Jasarat News:

اندرون سندھ یوم یکجہتی کشمیر پر ریلیوں اور جلسوں کا انعقاد

اشاعت کی تاریخ: 6th, February 2025 GMT

حیدرآباد / ٹنڈوجام /جیکب آباد/ میرپور ماتھیلو/ ماتلی/ٹنڈوآدم / سکھر / نوابشاہ /خیرپور/ ٹنڈو محمد خان /محرابپور/ میرپورخاص /بدین / مٹیاری /پڈعیدن /دھابیجی / سنجھورو / نوشہرو فیروز / کندھکوٹ (نمائندگان جسارت )امیر جماعت اسلامی پاکستان حافظ نعیم الرحمان کی کال پر ملک کی دیگر اضلاع کی طرح جماعت اسلامی ضلع جیکب آباد کے ضلعی ہیڈ کوارٹر جیکب آباد شہر میں بھی جماعت اسلامی ضلع کی جانب سے ضلعی امیر ابوبکر سومرو ،نائب امراء علامہ محمد حنیف کھوسو، عبدالصمد کٹبار کی قیادت میں دفتر جماعت اسلامی سے پریس کلب تک کشمیری عوام سے اظھار یکجہتی کے طور پر ” یوم یکجہتی کشمیر ” ریلی کا اہتمام کیا گیا.

ریلی دفتر جماعت اسلامی سے قائداعظم روڈ، ڈی سی چوک ،پریس کلب روڈ سے فلگ شگاف نعرے “کشمیریوں سے رشتہ کیا لاالہ اللہ، کشمیر بنے گا پاکستان، بھارتی درندگی مردہ باد، بھارت کا ایک علاج الجھاد الجھاد” لگاتے ہوئی جب پریس کلب پہنچی تو یقیناً جلسہ عام کا منظر پیش کرنے لگی. ریلی کے شرکاء جس میں ضلع بھر سے جماعت اسلامی کے کارکناں کے ساتھ عام شہریوں نے بھی اپنے کشمیری عوام سے والہانہ اظہار محبت کے جذبے کے تحت بڑی تعداد میں شرکت کی۔اس موقع پر ضلعی امیر ابوبکر سومرو ، عبدالصمد کٹبار ، ھدایت اللہ رند اور علامہ محمد حنیف کھوسو نے خطاب کرتے ہوئے کہا کہ مقبوضہ وادی کشمیر کے عوام مطمئن رہیں کہ جب تک ہماری جان میں جان ہے، جماعت اسلامی ہر جگہ اپنے بھائیوں، بہنوں، بیٹیون، بیٹوں، جوان، بزرگوں سے ان کی بھارتی تسلط سے آزادی تک ہر قسم کا تعاون کرتے رہیں گے. ان کا کہنا تھا کہ اقوام عالم اور انسانی حقوق کے علمبردار کہاں چلے گئے ہیں جبکہ وہ تو جانوروں اور پرندوں کے حقوق کے نہ فقط باتیں کرتے ہوئے نہیں تھکتے ہیں بلکہ ان کے لیے سب کچھ کر گزرتے ہوئے نظر آتے ہیں. رہنماؤں کا کہنا تھا سید ابوالاعلیٰ مودودی رحہ کی یہ بات سو فیصد درست ہے کہ بھارت مذاکرات سے نہیں بلکہ جھاد سے مقبوضہ کشمیر چھوڑے گا. ماتلی میونسپل کمیٹی کی جانب سے کشمیر ڈے پر کشمیر بنے کا پاکستان ریلی نکالی گئی ریلی کی قیادت چیف مونسپل آفیسر عتیق قائم خانی اور انجینئر عبد الرزاق ہالپوٹہ نی کی ریلی میں شہریوں اور میونسپل اسٹاف بڑی تعداد میں۔ شرکت کی۔ یوم یکجہتی کشمیر کے موقع پر میرپور ماتھیلو میں ضلعی انتظامیہ و سیاسی سماجی رہنماؤں کی جانب سے الگ الگ ریلیوں کا انعقاد ، کشمیر بنے گا پاکستان کے فلگ شگاف نعرے ، تفصیلات کے مطابق پانچ فروری یوم یک جہتی کشمیر کے موقع پر ملک بھر کے دیگر شھرون کی طرح میرپور ماتھیلو میں بھی مختلف سیاسی سماجی رہنماؤں کی جانب سے الگ الگ ریلیوں کا انعقاد کیا گیا اس موقع پر میڈیا سے بات چیت کرتے ہوئے پرنسپل گورنمنٹ بوائز ہائی سکول غلام سرور کھوکھر ، اے سی میرپور ماتھیلو بابر علی ، تعلقہ ایجوکیشن افسر قاضی لطف اللہ کلوڑ قومی امن کمیٹی کے رہنما اصغر مجاھد مہر ، سعد اللہ کورائی ، و دیگر کا کہنا تھا کہ کشمیر پاکستان کی شہ رگ ہے ہم بڑے خوش نصیب ہیں جو آزاد فزا میں سانس لے رہے ہیں ، انشاء اللہ کشمیری بھائی اپنی جدوجہد میں جلد کامیاب ہونگے جبکہ ریلی میں بھارتی جارحیت اور مظالم کے خلاف نعرے بلند کئے گئے اور دنیا بھر کو بھارت کے مکروہ چہرے سے آگاہ کیا گیا۔ 5 فروری یوم یکجہتی کشمیر کے موقع پر جماعت اسلامی ٹنڈوآدم کی جانب سے پریس کلب کے سامنے کشمیری مسلمانوں سے اظہار یکجہتی کیلئے نائب امیر جماعت اسلامی سندھ افضال احمد آرائیں کی قیادت میں مظاہرہ کیا گیا اس موقع مظاہرین نے ہاتھوں میں جھنڈے بینرز اور پلے کارڈز اٹھا رکھے تھے جن پر کشمیر کی جدو جہد آزادی کی حمایت اور بھارتی فوج کے مظالم کے اور غاصبانہ قبضے کے خلاف نعرے درج تھے اس موقع پر نائب امیر جماعت اسلامی سندھ افضال احمد آرائیں ، مقامی امیر سید عریف اللہ نے مظاہرین سے خطاب کرتے ہوئے کہا کہ بانی پاکستان قائد اعظم محمد علی جناح رح نے فرمایا تھا کہ کشمیر پاکستان کی شہہ رگ ہے اور کشمیر کی آزادی سے ہی پاکستان کی تکمیل ممکن ہے پاکستان کے لہلہاتے کھیت کھلیان زرخیز زمینیں کشمیر سے آنے والے پانی سے ہی سیراب ہوتی ہیں بھارت کی آٹھ لاکھ فوج کشمیری مسلمانوں پر ظلم کے پہاڑ توڑ رہی ہے انسانی حقوق کی نام نہاد تنظیمیں اور اقوام متحدہ خاموش تماشائی بنے ہوئے ہیں مسلم حکمرانوں کا رول بھی مایوس کن ہے انہوں نے کہا کہ تحریک آزادی میں لاکھوں کشمیری مسلمان جام شہادت نوش کرچکے ہیں مگر انکے جذبہ حریت میں کمی نہیں آئی ان شہیدوں کا لہو رنگ لائے گا اقوام متحدہ کے ایجنڈے پر کشمیر سب سے پرانا حل طلب مسئلہ ہے جو اقوام متحدہ کا منہ چڑا رہا ہے انہوں نے کہا کہ ہمارے حکمران بھی کشمیریوں کا نقطئہ نگاہ پیش کرنے سے قاصر ہیں انہیں ہندوستان کی درندگی نظر نہیں آتی وہ آلو پیاز کی تجارت کیلئے مسئلہ کشمیر کو یکسر نظر انداز کررہے ہیں انکے نزدیک سبزیوں کی تجارت انسان خون سے زیادہ عزیز ہوچکی ہے اور مسئلہ کشمیر کو سرد خانے میں ڈال دیا گیا ہے انہوں نے کہا کہ ضرورت اس امر کی ہے کہ ہم مظلوم کشمیری مسلمانوں پر ہونے والے مظالم پر ہندوستان کی سفاکی و بربریت پر اٹھ کھڑے ہوں مسلمانوں خواتین کی لٹی عصمتوں ، بہتے خون اور نسل کشی کے خلاف آواز بلند کریں۔

ذریعہ: Jasarat News

کلیدی لفظ: یوم یکجہتی کشمیر میرپور ماتھیلو جماعت اسلامی کی جانب سے کرتے ہوئے کشمیر کے پریس کلب کیا گیا کہا کہ

پڑھیں:

یوم یکجہتی کشمیر پر کراچی میں جماعت اسلامی کی ریلی، بھارت کے غاصبانہ قبضے کی مذمت

کراچی: جماعت اسلامی پاکستان کے مرکزی نائب امیر لیاقت بلوچ نے نیو ایم اے جناح روڈ پر ”یکجہتی کشمیرریلی “سے صدارتی خطاب کرتے ہوئے کہاہے کہ پاکستان ایٹمی طاقت ، بہترین افرادی قوت اور بھرپور وسائل سے مالا مال ہے ، حکومت وافواج پاکستان اورپالیسی ساز بھی کشمیر پر سودے بازی کے تاثر کو ختم کر کے ،بھارت کے خلاف واضح ،دو ٹوک اور جرأت مندانہ حکمت عملی اپنائیں،5 فروری سے قبل وزیر اعظم پاکستان کو اسلام آباد میں تنازع کشمیر پر قومی کانفرنس منعقد کرنی چاہیے تھی تاکہ قومی موقف کی ترجمانی ہوتی اور بھارت کو بھی پیغام جاتا

نائب امیر جماعت اسلامی پاکستان کا کہنا تھا کہ کشمیری ہمارے ہیں اور پاکستان کشمیریوں کا ہے ، کشمیر کا تنازع پیدا کرکے کروڑوں انسان کو معاشی ،سیاسی و جمہوری حقوق سے محروم کیا گیا۔ بھارتی وزیر اعظم نریندر سنگھ مودی نے یک طرفہ طور پر اقوام متحدہ کی قراردادوں اور فیصلوں کو نظر انداز کرکے بھارتی آئین کے آرٹیکل 35-A اور 370 کو ختم کر کے کشمیر کوغصب کرنے کی کوشش کی۔ اس اقدام کے بعد مقبوضہ کشمیر میں موجود جماعتیں بھی جو دہلی کا ساتھ دے رہی تھی ان کے لیے بھی ممکن نہیں رہا کہ بھارت کے موقف کے ساتھ کھڑی رہیں ،بانی پاکستان قائد اعظم محمد علی جناح نے اعلان کیا تھا کہ کشمیر پاکستان کی شہ رگ اوراسرائیل یورپ کا ناجائز بچہ ہے۔ دنیا میں امن اسی وقت ہوگا جب تنازع کشمیر حل ہوگا اور فلسطین فلسطینیوں کو ملے گا۔

ان کا کہنا تھا کہ ہمارا ایمان اور یقین ہے کہ کشمیر پاکستان کا حصہ بنے گا اور انبیاءکی سرزمین فلسطین ضرور آزاد ہوگی ۔حکمرانوں کو متنبہ کرتے ہیں کہ امریکی صدر ڈونلڈ ٹرمپ کے اشاروں پر فلسطینیوں کی عظیم فتح اورکامیابی کو شکست میں بدلنے کا سوچا بھی گیا تو پوری ملت اسلامیہ کی مزاحمت کا سامنا کرنا پڑے گا۔ریلی سے امیرجماعت اسلامی کراچی منعم ظفر خان ،سیکرٹری کراچی توفیق الدین صدیقی ،نائب امیرکراچی و اپوزیشن لیڈر کے ایم سی سیف الدین ایڈووکیٹ،ڈپٹی اپوزیشن لیڈر کے ایم سی جنید مکاتی ،جماعت اسلامی کراچی منارٹی ونگ کے صدر یونس سوہن ایڈووکیٹ،ہندو برادری کے رہنما کشور کمار ودیگر نے بھی خطاب کیا۔

قبل ازیں ریلی کے شرکا نے جیل چورنگی تا اسلامیہ کالج تک پیدل مارچ کیا ، مارچ کی قیادت مرکزی نائب امیرجماعت اسلامی پاکستان لیاقت بلوچ و امیر کراچی منعم ظفر خان نے کی ۔ شرکا نے آزادی کشمیر ،بھارتی تسلط ،اقوام متحدہ و بڑی طاقتوں کے دہرے معیارکے خلاف بینرز وپلے کارڈز اٹھائے ہوئے تھے اور کشمیر بنے گا پاکستان کے پرجوش نعرے لگاتے رہے ۔اس موقع پر فلسطین فاؤنڈیشن کے رہنما صابر ابو مریم ، جماعت اسلامی آزادجموں و کشمیر (سندھ )کے صدر سردار عبد الحمید ودیگر بھی موجود تھے ۔

لیاقت بلوچ نے مزیدکہاکہ حکمرانوں کو عزت و وقار امریکی غلامی اور اغیار کی نوکری سے نہیں عالم اسلام کے اتحاد کی صورت میں ملے گی ۔ انفارمیشن ٹیکنالوجی کے میدان میں عالم اسلام کو متحد ہوناہوگا۔ ملک میں موجود سیاسی بحران ومعاشی استحکام کے لیے ضروری ہے کہ قومی قیادت امریکا و اسٹیبلشمنٹ سے بھیک مانگنے کے بجائے غلطیوں کو تسلیم کرے اور کم سے کم ایجنڈے پر قومی اتفاق رائے اور استحکام پیدا کیا جائے۔ حکومت افغانستان سے تعلقات ٹھیک کرے،دونوں ممالک کو سوچنا چاہیے کہ پاکستان اور افغانستان کے تعلقات کی مضبوطی خطے کی ضرورت ہے۔ پاکستان ایران سے گیس پائپ لائن منصوبے کی تکمیل کو یقینی بنائے اور ایران سے بھی اپنے تعلقات میں پائیداری پیدا کرے۔

ان کاکہناتھا کہ ترکی کے صدر رجب طیب اردوان کا دورہ پاکستان کا خیر مقدم کرتے ہیں۔ پاکستان اور ترکیہ کے تعلقات دنیا میں امن کا ذریعہ بنیں گے۔بنگلا دیش سے تعلقات کی نئی راہوں سے دونوں ممالک کو استفادہ کرنے کی ضرورت ہے ۔انہوں نے مزیدکہاکہ ڈونلڈ ٹرمپ چاہتے ہیں کہ اہل غزہ مصر اوراردن میں منتقل ہو جائیںان کا کہنا ہے کہ مسلم ممالک کے حکمرانوں کو منالیں گے،ڈونلڈ ٹرمپ امریکا کی اندرونی حالاتِ سے پریشان ہے۔ آج امریکا دنیا کا سپر پاور ملک نہیں رہا،امریکا یہ سمجھ لے کہ اسرائیل کی سرپرستی کرکے پوری دنیا میں نفرت کا شکارہورہا ہے۔ امریکا اگر تمام یہودیوں کو فلسطین سے واپس بھیجے گا تب ہی امن نافذ ہوسکے گا۔15ماہ مسلسل اہل غزہ و فلسطین کی نسل کشی کی گئی، لوگ سمجھنے لگے کہ اسرائیل غزہ کو ہڑپ کرلے گالیکن اسرائیل حماس کے مجاہدین کے ساتھ مذاکرات کرنے پر مجبور ہوا اور تاریخ نے دیکھ لیا کہ اسرائیل کا تکبر خاک میں مل گیا اور غزہ کے عوام اور حماس کے مجاہدین سرخرو ہوگئے ہیں۔

امیر جماعت اسلامی کراچی منعم ظفر خان نے کہاکہ ہم حکمرانوں کو پیغام دینا چاہتے ہیں کہ کشمیر سے غداری پاکستان سے غداری ہے۔ ہمارے حکمران بھارت سے دوستی کی پینگیں بڑھاتے ہیں۔حکمران سن لیں کہ ان کو کشمیریوں کا مقدمہ لڑنا ہوگا جہاں جہاں سفارت خانے ہیں وہاں کشمیریوں کے لیے ڈیسک قائم کی جائے۔ آج پوری دنیا کو پیغام دیا جائے کہ امریکا اور برطانیہ کے پیدا کردہ مسائل کے خلاف آواز بلند کی جائے۔ ہم پر عزم ہیں کہ کشمیر ایک دن ضرور آزاد ہوگا۔

ان کا کہنا تھاکہ آج کراچی کے شہری 5 فروری کی مناسبت سے جمع ہیں اور اظہار کررہے ہیں کہ بھارتی ریاستی دہشت گردی کا خاتمہ ہونا چاہیے۔ عوام مطالبہ کررہے ہیں کہ بھارتی تسلط اور کشمیری مسلمانوں کی نسل کشی ختم ہونا چاہیے۔ کشمیر کے مسلمانوں نے تاریخ کے کسی بھی موڑ پر بھی کسی کے سامنے سر نہیں جھکایا ہے۔ انگریزوں نے 75 لاکھ روپے کے عوض کشمیر کا سودا کیا تب بھی کشمیریوں نے سر نہیں جھکایا۔ برصغیر پاک و ہند کی تقسیم کے موقع پر کشمیریوں نے پاکستان کے ساتھ الحاق کا اعلان کردیا۔

منعم ظفر خان کا کہنا تھاکہ بھارت نے مقبوضہ کشمیر میں 8 لاکھ سے زاید فوجیوں کو تعینات کردیا۔ موجودہ آزاد کشمیر بھی قبائلیوں نے آزاد کرایا۔جنوری 1948ءسے آج تک اقوام متحدہ اپنی قراردادوں پر عمل درآمد نہیں کراسکا۔ ایک جانب مشرقی تیمور اور جنوبی سوڈان کا مسئلہ ہوتا ہے تو اقوام متحدہ آگے بڑھ کر مسئلہ حل کرا دیتا ہے۔ کشمیر اور فلسطین کے مسئلے پر اقوام متحدہ کوئی کردار ادا نہیں کررہا۔