کراچی کے نوجوان سے شادی کی خواہش مند امریکی خاتون کی آمد پر دفتر خارجہ کا ردعمل
اشاعت کی تاریخ: 30th, January 2025 GMT
پاکستانی نوجوان کی محبت میں امریکا سے کراچی آنے والی خاتون کے حوالے سے ترجمان دفتر خارجہ کا ردعمل سامنےآگیا۔
ترجمان دفترخارجہ شفقت علی خان نے ہفتہ وار بریفنگ کے دوران کہا کہ ہمارے اپنے قوانین ہیں، خاتون کے حوالے سے مقامی قوانین کے مطابق کارروائی ہو رہی ہے۔
انہوں نے کہا کہ جب تک کسی کے پاس قانونی طور پر ملک کا ویزہ موجود ہے تو کسی کو بھی واپس نہیں بھیجا جاسکتا، اس حوالے سے حکومت سندھ قانون کے مطابق کارروائی کر رہی ہے۔
یاد رہے کہ نیویارک سے اپنے 2 بچوں کو کراچی کے نوجوان کی خاطر چھوڑ کر پاکستان آنے والی خاتون گزشتہ چند روز سے میڈیا کی شہ سرخیوں میں ہے۔
رپورٹ کے مطابق کراچی کے 19 سالہ نوجوان اور امریکی خاتون کا رابطہ سوشل میڈیا پر ہوا تھا۔ دونوں کی دوستی جلد ہی محبت میں بدل گئی اور ساتھ جینے مرنے کے وعدے ہونے لگے۔
رپورٹ کے مطابق انھی وعدوں کو پورا کرنے کے لیے امریکی خاتون نے اپنے شوہر سے طلاق لی اور دو بچوں کو نیویارک میں چھوڑ کر پاکستان کا رخ کیا۔
یہ بھی پڑھیں: نوجوان کی محبت میں کراچی آکر پھنسی امریکی خاتون کی دلچسپ ویڈیو سامنے آگئی
خاتون کراچی کے علاقے گارڈن ویسٹ کے رہائشی نوجوان کے گھر پہنچی لیکن اس نے ٹکا سا جواب دیا کہ میرے والدین راضی نہیں۔
خاتون یہ ٹکا سا جواب سُن کر سکتے کی حالت میں آگئیں۔ ان کا ایک ماہ کے ویزے کی میعاد ختم ہوچکی تھی اور نئے ویزے کے لیے اسباب نہیں تھے۔
وہ بے یار و مددگار 7 روز سے ایئرپورٹ پر ہی گزر بسر کرنے لگیں یہاں تک کہ جنون کی حالت میں اپنے کپڑے بھی پھاڑ دیئے۔
خاتون کی قسمت اُس وقت کام کر گئی جب گورنر سندھ کامران ٹیسوری سندھ کے دورے سے کراچی ایئرپورٹ پر پہنچے اور خاتون کو اس حال میں دیکھا۔
گورنر سندھ نے خاتون کو فوری طور پر ویزا جاری کر وایا جب کہ خاتون کو ٹکٹ بھی مل گیا۔ تاہم گزشتہ روز خاتون نے واپس جانے سے انکار کرتے ہوئے ایئرپورٹ پر ہنگامہ آرائی بھی کی جب کہ حکام کی جانب سے امریکی قونصل خانے سے بھی رابطہ کیا گیا، جہاں سے امریکی حکام ایئرپورٹ پر مذاکرات کے لیے پہنچے۔
حکام کا کہنا تھا کہ خاتون کو زبردستی طیارے پر سوار کروا کر بھیجنا خلاف قانون ہوگا، لہٰذا کوشش ہے کہ اسے رضامند کرکے واپس بھیجا جائے۔
اس دوران امریکی خاتون کی ایک نئی ویڈیو منظر عام پر آگئی، جس میں وہ خوشگوار موڈ میں دکھائی دے رہی ہے۔ کراچی ائیرپورٹ کے لاؤنج میں داخل ہوکر امریکی خاتون نے فرداً فرداً ڈیوٹی پر موجود اہل کاروں کو السلام علیکم کہا۔
ویڈیو میں دیکھا جا سکتا ہے کہ امریکی خاتون خوشگوار موڈ میں اے ایس ایف اور خلیجی ملک کی ائیر لائن کے عملے سے ہنسی مذاق کررہی ہے۔
.ذریعہ: Express News
کلیدی لفظ: امریکی خاتون ایئرپورٹ پر کے مطابق کراچی کے خاتون کی خاتون کو
پڑھیں:
نوجوان کی محبت میں گرفتار امریکی خاتون پاکستان پہنچ کر دربدر
فوٹو: جیو اسکرین گریبکراچی کے نوجوان نے امریکی خاتون کو اپنی محبت میں گرفتار کرکے پاکستان بلالیا تاہم خاتون کو ٹکا سا جواب دے گیا، جس سے خاتون سکتے کی حالت میں آگئی ہے۔
کراچی کے علاقے گارڈن ویسٹ سے تعلق رکھنے والے 19 سال کے لڑکے نے اس امریکی خاتون کو اپنی محبت کے جال میں پھنسایا تھا۔
امریکی خاتون کا نام اونیا اینڈریو رابنسن ہے اور اسکا تعلق امریکا کی ریاست نیویارک سے ہے، اسکی عمر 33 برس ہے۔ وہ شادی شدہ اور مبینہ طور پر دو بچوں کی ماں ہے۔
یہ خاتون کراچی سے تعلق رکھنے والے نوجوان کی محبت میں گرفتار ہوکر پاکستانی آگئی تھی، کراچی آنے کے لیے خاتون نے 5 اکتوبر 2024 کو پاکستان کے ویزا کے لیے اپلائی کیا تھا اور اسے 9 اکتوبر کو پاکستان کا سیاحتی ویزا ایک ماہ کے لیے جاری کیا گیا تھا۔
خاتون جب کراچی پہنچی تو لڑکے کے والدین یہ جان کر حیران رہ گئے تھے کہ انکے بیٹے نے جسے پسند کیا ہے وہ انکے بیٹے سے عمر میں تقریباً دو گنا بڑی ہے، شوہر سے طلاق لے کر آئی ہے اور دو بچوں کی ماں بھی ہے۔
والدین کی ناراضی پر نوجوان اس خاتون کو چکمہ دے کر غائب ہوا تو خاتون جو رقم لائی تھی اسکی مدد سے کچھ دن تو گزارے پھر ایئرپورٹ آکر بیٹھ گئی اور تقریباً سات روز سے وہ کراچی ایئرپورٹ پر موجود ہے۔
یہ محض اتفاق ہے کہ گورنر سندھ کامران ٹیسوری اندرون سندھ دورے سے جہاز میں کراچی پہنچے تو خاتون کو پریشانی کی حالت میں دیکھا تب معاملہ کھلا۔
گورنر سندھ نے خاتون کو فوری طور پر پاکستان کا ویزا جاری کرادیا ہے، پیر کو جاری یہ ویزا گیارہ فروری تک کی مدت کیلیے ہے۔ ساتھ ہی گورنر سندھ نے خاتون کی امریکا واپسی کے ٹکٹ کا بھی بندوبست کرادیا ہے۔
اس وقت خاتون کی حالت ایسی ہے کہ وہ بات کرنے کے بھی قابل نہیں اور جنون کی کیفیت میں اس نے کئی بار اپنے کپڑے تک پھاڑ لیے۔
گھگھر گوٹھ کے علاقے میں سیوریج کانظام عرصہ دراز سے درہم برہم ہے جس سے مکینوں کوشدید مشکلات کاسامناہے