آسٹریلوی بولر کا بولنگ ایکشن مشکوک قرار
اشاعت کی تاریخ: 12th, February 2025 GMT
آسٹریلیا کے اسپنر میتھیو کوہنیمن کا بولنگ ایکشن مشکوک قرار دے دیا گیا۔
کرکٹ آسٹریلیا نے میتھیو کوہنیمن کا بولنگ ایکشن مشکوک قرار دیے جانے کی تصدیق کر دی۔
میتھیو کوہنیمن نے آسٹریلیا کو سری لنکا کے خلاف ٹیسٹ سیریز میں فتح دلانے میں اہم کردار ادا کیا تھا۔
میتھیو کوہنیمن نے آسٹریلیا کی جانب سے سیریز میں سب سے 16 زیادہ وکٹیں حاصل کی تھیں۔
میچ آفیشلز نے بائیں ہاتھ کے اسپنر کے ایکشن کو مشکوک اور غیر قانونی قرار دیا، بولنگ ایکشن کو گال میں ہونے والے دوسرے ٹیسٹ میچ میں مشکوک قرار دیا گیا۔
اس حوالے سے کرکٹ آسٹریلیا کا کہنا ہے کہ میتھیو کوہنیمن کے بولنگ ایکشن کا اب باضابطہ تجزیہ کرایا جائے گا، ان کے بولنگ ایکشن کا تجزیہ رپورٹ ہونے کے 14 روز کے اندر کرایا جائے گا۔
میتھیو کوہنیمن ڈومیسٹک کرکٹ میں بولنگ کرسکتے ہیں، وہ انٹرنیشنل لیول پر بولنگ نہیں کرا سکتے۔
.ذریعہ: Daily Mumtaz
کلیدی لفظ: بولنگ ایکشن مشکوک قرار
پڑھیں:
43 سالہ دھونی نے کرکٹ میں کون سا نیا ریکارڈ بنالیا؟
بھارتی کرکٹ کے لیجنڈ اور چنئی سپر کنگز (CSK) کے اسٹینڈ اِن کپتان مہندر سنگھ دھونی نے انڈین پریمیئر لیگ (IPL) 2025 میں شاندار کارکردگی کے ذریعے نیا ریکارڈ قائم کر دیا۔ لکھنؤ سپر جائنٹس (LSG) کے خلاف میچ میں دھونی نے صرف 11 گیندوں پر 26 رنز کی دھواں دار اننگز کھیل کر ٹیم کو سنسنی خیز فتح دلائی۔
بھارت رتنا اٹل بہاری واجپائی ایکانا کرکٹ اسٹیڈیم، لکھنؤ میں کھیلے گئے مقابلے میں دھونی کو ان کی برق رفتار اننگز پر پلیئر آف دی میچ کا اعزاز دیا گیا اور یوں وہ آئی پی ایل کی تاریخ میں یہ اعزاز حاصل کرنے والے سب سے عمر رسیدہ کھلاڑی بن گئے۔ 43 سال اور 280 دن کی عمر میں یہ کارنامہ انجام دے کر انہوں نے پروین تمبے کا 11 سال پرانا ریکارڈ توڑ دیا، جنہوں نے 2014 میں 42 سال 208 دن کی عمر میں یہ اعزاز جیتا تھا۔
مزید پڑھیں: بابراعظم نے مہندرسنگھ دھونی کو بھی پیچھے چھوڑ دیا
میچ کے بعد گفتگو کرتے ہوئے دھونی نے اعتراف کیا کہ ٹیم کی بیٹنگ مزید بہتری کی متقاضی ہے۔ ان کا کہنا تھا کہ بطور بولنگ یونٹ ہم نے عمدہ کارکردگی دکھائی، لیکن بیٹنگ میں ابھی بہتری کی گنجائش ہے۔ ہمیں اپنے کردار اور ذمے داریوں کو سمجھنا ہوگا۔ اگر کوئی بلے باز اچھی شروعات کرے تو اُسے اننگز کو مکمل کرنے کی کوشش کرنی چاہیے۔
???? MS DHONI BECOMES THE OLDEST PLAYER IN IPL HISTORY TO WIN THE POTM AWARD – 43. ???? pic.twitter.com/MHV1Y2TMEN
— Mufaddal Vohra (@mufaddal_vohra) April 14, 2025
دھونی نے نوجوان بلے باز شیخ رشید کی بھی تعریف کی اور کہا کہ شیخ رشید نیٹس میں بھی تیزی سے بہتر ہورہا ہے اور اُس کے پاس مستند شاٹس کے ساتھ حریف بولرز پر حاوی ہونے کی صلاحیت ہے۔
مزید پڑھیں: ’میچ جلدی جیتو، بچے کی آمد قریب ہے‘، دھونی کی بیوی کی انسٹا اسٹوری وائرل
دلچسپ بات یہ رہی کہ ایم ایس دھونی خود پلیئر آف دی میچ کا ایوارڈ ملنے پر حیران دکھائی دیے، ان کا کہنا تھا کہ مجھے تو لگا کہ یہ ایوارڈ نور احمد کو ملنا چاہیے تھا، اُس نے زبردست بولنگ کی۔
یاد رہے کہ چنئی سپر کنگز کی یہ اس سیزن میں دوسری فتح ہے اور دھونی کی جانب سے اس عمر میں ایسی جارحانہ اننگز نے ایک بار پھر شائقین کرکٹ کو خوشگوار حیرت میں ڈال دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پی ایل بھارت چنئی سپر کنگز مہندر سنگھ دھونی مین آف دی میچ
ٹریفک انجینیئرنگ بیورو میئر کراچی کو سونپنے، ہیوی گاڑیوں کی حد رفتار 30 مقرر کرنے کا اعلان