تنقید کیوں کی؟ بھارتی کپتان نے اپنے ہی کرکٹر کیخلاف شکایت لگادی
اشاعت کی تاریخ: 29th, January 2025 GMT
بھارتی کپتان روہت شرما نے اپنے ہی سابق کپتان اور لیجنڈری کرکٹر سنیل گواسکر کے خلاف بھارتی کرکٹ بورڈ (بی سی سی آئی) میں شکایت درج کروادی۔
میڈیا رپورٹس کے مطابق نیوزی لینڈ کیخلاف ہوم سیریز اور دورہ آسٹریلیا میں بدترین شکستوں کے باعث شدید تنقید کی زد میں ہیں جبکہ انکی کپتانی پر بھی سوالات اٹھائے جارہے ہیں۔
ناقڈ فارم نے بھی روہت شرما کا پیچھا ابتک نہیں چھوڑا ہے، جس کے باعث سابق کرکٹرز انہیں تنقید اور ٹرول کررہے ہیں، ایسے میں بھارتی کپتان نے تنقید سے تنگ آکر سابق کرکٹر و لیجنڈ کیخلاف بھارتی کرکٹ بورڈ میں درخواست جمع کروادی ہے۔
بارڈر- گواسکر ٹرافی میں کپتانی اور ناقص فارم کے باعث سابق بھارتی کرکٹر سنیل گواسکر نے روہت شرما نشانہ لگاتے ہوئے تنقید کے نشتر چلائے تھے اور انکے ٹیسٹ کرکٹ کے مستقبل پر بھی سوال اٹھائے تھے۔
گواسکر نے یہاں تک تجویز دی کہ بھارتی ٹیم کی بہتری کے لیے کسی اور کو قیادت سونپنے کا وقت آچکا ہے۔
رپورٹس کے مطابق لیجنڈری کرکٹر کی تنقید موجود بھارتی کپتان روہت شرما کو ہضم نہ ہوئی اور انہوں نے محسوس کیا کہ ان پر یہ تنقید غیر ضروری تھی اور اس کے نتیجے میں مبینہ طور پر بھارتی کرکٹ بورڈ میں سنیل گواسکر کے خلاف شکایت درج کرائی ہے۔
.ذریعہ: Daily Mumtaz
کلیدی لفظ: بھارتی کپتان بھارتی کرکٹ روہت شرما
پڑھیں:
’تم خود غرض ہو دوسروں کے خاندان بیچ رہے ہو‘: رجب بٹ کی پھر فہد مصطفیٰ پر تنقید
رجب بٹ نے ایک بار پھر فہد مصطفیٰ پر تنقید کرتے ہوئے کہا ہے کہ سینئر وہی ہوتا ہے جو خود کو قابلِ عزت بنائے، عزت کرو گے تو عزت ملے گی۔
مشہور پاکستانی یوٹیوبر اور ڈیجیٹل کری ایٹر رجب بٹ ایک بار پھر خبروں کی زینت بن گئے، وہ اپنے متنازع بیانات کی وجہ سے اکثر تنقید کی زد میں آتے ہیں، خصوصاً حالیہ دنوں میں اداکار و میزبان فہد مصطفیٰ کے خلاف دیے گئے بیانات کے بعد ان پر خاصی تنقید کی گئی۔
رجب بٹ کو ان کے پرفیوم 295 کے نام پر ہونے والی بحث کے بعد سخت عوامی ردِ عمل کا سامنا کرنا پڑا، اس وقت وہ ملک سے باہر موجود ہیں۔
حال ہی میں انہوں نے دبئی کی معروف پوڈکاسٹ میں شرکت کی، جہاں انہوں نے فہد مصطفیٰ سے متعلق اپنے متنازع بیان کی وضاحت کی اور ساتھ ہی اداکار کو ایک مشورہ بھی دیا۔
رجب بٹ نے کہا کہ سینئر وہی ہوتا ہے جو خود کو قابلِ عزت بنائے، عزت کرو گے تو عزت ملے گی، اگر میں کسی نویں جماعت کے طالب علم کو کچھ برا بولوں گا تو وہ مجھے وہیں چپ کرا دے گا، سینئرز کو سینئرز کی طرح برتاؤ کرنا چاہیے، بس اتنی سی بات ہے، میرے دادا کہتے تھے کہ سینئرز کی سب سے بڑی خوشی یہ ہوتی ہے کہ وہ اپنے جونیئرز کی کامیابی کو دیکھیں، تمہیں تسلیم کرنا چاہیے کہ ہم آ چکے ہیں۔
انہوں نے کہا کہ ہر کوئی اپنے خاندان کو بیچ رہا ہے، تم خود غرض ہو کیونکہ تم دوسروں کے خاندان بیچ رہے ہو، اگر ڈرامے ٹی وی چینلز پر ہٹ ہیں تو تم انہیں اپنے یوٹیوب چینلز پر کیوں اپ لوڈ کرتے ہو جن کے 60 ملین سبسکرائبرز ہیں؟ اگر تم یہ کرو تو یہ تمہارا کام ہے، اگر ہم کریں تو ہم خاندان بیچ رہے ہیں؟ مجھے فہد مصطفیٰ پہلے جیتو پاکستان کی وجہ سے اچھے لگتے تھے، میں نے کبھی ان کے ڈرامے نہیں دیکھے کیونکہ میں ڈرامہ دیکھنے والا نہیں ہوں، لیکن ان کے اُس بیان کے بعد میں نے ان کی عزت کھو دی۔
پوڈکاسٹ میں رجب بٹ نے فہد مصطفیٰ کو مشورہ دیتے ہوئے کہا کہ میں فہد مصطفیٰ کو کیا مشورہ دوں؟ جب بھی کوئی جونیئر تمہیں نظر آئے، اسے سراہو، بجائے اس کے کہ اسے نیچا دکھا کر اپنی ہی نظر میں اپنی عزت کھو بیٹھو۔
رجب بٹ کا یہ بیان سوشل میڈیا پر ایک بار پھر موضوعِ بحث بن گیا ہے۔
کچھ صارفین ان کی جرأت کو سراہ رہے ہیں، تو کچھ ان کے لہجے اور انداز پر تنقید کر رہے ہیں۔
فہد مصطفیٰ کی جانب سے اس بیان پر تاحال کوئی ردِ عمل سامنے نہیں آیا ہے۔
Post Views: 3
آپ کی آنتوں کوبڑی قیمت ادا کرنی پڑ سکتی ہے،کہیں آپ وٹامن ڈی کی کمی کا شکارتو نہیں؟ جانیں