فاطمہ ثناء شیخ نے ساتھ فلموں کیلئے کاسٹنگ کاؤچ کا تجربہ بیان کردیا
اشاعت کی تاریخ: 27th, January 2025 GMT
بالی ووڈ اداکارہ فاطمہ ثناء شیخ نے ساؤتھ فلموں کےلیے کاسٹنگ کاؤچ سے متعلق اپنا تجربہ بیان کردیا۔
بھارتی میڈیا رپورٹس کے مطابق فاطمہ ثناء شیخ نے کاسٹنگ کاؤچ سے متعلق اپنے تجربے کے ساتھ انڈسٹری میں ایجنٹوں اور پروڈیوسرز کے غیر مناسب رویےپر بات کی۔
33 سالہ اداکارہ نے ساؤتھ فلموں کے ایک ایجنٹ کی گفتگو بتائی کہ جس میں اُن نے استفسار کیا کہ ’تم سب کچھ کروں گی، ٹھیک ہے؟
بالی ووڈ کے مسٹر پرفیکٹ عامر خان کی ممبئی میں ساتھی اداکارہ فاطمہ ثنا شیخ کے ساتھ پیکل بال کھیلتے ہوئے ویڈیو وائرل ہوگئی۔
انہوں نے کہا کہ ایجنٹ کی اس طرح کی بار بار کی گفتگو نے مجھے بے چین کردیا، جس پر میں نے جواب دیا کہ میں کردار کےلیے سخت محنت کروں گی، جو ضروری ہوگا وہ کروں گی۔
اداکارہ فاطمہ ثناء شیخ نے مزید کہا کہ میرے جواب کے باوجود وہ بار بار ایک ہی تقاضا کرتا رہا، پھر میں خاموش ہوگئی، میں دیکھنا چاہتی تھی کہ وہ کس حد تک نیچے گرسکتا ہے۔
اُن کا کہنا تھا کہ یہ واقعہ حیدرآباد کا ہے، میں ساؤتھ انڈسٹری میں کام حاصل کرنے کےلیے پر امید تھی، اس دوران ایجنٹ نے مجھ پر واضح کیا کہ ملاقات میں پروڈیوسر اس پر کھل کر بات کریں گے۔
بالی ووڈ اداکارہ نے کہا کہ ایجنٹ نے مجھ پر واضح کیا کہ یہاں پر آپ کو لوگوں سے ملنا ہے، وہ سیدھی بات نہیں کریں گے بلکہ اپنا مطلب عجیب و غریب طریقوں سے بتائیں گے۔
اس واقعے کے ساتھ ہی 33 سالہ اداکارہ نے اعتراف کیا کہ فلم انڈسٹری میں ہر کوئی اس طرح کا رویہ نہیں رکھتا، بدقسمتی سے کچھ تجربات افسوسناک ہوتے ہیں، بعض فنکاروں نے جو کچھ برداشت کیا اُس کی کہانیاں سن کر دل دہل جاتا ہے۔
.ذریعہ: Jang News
کلیدی لفظ: فاطمہ ثناء شیخ نے کیا کہ
پڑھیں:
عمران خان سے جیل میں امریکی پاکستانی شخص کی طویل ملاقات کا انکشاف
لندن(ڈیلی پاکستان آن لائن ) سابق وزیر اعظم اور جیل میں بند پی ٹی آئی کے بانی چیئرمین عمران خان نے گزشتہ سال نومبر میں ایک ایسے شخص سے طویل بات چیت کی تھی جو اب اعلیٰ حکام کے ساتھ حالیہ اہم بات چیت کا حصہ ہیں۔
مقامی انگریزی اخبار دی نیوز کے مطابق یہ مذاکرات عمران خان کی رہائی اور پی ٹی آئی اور طاقتور حکام کے درمیان تعلقات کو بہتر بنانے کیلئے ممکنہ طریقے تلاش کرنے کے بارے میں ہیں۔ ذرائع نے بتایا کہ امریکی پاکستانیوں کے ایک گروپ کے گزشتہ ماہ (مارچ) کے تیسرے ہفتے میں عمران خان کے ساتھ مذاکرات سے بہت پہلے اڈیالہ جیل میں عمران خان اور ایک ایسے شخص کے درمیان بات چیت کے کئی سیشنز منعقد ہوئے تھے، یہ شخص اب حالیہ مذاکرات اور بات چیت کا حصہ ہے۔
سعودی مارکیٹ میں ٹیسلا کی انٹری، الیکٹرک گاڑیوں کی دوڑ میں نیا موڑ آگیا
عمران خان اور طاقتور پاکستانی انتظامیہ کے درمیان تعطل کو ختم کرنے کیلئے جو کوششیں ہو رہی ہیں اُن میں فوُڈ اور ریئل اسٹیٹ کی امریکی پاکستانی شخصیت تنویر احمد، تحریک انصاف امریکا چیپٹر کے سینئر رہنما عاطف خان، سردار عبدالسمیع، ڈاکٹر عثمان ملک، ڈاکٹر سائرہ بلال اور ڈاکٹر محمد منیر شامل ہیں۔جیل میں عمران خان سے ملاقات کرنے والے امریکی پاکستانی افراد دو دہائیوں سے عمران خان کے ذاتی دوست اور انہیں عطیات دیتے رہے ہیں، جب عمران خان وزیراعظم تھے تب بھی ملاقات کیلئے آتے رہتے تھے اور امریکا سے پاکستان آنے والے وفد کو جوڑنے میں بھی انہوں نے اہم کردار ادا کیا۔
پی آئی اے نے لاہور سے باکو کے لیے براہِ راست پروازیں شروع کرنے کا اعلان کردیا
گزشتہ سال امریکی پاکستانیوں کے ساتھ نومبر میں ہوئی ملاقات کے دوران عمران خان نے حکومت اور اسٹیبلشمنٹ کے ساتھ مفاہمت کی ضرورت کو سمجھا اور معاملات کے حل کیلئے تقریباً حامی ظاہر کی اور پھر انہیں یقین دلایا گیا کہ لاکھوں لوگ اسلام آباد لانگ مارچ میں شامل ہوں گے جس سے اس قدر افراتفری پیدا ہوگی کہ نظام کو فیصلہ کن مذاکرات کی طرف لایا جا سکے گا۔
ذرائع کے مطابق خیبر پختونخوا کے 3 سینئر رہنماؤں نے عمران خان کو یقین دلایا کہ لاکھوں لوگ اسلام آباد پر دھاوا بول دیں گے اور پی ٹی آئی کی شرائط پر عمران خان کو رہا کرایا جائے گا۔ اُس وقت بشریٰ بی بی اس پورے منظرنامے میں شامل نہیں تھیں اور ان کی شمولیت کے حوالے سے بھی کوئی فیصلہ نہیں ہوا تھا۔
والتھم فارسٹ پاکستانی کمیونٹی فورم کے سیکریٹری امجد مرزا امجد کے انتقال پر تعزیتی ریفرنس, خراج تحسین، دعائے مغفرت کی گئی
ذرائع کا بتانا ہے کہ عمران خان اس مارچ کی کامیابی کیلئے اس قدر پرامید تھے کہ انہوں نے امریکی پاکستانیوں کے ساتھ مذاکرات ختم کرنے کا فیصلہ کیا۔
مزید :
شمالی وزیرستان میں تیل و گیس کا نیا ذخیرہ دریافت