کراچی کے نوجوان کی محبت میں گرفتار امریکی خاتون کو کس کے حوالے کرنے پر غور؟
اشاعت کی تاریخ: 29th, January 2025 GMT
کراچی:
امریکا سے پاکستانی نوجوان کی محبت میں کراچی آنے والی خاتون کو ائرپورٹ حکام کس کے حوالے کرنے پر غور کررہے ہیں؟ اس حوالے سے ذرائع نے تفصیلات بتا دیں۔
امریکی ریاست نیویارک سے کراچی پہنچنے والی خاتون ، جو نوجوان کی محبت میں اپنے شوہر سے طلاق لے کر اور 2 بچوں کو چھوڑ کر پاکستان پہنچی تھی، گارڈن ویسٹ میں اپنی محبت سے ملنے کے بعد پریشانیوں کا شکار ہو گئی۔ نوجوان نے اسے شادی سے انکار کرتے ہوئے بتایا کہ میرے والدین راضی نہیں ہیں۔
یہ خبر بھی پڑھیں: نوجوان کی محبت میں کراچی آنے والی امریکی خاتون در در کی ٹھوکریں کھانے پر مجبور
بعد ازاں خاتون ویزے کی میعاد ختم ہونے کی وجہ سےا ئرپورٹ پر رہ رہی تھی۔ اس دوران وہاں اس نے جنون کی حالت میں اپنے کپڑے پھاڑے اور ہنگامہ آرائی بھی کی، تاہم گورنر سندھ کی کوشش سے اسے ویزا جاری کروانے کے ساتھ ساتھ امریکا واپسی کی ٹکٹ بھی بک کروا دی گئی۔
بعد ازاں آج صبح خاتون کی امریکا واپسی تھی کہ اس نے ایئرپورٹ پر پھر ہنگامہ کیا اور واپس جانے سے انکار کردیا۔خاتون نے پہلے امیگریشن کرانے سے انکار کیا اور اس کے بعد ڈیپارچر لاؤنج میں جہاز میں سوار نہیں ہوئی۔ خاتون حیلے بہانوں سے کراچی ائیرپورٹ پر امریکا واپسی سے کتراتی رہی۔
مزید پڑھیں: نوجوان کی محبت میں کراچی آنیوالی امریکی خاتون نے ایئرپورٹ پر کیا حرکت کی، حکام پریشان
حکام نے بتایا کہ پولیس اور ایئرپورٹ سکیورٹی نے خاتون کو حفاظتی تحویل میں ڈیپارچر لاؤنج تک پہنچایا۔ ایئرلائن ذرائع کا کہنا ہے کہ جہاز میں سوار کرانے کی تگ و دو کی وجہ سے پرواز 36 منٹ تاخیر کا شکار ہوئی۔ سکیورٹی ایس او پیز کی وجہ سے مسافر کو زبردستی پرواز میں سوار نہیں کرایا جا سکتا ۔
ذرائع کے مطابق ایئرپورٹ حکام نے خاتون کو واپس بھجوانے کے لیے امریکی قونصل خانے سے رابطہ کیا ہے اور اس معاملے پر بات چیت جاری ہے۔ امریکی قونصل خانے کے حکام کراچی ائیرپورٹ پر خاتون سے ملاقات کریں گے۔ ذرائع کا کہنا ہے کہ ائیرپورٹ حکام خاتون کو امریکی قونصل خانے کے حوالے کرنے پر غور کررہے ہیں۔
.ذریعہ: Express News
کلیدی لفظ: نوجوان کی محبت میں خاتون کو
پڑھیں:
نوجوان کی محبت میں آنیوالی امریکی خاتون کا کراچی ایئرپورٹ پر طویل انتظار
کراچی کے نوجوان کی محبت میں پاکستان آ کر پریشانی سے دوچار ہونے والی امریکی خاتون کی حالت کا نوٹس لے لیا گیا۔ خاتون کا وزٹ ویزہ ایکسپائر ہو گیا تھا اور ان کو ایئرپورٹ پر کافی انتظار کرنا پڑا تھا جس کا گورنر سندھ کامران ٹیسوری نے نوٹس لیتے ہوئے ویزے کی مدت بڑھوائی اور واپسی کے لیے ٹکٹ کا بندوبست بھی کرایا۔
کراچی کے علاقے گارڈن ویسٹ سے تعلق رکھنے والے 19 سالہ نوجوان کی محبت کی کہانی نے ایک حیران کن رخ اس وقت اختیار کیا جب اس نے ایک 33 سالہ امریکی خاتون کو اپنی محبت میں گرفتار کرکے پاکستان بلایا۔ نیویارک سے تعلق رکھنے والی خاتون اونیا اینڈریو رابنسن پہلے ہی شادی شدہ اور دو بچوں کی ماں ہیں۔
اونیا رابنسن اور کراچی کے نوجوان کی ملاقات انٹرنیٹ پر ہوئی۔ نوجوان کی باتوں نے اونیا کو اس قدر متاثر کیا کہ وہ پاکستان آنے پر مجبور ہو گئیں۔ اونیا نے 5 اکتوبر 2024 کو پاکستان کے سیاحتی ویزے کے لیے درخواست دی اور 9 اکتوبر 2024 کو ایک ماہ کا ویزا حاصل کیا۔
کراچی پہنچنے پر نوجوان کے والدین کو بیٹے کی پسند پرحیرت ہوئی کیونکہ خاتون اس سے عمر میں دو گنا بڑی تھی اور دو بچوں کی ماں بھی تھی۔ والدین کو اس تعلق پر اعتراض تھا اور بیٹے سے اس تعلق کو ختم کرنے کا کہا جس پر نوجوان نے امریکی خاتون سے شادی کرنے سے انکار کر دیا۔
انکار کے بعد اونیا دربدر ہو گئیں کیونکہ یہاں ان کا کوئی اور جاننے والا نہیں تھا اور چند روز بعد انہوں نے واپسی کے لیے ایئرپورٹ کا رخ کیا تاہم ویزے کی مدت ختم ہونے پر وہیں موجود رہیں۔
یہ معاملہ جب گورنر کامران ٹیسوری کے علم میں آیا تو انہوں نے خاتون کی واپسی کے لیے اقدامات شروع کیے اور ان کے ویزے کی مدت میں نہ صرف اضافہ کیا گیا بلکہ واپسی کے ٹکٹ کے اخراجات بھی برداشت کیے۔
ترجمان گورنر سندھ کا کہنا ہے کہ امریکی خاتون کل کراچی سے اپنے ملک کے لیے رورانہ ہوں گی۔
جسٹس شمس کیخلاف سپریم جوڈیشل کونسل میں ریفرنس کا معاملہ، اٹارنی جنرل کا ردعمل سامنے آگیا