کراچی واٹر کارپوریشن نے ایک اور سنگ میل عبور کرلیا
اشاعت کی تاریخ: 4th, February 2025 GMT
کراچی:
میئر کراچی بیرسٹر مرتضیٰ وہاب اور ایم ڈی واٹر کارپوریشن انجینئر اسداللہ خان کی بہترین حکمت عملی اور دن رات محنت و لگن کے بعد واٹر کارپوریشن نے ایک اور سنگ میل عبور کرتے ہوئے ادارے کی ماہانہ آمدنی میں ریکارڈ اضافہ کرلیا جس کے بعد واٹر کارپوریشن کی ماہانہ آمدنی 2 بلین سے تجاوز کرگئی جو واٹر کارپوریشن کی تاریخ میں ایک ریکارڈ اضافہ ہے۔
ترجمان واٹر کارپوریشن کے مطابق واٹر کارپوریشن میں جدید اصلاحات اور تمام افسران و ملازمین کی بہترین کارکردگی اور انتظامیہ کی بہتر حکمت عملی کے باعث قلیل مدت میں ریکارڈ اضافہ ہوا ہے۔
اس حوالے سے میئر کراچی بیرسٹر مرتضیٰ وہاب نے ریکارڈ آمدنی کرنے پر ایم ڈی واٹر کارپوریشن انجینئر اسداللہ خان سمیت تمام افسران و ملازمین کو خراج تحسین پیش کرتے ہوئے کہا کہ واٹر کارپوریشن کے مالی استحکام کی طرف ایک بہت بڑی کامیابی حاصل ہوئی ہے کیونکہ آمدنی بہتر ہونے کا فائدہ نہ صرف ادارے کو ہوگا بلکہ ملازمین سمیت شہریوں کو بھی ہوگا۔
انہوں نے کہا ادارے کی آمدنی بہتر ہوگی تو شہر میں فراہمی و نکاسی آب کے نظام میں مزید بہتری لائی جاسکتی ہے اور جاری تمام منصوبوں کو بروقت مکمل کیا جا سکتا ہے انہوں نے اس بات پر زور دیتے ہوئے کہا کہ آنے والے وقت میں واٹر کارپوریشن کی آمدنی مزید بڑھانے کے لیے بھرپور اقدامات کیے جائیں گے اور ہم سب مل کر واٹر کارپوریشن کو ایک مثالی ادارہ بنانے میں کوئی کثر نہیں چھوڑیں گے۔
انہوں نے مزید کہا کہ شہریوں کو فراہمی و نکاسی آب کی بہتر سہولیات فراہم کرنا ہماری اولین ترجیحات میں شامل ہے جبک صارفین سے درخواست ہے کہ وہ اپنے ماہانہ بلز اور بقایاجات بروقت جمع کروائیں تاکہ انہیں فراہمی و نکاسی آب کی مزید بہتر سہولیات فراہم کی جا سکے۔
.ذریعہ: Express News
کلیدی لفظ: واٹر کارپوریشن کی بہتر
پڑھیں:
کراچی، ٹریفک حادثات کا سلسلہ تھم نہ سکا، مزید دو افراد جاں بحق
کراچی:شہر قائد میں ہیوی گاڑیوں کی لاپروائی سے ہونے والے حادثات کا سلسلہ بدستور جاری ہے۔
بدھ کی شب جمشید کوارٹر اور سچل کے علاقوں میں پیش آنے والے دو الگ الگ حادثات میں دو موٹرسائیکل سوار افراد جان کی بازی ہار گئے۔
پہلا واقعہ گرومندر کے قریب بلیو ربن بیکری کے نزدیک پیش آیا جہاں ساڑھے بارہ بجے کے قریب ایک نامعلوم گاڑی کی ٹکر سے 40 سالہ موٹرسائیکل سوار شدید زخمی ہو گیا۔
مزید پڑھیں: کراچی ٹریفک حادثے میں باپ شیرخوار بیٹے سمیت جاں بحق اہلیہ شدید زخمی
زخمی شخص کو فوری طور پر جناح اسپتال منتقل کیا گیا، تاہم منگل اور بدھ کی درمیانی شب وہ دوران علاج دم توڑ گیا۔
پولیس کے مطابق متوفی کے پاس ایسی کوئی شناختی دستاویز موجود نہیں تھی جس سے اس کی شناخت ممکن ہو سکے۔ ضابطے کی کارروائی کے بعد لاش کو چھیپا سردخانے میں ورثا کی شناخت کے لیے امانتاً رکھوا دیا گیا ہے۔
دوسرا واقعہ سچل تھانے کی حدود میں گڈاپ ٹاؤن کے علاقے سعدی گارڈن کے گیٹ کے قریب پیش آیا، جہاں ایک واٹر ٹینکر کی ٹکر سے 35 سالہ موٹرسائیکل سوار تنویر موقع پر جاں بحق ہو گیا۔
مزید پڑھیں: کراچی ٹریفک حادثات میں4 افراد جاں بحق ایک نوجوان شدید زخمی
جاں بحق شخص کی لاش کو چھیپا ایمبولینس کے ذریعے پہلے سچل تھانے اور بعد ازاں عباسی شہید اسپتال منتقل کیا گیا۔
حادثے کے بعد واٹر ٹینکر کا ڈرائیور موقع سے فرار ہونے میں کامیاب ہو گیا، تاہم پولیس نے ٹینکر کو قبضے میں لے کر تھانے منتقل کر دیا ہے۔
پارٹی رہنماوں کے ایک دوسرے پر الزامات، عمران خان نے وارننگ دیدی