گوگل سرچ انجن کی بالادستی کیلئے حقیقی خطرہ بننے والے سرچ انجن تک رسائی آسان
اشاعت کی تاریخ: 7th, February 2025 GMT
چیٹ جی پی ٹی کا آرٹی فیشل انٹیلی جنس (اے آئی) ٹیکنالوجی سے لیس سرچ انجن اب تمام صارفین کو دستیاب ہے۔یہاں تک کہ وہ صارفین بھی اسے استعمال کرسکتے ہیں جن کا چیٹ جی پی ٹی اکاؤنٹ نہیں بنا ہوا۔
خیال رہے کہ اکتوبر 2024 میں چیٹ جی پی ٹی کا سرچ انجن متعارف کرایا گیا تھا تاکہ گوگل کو اس شعبے میں سخت ٹکر دی جاسکے۔مگر اس وقت کمپنی کا کہنا تھا کہ یہ سرچ انجن چیٹ جی پی ٹی کے ماہانہ فیس ادا کرنے والے صارفین کو دستیاب ہوگا اور وہ رئیل ٹائم تفصیلات حاصل کرسکیں گے۔دسمبر 2024 میں اسے تمام صارفین کے لیے متعارف کرانے کا اعلان کیا گیا تھا۔
مگر اس وقت کمپنی نے سرچ انجن کو استعمال کرنے کے لیے چیٹ جی پی ٹی پر اکاؤنٹ بنانے کی شرط عائد کی تھی۔کمپنی کی جانب سے اب ایکس (ٹوئٹر) پر ایک پوسٹ میں اعلان کیا گیا کہ چیٹ جی پی ٹی کا سرچ انجن تمام صارفین کے لیے متعارف کرایا جا رہا ہے اور اسے استعمال کرنے کے لیے سائن اپ یا لاگ ان ہونے کی ضرورت نہیں۔
اس سرچ انجن کو چیٹ جی پی ٹی کے ویب ورژن کا حصہ بنایا گیا ہے۔اسے استعمال کرنے کے لیے صارفین کو ویب سائٹ پر سرچ بٹن پر کلک کرنا ہوگا، جس کے بعد اے آئی چیٹ بوٹ کی جانب سے روایتی گفتگو کے انداز میں آپ کے سوالات کا جواب دیا جائے گا۔اس کے ساتھ ساتھ چیٹ جی پی ٹی کی جانب سے انٹرنیٹ پر موجود متعلقہ تفصیلات جیسے تصاویر اور ویب لنکس بھی فراہم کیے جائیں گے۔ان لنکس کو سرچ انجن کے انداز میں پیش کیا جائے گا۔
جب اس سرچ انجن کو متعارف کرایا گیا تھا تو کمپنی نے بتایا تھا کہ چیٹ جی پی ٹی میں ویب سرچ کا اضافہ اس اے آئی چیٹ بوٹ کو مائیکرو سافٹ کو پائلٹ اور گوگل جیمنائی جیسے اے آئی چیٹ بوٹس کا مقابلہ کرنے میں مدد فراہم کرے گا جن کو رئیل ٹائم انٹرنیٹ ڈیٹا تک رسائی حاصل ہوتی ہے۔
ایک حالیہ رپورٹ میں بتایا گیا تھا کہ اگرچہ اب بھی سرچ انجن کے شعبے میں گوگل کو واضح بالادستی حاصل ہے مگر چیٹ جی پی ٹی پر سرچ ٹریفک میں مسلسل اضافہ ہو رہا ہے۔اب جب چیٹ جی پی ٹی سرچ کو تمام صارفین استعمال کرسکیں گے تو ممکنہ طور پر ٹریفک میں بھی اضافہ ہوگا اور گوگل کو حقیقی سخت چیلنج کا سامنا ہوگا۔
.ذریعہ: Daily Ausaf
کلیدی لفظ: چیٹ جی پی ٹی تمام صارفین گیا تھا اے ا ئی کے لیے
پڑھیں:
افغان دہشت گرد گروہ ختم، اپنی سرزمین دوسروں کیخلاف استعمال نہ کرنے دے، پاک چین اعلامیہ جاری
اسلام آباد:پاکستان اور چین کا انسداد دہشت گردی، سی پیک کی ترقی اور کثیرالجہتی تعاون مضبوط بنانے پر اتفاق جبکہ دوطرفہ تعلقات خراب کرنیکی کوششیں ناکام اوردہشت گردی کی تمام اشکال کیخلاف زیرو ٹالرنس رویہ اختیار کرنے کے عزم کا اعادہ کیاگیا۔
افغانستان میں مقیم دہشتگرد گروہوں کو علاقائی اور عالمی سلامتی کیلیے سنگین خطرہ قرار دیتے ہوئے عبوری افغان حکومت سے دہشت گرد گروہوں کو ختم اور افغان سرزمین دوسرے ممالک کے خلاف استعمال کرنے سے روکنے کا مطالبہ کردیا۔
پاکستان "تائیوان کی آزادی" کی تمام اشکال کی مخالفت کرتا ہے۔ پاکستانی وفد نے چینی اہلکاروں پر دہشت گردانہ حملوں کی مذمت کرتے ہوئے کہا پاکستان میں ان کی اور منصوبوں کی حفاظت یقینی بنانے کیلئے اقدامات کرے گا۔
پاکستان اور چین کا انسداد دہشت گردی، دفاع، زراعت، انفارمیشن ٹیکنالوجی سمیت متعدد شعبوں میں دوطرفہ تعاون مضبوط بنانے پر اتفاق۔ایوان صدر اور دفتر خارجہ نے چینی صدر شی جن پنگ سے صدر آصف زرداری کی ملاقات کا 24 نکاتی اعلامیہ جا ری کردیا۔
جس کے مطابق انہوں نے پاک چین تعلقات اور باہمی دلچسپی کے عالمی و علاقائی امور پر تبادلہ خیال کیا۔ صدرزرداری سے چینی وزیر اعظم لی کیانگ اور نیشنل پیپلز کانگرس کی سٹینڈنگ کمیٹی کے چیٔرمین ڑاؤ لیجی نے بھی ملاقات کی۔
فریقین نے اس بات پر اتفاق کیا چین، پاکستان ہمہ موسمی شراکت داری تاریخ اور عوام کا انتخاب ہے اور اسے دونوں ممالک میں زندگی کے تمام شعبوں کی حمایت حاصل ہے۔ بدلتے عالمی حالات کا مقابلہ کرنے کے بعد پائیدار شراکت داری اور آہنی دوستی جغرافیائی سیاسی مفادات سے بالاتر ہے جو علاقائی امن، استحکام اور ترقی کیلئے اہم عنصر ہے۔
فریقین نے ہمیشہ ایک دوسرے کو سمجھا اور ایک دوسرے کی حمایت کی ہے اور سٹریٹجک باہمی اعتماد اور عملی تعاون کو گہرا کیا ہے۔ فریقین نے کہا دوطرفہ تعلقات سٹریٹجک اہمیت کے حامل ہیں اور اس میں خلل ڈالنے یا کمزور کرنے کی کوئی بھی کوشش ناکامی سے دوچار ہوگی۔
چین نے اعادہ کیا پاکستان سے تعلقات چین کی خارجہ پالیسی میں خصوصی اہمیت کی حامل ہے۔ پاکستان نے زور دیا چین سے تعلقات ہماری خارجہ پالیسی کا سنگ بنیاد ہے۔بیان میں مزید کہا گیا دونوں فریقین اعلیٰ سطح کا سیاسی باہمی اعتماد، اعلیٰ سطح کا عملی تعاون، اعلیٰ سطح کا سکیورٹی تعاون اور رابطہ کاری مزید گہرا کریں گے۔ پاکستان نے صدرشی جن پنگ کی گلوبل ڈویلپمنٹ انیشی ایٹو، گلوبل سکیورٹی انیشی ایٹو اور گلوبل سولائزیشن انیشی ایٹو کی تعریف اور بھرپور حمایت کا اظہار کیا۔
دونوں فریقیں نے عالمی مسائل سے ملکر نمٹنے اور انسانیت کیلئے مشترکہ مستقبل کے ساتھ ایک کمیونٹی کو فروغ دینے کیلئے عالمی تعاون بڑھانے پر اتفاق کیا۔ پاکستان نے کمیونسٹ پارٹی آف چائنا کی رہنمائی میں ترقیاتی کامیابیوں کا ذکر کیا اور عظیم جدید سوشلسٹ ملک کی تعمیر آگے بڑھانے اور چینی جدیدیت کے ذریعے چینی قوم کی بحالی محسوس کرنے میں بھرپور حمایت کا اظہار کیا۔
چین نے اڑان پاکستان،اقتصادی اصلاحات اور قومی ترقی میں اس کی کامیابیوں کو سراہا ۔ پاکستان سنکیانگ، زیزانگ، ہانگ کانگ اور بحیرہ جنوبی چین سے متعلق معاملات پر حمایت کرے گا۔ فریقین نے مرکزی حکومتوں، مقامی حکام، قانون ساز اداروں اور سیاسی جماعتوں کے درمیان رابطے مضبوط بنانے، مختلف محکموں اورسطحوں پر تبادلوں پر بھی اتفاق کیا۔
چین نے دہشتگردی کے خلاف جنگ میں پاکستان کی کوششوں اور قربانیوں کی تعریف کرتے ہوئے تعاون فراہم کرنے پر آمادگی ظاہر کی۔ فریقین نے کہا سی پیک کی ترقی کیلئے اقدامات مضبوط بنانے کیلئے جے سی سی افعال کو فائدہ پہنچانے کیلئے پرعزم ہیں۔
فریقین نے غزہ میں جنگ بندی کا خیرمقدم کرتے ہوئے فلسطینی عوام کے حق خودارادیت کی حمایت کا اعادہ کیا ۔مزیدبراں صدر زرداری نے وزیر اعظم لی چیانگ سے ملاقات میں پائیدار اور گہری شراکت داری پر روشنی ڈالی۔
اعلامیہ کے مطابق دونوں ممالک کے رہنماؤں کی نسلوں نے دوستی کو مضبوط کیا۔مزیدبراں پاک، چین مفاہمت کی یادداشتوں پر دستخط کی تقریب ہوئی۔ جس میں ٹھٹھہ سیمنٹ کمپنی اور چنگ گانگ کنسٹرکشن گروپ کے مابین دستخط کئے گئے۔
پاکستان میں سیمنٹ کی پیداوار میں 5000 ٹن یومیہ اضافے کیلئے پروڈکشن لائن لگائی جائے گی۔ سندھ کے محکمہ توانائی اور منگ یانگ قابل تجدید توانائی کمپنی کے مابین، کوئلے کی گیسی فکیشن اور یوریا کے پیداواری پلانٹ کے منصوبے کی یاد داشت پر بھی دستخط کئے گئے۔
ضلع لکی میں اٹامک انرجی کے ایک اور مغوی ملازم رہا