انسدادِ پولیو مہم: 4 دن میں 4 کروڑ 10 لاکھ سے زائد بچوں کو قطرے پلائے گئے، وزارت صحت
اشاعت کی تاریخ: 8th, February 2025 GMT
2025 کی پہلی قومی انسدادِ پولیو مہم ملک بھر میں جاری ہے۔ ابتدائی 4 دن میں 4 کروڑ 10 لاکھ سے زائد بچوں کو پولیو کے قطرے پلائے گیے ہیں۔
ترجمان وزارت صحت کے مطابق قومی پولیو مہم 9 فروری تک جاری رہے گی، والدین سے درخواست پولیو مہم کے دوران بچوں کو پولیو کے قطرے ضرور پلائیں۔
کوآرڈینیٹر برائے صحت ڈاکٹر مختار بھرتھ نے کہا ہے کہ پولیو ورکرز قوم کے ہیروز ہیں، ان کی خدمات کو خراج تحسین پیش کرتے ہیں۔ پولیو کے خاتمے کی کوششوں میں عوام حکومت کا بھر پور ساتھ دے۔ والدین اور سول سوسائیٹی کی مدد کے بغیر یہ جنگ نہیں جیت سکتے۔
مزید پڑھیں: کوئٹہ: بچوں کو پولیو سے بچاؤ کے قطرے پلانے سے انکار پر 5 افراد گرفتار
ڈاکٹر مختار بھرتھ کا مزید کہنا تھا کہ وزیراعظم شہباز شریف کی قیادت میں پولیو کے خاتمے کا پختہ عزم کر رکھا ہے۔ پولیو کے خاتمے کے لیے ایک مربوط حکمت عملی کے تحت کام جاری ہے۔ ملک سے پولیو کے خاتمے کے لیے تمام اسٹیک ہولڈرز سنجیدہ اقدامات کو یقینی بنا رہے ہیں۔
ان کا کہنا تھا کہ ہائی رسک علاقوں پر خصوصی حکمت عملی کے زریعے اقدامات جاری ہیں۔ وزیراعظم کی ہدایت پر بلوچستان میں مہم کا جائزہ لینے کے لیے فیلڈ کا دورہ کیا۔ حکومتِ پاکستان پولیو ورکرز کی حفاظت یقینی بنانے کے لیے ہر ممکن اقدامات کر رہی ہے۔ آئیے پولیو وائرس کو جڑ سے اکھاڑ پھینکنے کے لیے اپنا کلیدی کردار ادا کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان پولیو پولیو ورکرز ڈاکٹر مختار بھرتھ قومی انسداد پولیو مہم.ذریعہ: WE News
کلیدی لفظ: بلوچستان پولیو پولیو ورکرز قومی انسداد پولیو مہم پولیو کے خاتمے پولیو مہم بچوں کو کے لیے
پڑھیں:
سٹاک ایکسچینج میں مندی
پاکستان سٹاک ایکسچینج میں کے ایس ای ہنڈرڈانڈیکس میں 412 پوائنٹس کی کمی دیکھی گئی ،مارکیٹ 1 لاکھ 11 ہزار 522 پوائنٹس پر ٹریڈ ہورہی ہے۔ خیال رہے کہ منگل کے دن پاکستان سٹاک ایکسچینج میں کاروباری ہفتے کے دوسرے روز بھی مندی کا رحجان برقرار رہا تھا، کاروبار کے اختتام پر ہنڈرڈانڈیکس 809 پوائنٹس کی کمی سے 1 لاکھ 11 ہزار 935 پوائنٹس پر بند ہوا تھا۔ سٹاک مارکیٹ میں دن بھر مجموعی طور پر 440 کمپنیوں کے شیئرز میں کاروبار ہوا ، 129 کمپنیوں کے شیئرز کی قیمتوں میں اضافہ جبکہ 255 کے شیئرز میں کمی ہوئی تھی۔ مارکیٹ میں 43 کروڑ 63 لاکھ سے زائد شیئرز کا لین دین ہوا ، 23 ارب 22 کروڑ سے زائد مالیت کے شیئرز کے سودے ہوئے ، مارکیٹ کی بلند ترین سطح 113،649 جبکہ کم ترین سطح 111، 828 پوائنٹس رہی تھی۔
سپریم کورٹ بار نے اسلام آباد ہائیکورٹ میں ججز ٹرانسفرز کو خوش آئند قرار دے د یا