتے ہوئے کہا کہ وہ لسانی ہم آہنگی کی تصویر ہیں، اور ایم کیو ایم ہر زبان بولنے والے کو ایک ہی قوم کا حصہ سمجھتی ہے۔ ملاقات کے اختتام پر دونوں جماعتوں نے اس عزم کا اظہار کیا کہ کراچی کو ایک پرامن، باوقار اور ترقی یافتہ شہر بنانے کے لیے مشترکہ کوششیں جاری رکھی جائیں گی۔ اسلام ٹائمز۔ عوامی نیشنل پارٹی (اے این پی) سندھ کے صدر شاہی سید نے ایم کیو ایم پاکستان کے مرکز بہادرآباد کا دورہ کیا جہاں ایم کیو ایم کے سینئر رہنما مصطفی کمال سمیت دیگر مرکزی قیادت نے ان کا پرتپاک استقبال کیا۔ دونوں جماعتوں کے رہنماؤں کے درمیان موجودہ سیاسی صورتحال، کراچی کے مسائل اور لسانی ہم آہنگی کے فروغ پر تفصیلی تبادلہ خیال ہوا۔ اس موقع پر میڈیا سے گفتگو کرتے ہوئے شاہی سید نے کہا کہ کراچی کا مسئلہ لسانی نہیں بلکہ انتظامی ہے، مگر اسے لسانی رنگ دینے کی کوشش کی جا رہی ہے۔ انہوں نے کہا کہ کراچی میں تعلیم اور بے روزگاری سب سے بڑے مسائل ہیں، پانی کی قلت ہے مگر کوئی اس وجہ سے مرا نہیں کیونکہ پانی نالوں میں نہیں بلکہ ٹینکروں میں موجود ہے۔ انہوں نے مزید کہا کہ کوٹہ سسٹم کی وجہ سے کراچی کے نوجوان ڈاکٹر اور انجینئر بننے کے باوجود بے روزگار ہیں، اور یہ ناانصافیاں شہریوں کو ذہنی طور پر مفلوج کر چکی ہیں۔
انہوں نے واضح کیا کہ سیاست کا مقصد عہدے نہیں بلکہ عوام کے مسائل کا حل ہونا چاہیئے۔ شاہی سید نے کہا کہ کراچی کو صرف شہر یا صوبہ نہ سمجھا جائے بلکہ پورے پاکستان کا حصہ سمجھا جائے۔ شاہی سید کا کہنا تھا کہ شہر کے ادارے کرپشن پر نہیں بلکہ میرٹ پر چلنے چاہئیں، کراچی میں سمندر، ایئرپورٹ اور بے شمار وسائل موجود ہیں، پھر بھی یہاں کے نوجوانوں کو روزگار نہیں، اس کی سب سے بڑی وجہ نیت کی کمی ہے۔ انہوں نے کہا کہ ہم ہر جماعت کو ان کا فرض یاد دلائیں گے، چاہے وہ پیپلز پارٹی ہو یا ایم کیو ایم۔ ٹریفک حادثات پر بھی انہوں نے بات کرتے ہوئے کہا کہ حادثات بڑھ رہے ہیں لیکن اس کا مطلب یہ نہیں کہ گاڑیاں جلائی جائیں، بلکہ قانون کے مطابق فیصلے ہوں۔
ایم کیو ایم کے چیئرمین خالد مقبول صدیقی نے اس موقع پر کہا کہ موجودہ ملکی حالات اور کراچی کے مسائل کو مدنظر رکھتے ہوئے شاہی سید کی ایم کیو ایم سے ملاقات اہمیت کی حامل ہے، تمام لوگوں کی ملک کی بہتری کی ذمہ داری ہے، ہم اب مزید پریشانیاں افورڈ نہیں کر سکتے۔ انہوں نے کہا کہ شہر کی لسانی ہم آہنگی کے لیے یہ ملاقات ایک سنگ میل ہے، ایم کیو ایم لسانی ہم آہنگی کو اپنی ذمہ داری سمجھتی ہے اور ہم کسی صورت شہر کے حالات کو خراب ہونے نہیں دیں گے۔ خالد مقبول نے مزید کہا کہ 90ء کی دہائی میں ہوئی کچھ غلطیوں کی وجہ سے آج بھی دشواریاں درپیش ہیں اور اب وقت آگیا ہے کہ شہر کو ناانصافیوں سے نجات دلائی جائے، کوٹہ سسٹم نے شہر کے نظام کو برباد کیا ہے اور ہم سمجھتے ہیں کہ شہر کے امن میں ہی ملک کی بقاء ہے۔
شمالی وزیرستان میں تیل و گیس کا نیا ذخیرہ دریافت