مثبت و تعمیری صحافت میں گوادر کے صحافیوں کا کردار متاثر کن ہے
اشاعت کی تاریخ: 3rd, February 2025 GMT
گوادر (نمائندہ جسارت) گوادر پریس کلب ایک جمہوری ادارہ ہے مثبت و تعمیری صحافت میں گوادر کے صحافیوں کا کردار متاثر کن ہے۔ آر سی ڈی کونسل کے عہدیداران کا پریس کلب کے نومنتخب کابینہ اور ممبران کے اعزاز میں استقبالیہ اور عصرانہ ۔ آر سی ڈی کونسل گوادر کی جانب سے گوادر پریس کلب کی نو منتخب کابینہ اور ممبران کی اعزاز میں استقبالیہ اور عصرانہ دیا گیا۔ اس موقع پر گوادر پریس کلب کے عہدیداران اور صحافی ممبران نے بھرپور انداز میں شرکت کی۔ اس موقع پر آر سی ڈی کونسل گوادرکے سرپرست اعلیٰ خدابخش ہاشم صدر ناصر رحیم سہرابی نے پریس کلب کے نومنتخب کابینہ کو مبارکباد دی۔ انہوں نے کہا کہ گوادر پریس کلب ایک جمہوری ادارہ ہے جہاں ہرسال جمہوری انداز میں الیکشن ہوتے ہیں اور باقاعدہ جمہوری انداز میں نئی کابینہ آکر اپنا کام سنبھالتی ہے۔ انہوں نے کہا کہ گوادر کے صحافیوں کا کردار مثالی ہے انہوں نے علاقے میں ہمیشہ مثبت و تعمیری صحافت کو فروغ دیا اور معاشرتی مسائل اجاگر کرکے ان کے حل کے لیے اپنا کردار ادا کیا۔ انہوں نے کہا کہ آر سی ڈی کونسل ایک سماجی ادارہ ہے جو ہمیشہ سے معاشرتی، سماجی، ادبی، تعلیمی مسائل و مشکلات کے لیے جہدوجہد کرتی رہی ہے۔ انہوں نے امید ظاہر کی کہ گوادر پریس کلب کی نومنتخب کابینہ اورصحافی ممبران بھی اپنے کردار کو ہمیشہ کی طرح مزید بہتر انداز میں پیش کریں گے۔ انہوں نے گوادر پریس کلب کے زیر اہتمام 13 تا 16 فروری کو آر سی ڈی کونسل میں منعقد ہونے والے نوواں کتب میلہ کی حسب سابق پریس کلب کو میڈیا پارٹنر ہونے کی دعوت دی۔ اس موقع پر پریس کلب کے صدر اسماعیل عمر نے آر سی ڈی کونسل کے عہدیداران کی جانب سے پریس کلب کے اراکین کے اعزاز میں دی جانے والی استقبالیہ اور عصرانہ پر ان کا شکریہ ادا کیا۔ انہوں نے کہا کہ آر سی ڈی کونسل نے ہمیشہ پریس کلب کے صحافیوں کے ساتھ دوطرفہ تعلقات استوار کئے رکھے اور یہ عمل ائندہ بھی جاری رہے گا۔ انہوں نے کہا کہ گوادر پریس کلب حسب سابق آئندہ بھی آر سی ڈی کونسل میں منعقد ہونے والے کتب میلہ کا میڈیا پارٹنر ہونے کو تیار ہیں۔انہوں نے آر سی ڈی کونسل کے عہدیداران کو دعوت دی کہ وہ کتب میلہ میں باہر سے آنے والے مہمانوں کو پریس کلب کا دورہ کرائے اس موقع پر گوادر پریس کلب کے سابق صدر اور سینئر ممبر ایم بی سالک کی گزارش پر پریس کلب کے فائونڈر ممبر اور سرپرست اعلیٰ اسماعیل بلوچ کی صحت یابی کیلئے بھی خصوصی دعا کی گئی۔ بعد ازاں گوادر پریس کلب کے صحافیوں کو پرتکلف عصرانہ دیا گیا۔
.ذریعہ: Jasarat News
کلیدی لفظ: انہوں نے کہا کہ ا ر سی ڈی کونسل کے عہدیداران کے صحافیوں کابینہ ا
پڑھیں:
افغانستان فی الفور دہشت گرد تنظیموں کو لگام ڈالے، اپنی سرزمین استعمال نہ ہونے دے، وزیراعظم
اسلام آباد: وزیراعظم شہباز شریف نے افغانستان کی حکومت کو واضح کیا ہے کہ دہشت گرد تنظیموں کوفی الفور لگام ڈالیں اور اپنی سرزمین ان کے ہاتھوں استعمال ہونے کی قطعاً اجازت نہ دیں۔
وزیراعظم کے دفتر اسلام آباد سے جاری بیان کے مطابق وزیراعظم شہباز شریف نے لندن میں صحافیوں سے گفتگو کرتے ہوئے کہا کہ دورہ بیلاروس اچھا رہا، بیلاروس کی زراعت کے شعبے میں مہارت سے فائدہ اٹھائیں گے، بیلاروس میں بننے والے زرعی مشینری کے جوائنٹ وینچرز پاکستان میں بنیں گے۔
انہوں نے کہا کہ اللہ تعالی نے پاکستان کو معدنیات کے خزانے عطا کیے ہیں، بیلاروس میں مائنز اینڈ منرلز کے حوالے سے مشینری بنانے والی فیکٹری کا بھی دورہ کیا، اس شعبے میں بھی ان شا اللہ تعاون بڑھائیں گے۔
وزیراعظم نے کہا کہ ڈیڑھ لاکھ ہنر مند پاکستانی نوجوانوں کو بیلاروس میں روزگار کی فراہمی کے لیے بیلاروس سے ہماری مفاہمت ہوئی ہے جو ہم ان شا اللہ بالکل میرٹ پر بھیجیں گے۔
انہوں نے کہا کہ پنجاب اسپیڈ جو تھی وہ بھی پاکستان اسپیڈ تھی جو اب سپر پاکستان اسپیڈ ہے، نواز شریف کی ہی قیادت میں ہم قوم کی خدمت کر رہے ہیں، ترقی کرتا ہوا، خوش حالی کی طرف تیزی سے بڑھتا ہوا پاکستان ان شا اللہ ہماری منزل ہے۔
وزیراعظم نے کہا کہ اجتماعی کاوشوں اور پوری قوم کی دعاؤں سے شبانہ روز محنت کرکے یہ منزل ان شااللہ حاصل کریں گے۔
انہوں نے کہا کہ میں نے ہمیشہ کہا ہے کہ افغانستان ہمارا ایک ہمسایہ برادر ملک ہے، ہمیں ہمسائے کے طور پر ہمیشہ رہنا ہے، یہ ہم پر منحصر ہے کہ ہم اچھے ہمسائے کے طور پر رہیں یا تنازعات پیدا کریں۔
وزیر اعظم نے کہا کہ افغان عبوری حکومت کو ہم نے متعدد بار یہ پیغام دیا ہے کہ دوحہ معاہدے کے مطابق وہ کسی طور پر بھی افغانستان کی سر زمین دہشت گردی کے لیے استعمال ہونے کی اجازت نہیں دیں گے لیکن بد قسمتی سے ٹی ٹی پی، آئی ایس کے پی اور دیگر دہشت گرد تنظیمیں وہاں سے آپریٹ کرتی ہیں اور پاکستان کے بے گناہ لوگوں کو انہوں نے شہید کیا ہے۔
انہوں نے کہا کہ میں یہ سمجھتا ہوں یہ قربانیاں جو پاکستان کے عوام، افواج پاکستان، پولیس اور دیگر قانون نافذ کرنے والے ادارے دے رہے ہیں، یہ رائیگاں نہیں جائیں گی۔
انہوں نے کہا کہ افغانستان کو میرا ایک مخلصانہ مشورہ ہے کہ وہ فی الفور ان دہشت گرد تنظیموں کو لگام ڈالے اور اپنی دھرتی کو ان کے ہاتھوں استعمال ہونے کی قطعاً اجازت نہ دے۔
وزیراعظم نے کہا کہ آج اوور سیز کنونشن کا آغاز ہو چکا ہے اور الحمدللہ یہ بہت بڑا، تاریخی کنونشن ہو رہا ہے، اوورسیز پاکستانی اپنے گھر پاکستان میں تشریف لا رہے ہیں، دن رات محنت کرکے اوورسیز پاکستانی پاکستان کا نام روشن کرتے ہیں اور ہر سال اربوں ڈالر کی ترسیلات زر بھجواتے ہیں۔
شہباز شریف نے بتایا کہ اس سال اوورسیز پاکستانیوں کی بھجوائی گئی ترسیلات زر میں کافی اضافہ ہوا ہے، کنونشن ان سے بات چیت کرنے کا بہت شان دار موقع ہے، کنونشن میں اوورسیز پاکستانیوں کے جائز مطالبات کو غور سے سنیں گے اور ان پر جس قدر ہو سکا تیزی سے عمل کریں گے۔
بانی پی ٹی آئی نے عالیہ حمزہ کو پنجاب میں فیصلوں کا اختیار دے دیا